Хадис: „О Ебу Сеид! Оној што ќе биде задоволен со Аллах како Господар, со исламот како вера, и со Мухамед како веровесник – за него Џенетот станува задолжителен.“

عَنْ أَبِي سَعِيدٍ الْخُدْرِيِّ رَضيَ اللهُ عنهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«يَا أَبَا سَعِيدٍ، مَنْ رَضِيَ بِاللهِ رَبًّا، وَبِالْإِسْلَامِ دِينًا، وَبِمُحَمَّدٍ نَبِيًّا، وَجَبَتْ لَهُ الْجَنَّةُ»، فَعَجِبَ لَهَا أَبُو سَعِيدٍ، فَقَالَ: أَعِدْهَا عَلَيَّ يَا رَسُولَ اللهِ، فَفَعَلَ، ثُمَّ قَالَ: «وَأُخْرَى يُرْفَعُ بِهَا الْعَبْدُ مِائَةَ دَرَجَةٍ فِي الْجَنَّةِ، مَا بَيْنَ كُلِّ دَرَجَتَيْنِ كَمَا بَيْنَ السَّمَاءِ وَالْأَرْضِ»، قَالَ: وَمَا هِيَ يَا رَسُولَ اللهِ؟ قَالَ: «الْجِهَادُ فِي سَبِيلِ اللهِ، الْجِهَادُ فِي سَبِيلِ اللهِ».
[صحيح] - [رواه مسلم] - [صحيح مسلم: 1884]

Ебу Сеид ел-Худри, Аллах нека е задоволен со него, пренесува дека Божјиот пратеник, салаллаху алејхи ве селем, рекол:
„О Ебу Сеид! Оној што ќе биде задоволен со Аллах како Господар, со исламот како вера, и со Мухамед како веровесник – за него Џенетот станува задолжителен.“ Тоа многу го зачуди Ебу Сеид, па рече: „Повтори ми го тоа, о Аллахов пратенику!“ Тој му го повтори, а потоа додаде: „Има уште едно дело преку кое робот ќе биде воздигнат за сто степени во Џенетот – а растојанието меѓу секој степен е колку растојанието помеѓу небото и земјата.“ Рече: „А кое е тоа, о Аллахов пратенику?“ Тој одговори: „Џихадот на Аллаховиот пат. Џихадот на Аллаховиот пат.“
[صحيح] - [رواه مسلم] - [صحيح مسلم - 1884]

Објаснување

Аллаховиот пратеник, салаллаху алејхи ве селем, го известил Ебу Сеид ел-Худри, Аллах нека е задоволен со него, дека оној што верува во Аллах и е задоволен со Него како свој Господар, Бог, Сопственик, Владетел и Законодавец – и што го прифаќа исламот како вера, покорувајќи се и предавајќи се потполно на сите негови наредби и забрани – и што верува во Мухамед, салаллаху алејхи ве селем, како веровесник, прифаќајќи сè со што бил испратен и што го пренел – за таквиот човек Џенетот е загарантиран.
Ова многу го зачуди Ебу Сеид, па рече: „Повтори ми го тоа, о Аллахов пратенику!“ – па тој му го повторил, а потоа додал:
„Постои уште едно дело преку кое Аллах ќе го воздигне човекот за сто степени во Џенетот – а растојанието меѓу секој степен е како растојанието меѓу небото и земјата.“
Ебу Сеид праша: „А кое е тоа дело, о Божји пратенику?“ Тој одговори: „Џихадот на Аллаховиот пат. Џихадот на Аллаховиот пат.“

من فوائد الحديث

1. Една од причините за влез во Џенетот е да се биде задоволен со Аллах како Господар, со исламот како вера и со Мухамед, салаллаху алејхи ве селем, како веровесник.
2. Големината на џихадот на Аллаховиот пат.
3. Високата положба на муџахидот (воинот на Аллаховиот пат) што му припаѓа во Џенетот.
4. Во Џенетот има безброј степени и рангови, а за муџахидите се издвоени сто степени.
5. Љубовта на асхабите на Аллаховиот пратеник, салаллаху алејхи ве селем, кон доброто и нивната желба да го научат секој пат што води до него.