Hadith: “ឱអាពូសាអ៊ីត! ជនណាដែលពេញចិត្តទទួលយកអល់ឡោះធ្វើជាព្រះជាម្ចាស់ អ៊ីស្លាមធ្វើជាសាសនា ហើយមូហាំម៉ាត់ធ្វើជាណាពី រូបគេប្រាកដជានឹងបានចូលឋានសួគ៌”។

عَنْ أَبِي سَعِيدٍ الْخُدْرِيِّ رَضيَ اللهُ عنهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«يَا أَبَا سَعِيدٍ، مَنْ رَضِيَ بِاللهِ رَبًّا، وَبِالْإِسْلَامِ دِينًا، وَبِمُحَمَّدٍ نَبِيًّا، وَجَبَتْ لَهُ الْجَنَّةُ»، فَعَجِبَ لَهَا أَبُو سَعِيدٍ، فَقَالَ: أَعِدْهَا عَلَيَّ يَا رَسُولَ اللهِ، فَفَعَلَ، ثُمَّ قَالَ: «وَأُخْرَى يُرْفَعُ بِهَا الْعَبْدُ مِائَةَ دَرَجَةٍ فِي الْجَنَّةِ، مَا بَيْنَ كُلِّ دَرَجَتَيْنِ كَمَا بَيْنَ السَّمَاءِ وَالْأَرْضِ»، قَالَ: وَمَا هِيَ يَا رَسُولَ اللهِ؟ قَالَ: «الْجِهَادُ فِي سَبِيلِ اللهِ، الْجِهَادُ فِي سَبِيلِ اللهِ».
[صحيح] - [رواه مسلم] - [صحيح مسلم: 1884]

អំពី អាពូសាអ៊ីត អាល់ឃុទរី رضي الله عنه ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“ឱអាពូសាអ៊ីត! ជនណាដែលពេញចិត្តទទួលយកអល់ឡោះធ្វើជាព្រះជាម្ចាស់ អ៊ីស្លាមធ្វើជាសាសនា ហើយមូហាំម៉ាត់ធ្វើជាណាពី រូបគេប្រាកដជានឹងបានចូលឋានសួគ៌”។ ពេលនោះ អាពូសាអ៊ីត មានការភ្ញាក់ផ្អើលចំពោះពាក្យនេះ ហើយបាននិយាយថា៖ ឱរ៉ស៊ូលុលឡោះ! សូមលោកមានប្រសាសន៍ប្រាប់ខ្ញុំម្ដងទៀតផង។ ដូចនេះ លោកក៏បានមានប្រសាសន៍ម្ដងទៀត។ បន្ទាប់មក លោកបានមានប្រសាសន៍ថា៖ “ប្រការមួយទៀតដែលគេនឹងលើកតម្កើងខ្ញុំបម្រើរបស់អល់ឡោះចំនួនមួយរយឋានៈនៅក្នុងឋានសួគ៌ ដែលចន្លោះរវាងឋានៈមួយទៅឋានៈមួយទៀត ប្រៀបដូចជារវាងមេឃនិងដី”។ គាត់បានសួរថា៖ តើវាជាអ្វីទៅ ឱរ៉ស៊ូលុលឡោះ? លោកបានឆ្លើយថា៖ “គឺការតស៊ូក្នុងមាគ៌ាអល់ឡោះ។ គឺការតស៊ូក្នុងមាគ៌ាអល់ឡោះ”។
[صحيح] - [رواه مسلم] - [صحيح مسلم - 1884]

Explanation

ណាពី ﷺ បានប្រាប់ អាពូសាអ៊ីត អាល់ឃុទរី رضي الله عنه ថា ជាការពិតណាស់ ជនណាដែលមានជំនឿលើអល់ឡោះជាម្ចាស់ ពេញចិត្តទទួលយកទ្រង់ធ្វើជាព្រះជាម្ចាស់ ជាអ្នកត្រូវគោរពសក្ការៈ ជាអ្នកគ្រប់គ្រង ជាចៅហ្វាយ ជាអ្នកដាក់បទបញ្ជា ពេញចិត្តទទួលយកអ៊ីស្លាមធ្វើជាសាសនាដោយគោរពតាមនូវបទបញ្ជា និងបម្រាមទាំងឡាយរបស់វា ព្រមទាំងពេញចិត្តក្នុងការទទួលយកណាពីមូហាំម៉ាត់ ﷺ ធ្វើជាណាពី រួមជាមួយនឹងអ្វីទាំងឡាយដែលគេបញ្ជូនមកកាន់លោក និងអ្វីដែលលោកបានផ្សព្វផ្សាយ ជននោះប្រាកដជានឹងបានចូលឋានសួគ៌ជាមិនខាន។ ពេលនោះ អាពូសាអ៊ីត رضي الله عنه មានការភ្ញាក់ផ្អើល ហើយបាននិយាយថា៖ ឱរ៉ស៊ូលុលឡោះ! សូមលោកមានប្រសាសន៍ប្រាប់ខ្ញុំម្ដងទៀតផង។ លោកក៏ធ្វើតាម។ បន្ទាប់មក ណាពី ﷺ លោកបានមានប្រសាសន៍ថា៖ ខ្ញុំនៅមានចំណុចមួយទៀតដែលអល់ឡោះជាម្ចាស់នឹងលើកឋានៈខ្ញុំបម្រើរបស់ទ្រង់មួយរយឋានៈនៅក្នុងឋានសួគ៌ ដែលចន្លោះរវាងឋានៈមួយទៅឋានៈមួយទៀត ប្រៀបដូចជារវាងមេឃនិងដី។ អាពូសាអ៊ីត បានសួរថា៖ តើវាជាអ្វីទៅ ឱរ៉ស៊ូលុលឡោះ? លោកបានឆ្លើយថា៖ គឺការតស៊ូក្នុងមាគ៌ាអល់ឡោះ។ គឺការតស៊ូក្នុងមាគ៌ាអល់ឡោះ។

Benefits from the Hadith

1. ក្នុងចំណោមកត្តាចាំបាច់ដែលនាំឱ្យចូលឋានសួគ៌ គឺការពេញចិត្តទទួលយកអល់ឡោះជាព្រះជាម្ចាស់ អ៊ីស្លាមជាសាសនា និងមូហាំម៉ាត់ ﷺ ជាណាពី។
2. តម្លៃដ៏ខ្ពង់ខ្ពស់នៃការតស៊ូក្នុងមាគ៌ាអល់ឡោះ។
3. ឋានៈដ៏ខ្ពង់ខ្ពស់របស់អ្នកដែលតស៊ូ(ជីហាទ)នៅក្នុងឋានសួគ៌។
4. នៅក្នុងឋានសួគ៌មានកម្រិត និងឋានៈជាច្រើនដែលមិនអាចគណនាបានឡើយ ហើយអ្នកដែលតស៊ូក្នុងមាគ៌ាអល់ឡោះ មានរហូតដល់ទៅ១០០ឋានៈ។
5. ក្តីស្រឡាញ់របស់សហាហ្ពាត់រ៉ស៊ូលុលឡោះﷺ ក្នុងការស្វែងយល់ពីប្រការល្អ ក៏ដូចជាមាគ៌ានៃប្រការល្អ និងមូលហេតុដែលនាំឲ្យទទួលបានប្រការល្អនោះ។