Hadithi: “Ky është një gur që ishte hedhur në Zjarr para shtatëdhjetë vjetësh. Ai po binte ende në Zjarr derisa e arriti fundin e tij”, - tha Profeti ﷺ

عَنْ أَبِي هُرَيْرَةَ رضي الله عنه قَالَ:
كُنَّا مَعَ رَسُولِ اللهِ صَلَّى اللهُ عَلَيْهِ وَسَلَّمَ، إِذْ سَمِعَ وَجْبَةً، فَقَالَ النَّبِيُّ صَلَّى اللهُ عَلَيْهِ وَسَلَّمَ: «تَدْرُونَ مَا هَذَا؟» قَالَ: قُلْنَا: اللهُ وَرَسُولُهُ أَعْلَمُ، قَالَ: «هَذَا حَجَرٌ رُمِيَ بِهِ فِي النَّارِ مُنْذُ سَبْعِينَ خَرِيفًا، فَهُوَ يَهْوِي فِي النَّارِ الْآنَ حَتَّى انْتَهَى إِلَى قَعْرِهَا».
[صحيح] - [رواه مسلم] - [صحيح مسلم: 2844]

Ebu Hurejra (Allahu qoftë i kënaqur me të!) transmeton:
"Teksa ishim me të Dërguarin e Allahut ﷺ, u dëgjua një krismë (sikur të binte diç nga lart) dhe, në atë rast, Profeti ﷺ tha: “E dini çfarë është kjo krismë? - Allahu dhe i Dërguari i Tij e dinë më së miri, - i thamë. - “Ky është një gur që ishte hedhur në Zjarr para shtatëdhjetë vjetësh. Ai po binte ende në Zjarr derisa e arriti fundin e tij”, - tha Profeti ﷺ."
[Ky hadith është sahih] - [E shënon Muslimi] - [Sahihu i Muslimit - 2844]

Shpjegimi

Profeti ﷺ dëgjoi një zhurmë shqetësuese si rënia e një trupi, kështu që i pyeti shokët e tij (Allahu qoftë i kënaqur me ta!), për atë zë, sakaq thanë: "Allahu dhe i Dërguari i Tij e dinë më së miri."
Profeti ﷺ u tha: "Ky zë që e dëgjuat është i një guri që është hedhur nga skaji i Xhehenemit shtatëdhjetë vjet më parë. Ai po binte ende në Zjarr derisa e arriti fundin e tij, kur e dëgjuat këtë zë."

Mësime nga hadithi

1. Inkurajimi për t'u përgatitur për Ditën e Fundit duke bërë vepra të mira dhe paralajmërimi nga Xhehenemi.
2. Është e rekomanduar që dija t'i adresohet Allahu të Lartësuar për atë që njeriu nuk ka njohuri.
3. Mësuesi të zgjojë kureshtjen dhe vëmendjen përpara sqarimit; që kështu të jetë më e lehtë ta kuptojnë.