නබි වදන: “කවරෙකු උදෑසන කාලයේ මස්ජිදය වෙත පිය නගන්නේ ද, එසේ නැතහොත් දහවල් කාලයේ පියනගන්නේ ද එසේ උදෑසන හෝ දහවල් කාලයේ පියනගන සෑම අවස්ථාවකම ස්වර්ග උයනේ සංග්‍රහයක් අල්ලාහ් ඔහුට සූදානම් කරනු ඇත.”
عَنْ أَبِي هُرَيْرَةَ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ:
«مَنْ غَدَا إِلَى الْمَسْجِدِ أَوْ رَاحَ أَعَدَّ اللهُ لَهُ فِي الْجَنَّةِ نُزُلًا، كُلَّمَا غَدَا أَوْ رَاحَ».
[صحيح] - [متفق عليه] - [صحيح مسلم: 669]
المزيــد ...
නබි (සල්ලල්ලාහු අලයිහි වසල්ලම්) තුමාණන් ප්‍රකාශ කළ බව අබූ හුරෙයිරා (රළියල්ලාහු අන්හු) තුමා විසින් වාර්තා කරන ලදී:
“කවරෙකු උදෑසන කාලයේ මස්ජිදය වෙත පිය නගන්නේ ද, එසේ නැතහොත් දහවල් කාලයේ පියනගන්නේ ද එසේ උදෑසන හෝ දහවල් කාලයේ පියනගන සෑම අවස්ථාවකම ස්වර්ග උයනේ සංග්‍රහයක් අල්ලාහ් ඔහුට සූදානම් කරනු ඇත.”
[පූර්ව සාධක සහිත හදීසයකි] - [බුහාරි හා මුස්ලිම් හි වාර්තා වී ඇත] - [صحيح مسلم - 669]
කවරෙකු දහවල් කාලයේ හෝ සවස් කාලයේ හෝ කවර වේලාවක හෝ වේවා නැමදුම පිණිස හෝ අධ්‍යාපනය හදාරනු පිණිස හෝ වෙනත් යහපත් අපේක්ෂාවක් පිණිස මස්ජිදය වෙත පිය නගන්නේ ද එසේ රාත්‍රියේ හා දහවලේ පියනගන සෑම වාරයක් පාසාම අල්ලාහ් ඔහු වෙනුවෙන් ස්වර්ග උයනේ ස්ථානයක් හා සත්කාරයක් සූදානම් කරනු ඇතැයි නබි (සල්ලල්ලාහු අලයිහි වසල්ලම්) තුමාණෝ ශුභාරංචි දන්වා සිටියහ.
හදීසයේ හරය
- මස්ජිදයට පිවිසීමේ මහිමය. එහි සමූහ සලාතය පිළිපදින මෙන් දිරි ගැන්වීම. මස්ජිදයට යෑමට පසුබසින කොපමණ දෙනෙක් අල්ලාහ්ගේ නිවස අපේක්ෂාවෙන් පියනගන්නන් හට ඔහු සූදානම් කර ඇති යහපත, භාග්‍ය, ප්‍රතිඵල, සත්කාරය අහිමි කර ගෙන තිබේ ද?
- තම නිවසට පැමිණෙන ආගන්තුකයකුට මිනිසුන් ගෞරවය කරන්නේ නම්, ඔහුට ආහාර පිළිගන්වා සත්කාර කරන්නේ නම් අල්ලාහ් ඔහුගේ මැවීම්වලට වඩාත් ගෞරවනීය කෙනෙකු බව දැනගත යුතු වේ. එහෙයින් කවරෙකු ඔහුගේ නිවස වෙත පියනගන්නේ ද ඔහු ඔහුට ගෞරවය කරනු ඇත. ඔහු වෙනුවෙන් අති මහත් සංග්‍රහයක් සූදානම් කරනු ඇත.
- මස්ජිදය වෙත යාමෙන් ඇති වන සතුට හා ප්‍රීතිය. හේතුව ඔහු උදේ සවස එහි පිවිසෙන සෑම වාරයක් පාසාම ඔහු වෙනුවෙන් සංග්‍රහයක් සූදානම් කරනු ලබන බැවිනි.
ප්‍රවර්ග
අමතර
- නබි වදන: අන්ධ මිනිසෙකු නබි (සල්ලල්ලාහු අලයිහි වසල්ලම්) වෙත පැමිණ අල්ලාහ්ගේ දූතයාණෙනි! මාව මස්ජිදය වෙත කැටුවාගෙන යන්නට කිසිදු මෙහෙකරුවකු නැත. යැයි පවසා තම නිවසේ සලාතය ඉටු කිරීමට අවසරය ඉල්ලා සිටියේය. එවිට එතුමා ඔහුට අවසරය දුන්හ. පසුව ඔහු හැරුණු විට නැවත ඔහුව අමතා: ‘සලාතයේ ඇරයුම ඔබට ඇසෙන්නේද? යැයි විමසා සිටියහ. ඔහු: ‘ඔව්’ යැයි පිළිතුරු දුනි. එතුමා: ‘එසේනම් පිළිතුරු දෙනු.’ යැයි පැවසූහ.
- නබි වදන: සාමුහික ව මිනිසෙකු ඉටු කරන සලාතය තම නිවසේ හෝ තම වෙළඳ ආයතනයේ හෝ ඉටු කරන සලාතයට වඩා විසිපස් ගුණයකින් අධික වෙයි.
- නබි වදන: කවරෙකු සුදුළූණු හෝ ළූණු අනුභව කළේ ද ඔහු අපෙන් ඉවත්ව සිටිත්වා -එසේ නැතහොත් අපගේ මස්ජිදයෙන් ඉවත්ව සිටිත්වා.- එමෙන්ම තම නිවසේ රැඳී සිටිත්වා.
- නබි වදන: කවරෙකු භූමියෙන් වියතක තරම් ප්රමාණයක් ඩැහැගෙන අපරාධ කළේ ද මහපොළෝ හතකින් ඔහුට තලනු ලැබේ.
- නබි වදන: අහෝ ජනයිනි! ඔබ පැලවර්ග දෙකක් අනුභව කරන්නෙහුය. ඒ දෙක පිළිකුල් සහගත ලෙස මිස මම නොදකිමි. එනම්, ලූනු හා සුදු ලූනු.
- නබි වදන: පේළි අතරින් පිරිමින් සඳහා හොඳම පේළිය පළමු පේළිය වන අතර නරකම පේළිය අවසාන පේළිය වේ. එමෙන්ම කාන්තාවන් සඳහා හොඳම පේළිය අන්තිම පේළිය වන අතර නරකම පේළිය පළමු පේළිය වේ
- නබි වදන: ඇත්තෙන්ම අනෙකුත් සලාත් ඉටු කිරීමට වඩා මෙම සලාත් දෙක ඉටු කිරීම කුහකයන් හට මහත් බරකි. ඒ දෙකෙහි අඩංගු (කුසල්) ඔබ දන්නේ නම්, ඔබට දණින් වැටී බඩගා යාමට සිදු වුවද, ඔබ ඒ දෙක වෙත පැමිණෙනු ඇත