Hadith: ឱមនុស្សលោកទាំងឡាយ! តាមពិតខ្ញុំធ្វើ(មិមពើរ)នេះ គឺដើម្បីឲ្យអ្នកទាំងអស់គ្នាអាចតាមដាន និងរៀនសូត្រពីការសឡាតរបស់ខ្ញុំ”។

عن أَبِي حَازِمِ بْن دِينَارٍ:
أَنَّ رِجَالًا أَتَوْا سَهْلَ بْنَ سَعْدٍ السَّاعِدِيَّ، وَقَدِ امْتَرَوْا فِي الْمِنْبَرِ مِمَّ عُودُهُ، فَسَأَلُوهُ عَنْ ذَلِكَ، فَقَالَ: وَاللهِ إِنِّي لَأَعْرِفُ مِمَّا هُوَ، وَلَقَدْ رَأَيْتُهُ أَوَّلَ يَوْمٍ وُضِعَ، وَأَوَّلَ يَوْمٍ جَلَسَ عَلَيْهِ رَسُولُ اللهِ صَلَّى اللهُ عَلَيْهِ وَسَلَّمَ، أَرْسَلَ رَسُولُ اللهِ صَلَّى اللهُ عَلَيْهِ وَسَلَّمَ إِلَى فُلَانَةَ -امْرَأَةٍ من الأنصار قَدْ سَمَّاهَا سَهْلٌ-: «مُرِي غُلَامَكِ النَّجَّارَ أَنْ يَعْمَلَ لِي أَعْوَادًا أَجْلِسُ عَلَيْهِنَّ إِذَا كَلَّمْتُ النَّاسَ»، فَأَمَرَتْهُ فَعَمِلَهَا مِنْ طَرْفَاءِ الْغَابَةِ، ثُمَّ جَاءَ بِهَا، فَأَرْسَلَتْ إِلَى رَسُولِ اللهِ صَلَّى اللهُ عَلَيْهِ وَسَلَّمَ، فَأَمَرَ بِهَا فَوُضِعَتْ هَاهُنَا، ثُمَّ رَأَيْتُ رَسُولَ اللهِ صَلَّى اللهُ عَلَيْهِ وَسَلَّمَ صَلَّى عَلَيْهَا وَكَبَّرَ وَهُوَ عَلَيْهَا، ثُمَّ رَكَعَ وَهُوَ عَلَيْهَا، ثُمَّ نَزَلَ الْقَهْقَرَى، فَسَجَدَ فِي أَصْلِ الْمِنْبَرِ ثُمَّ عَادَ، فَلَمَّا فَرَغَ أَقْبَلَ عَلَى النَّاسِ فَقَالَ: «أَيُّهَا النَّاسُ، إِنَّمَا صَنَعْتُ هَذَا لِتَأْتَمُّوا وَلِتَعَلَّمُوا صَلَاتِي».
[صحيح] - [متفق عليه] - [صحيح البخاري: 917]

អំពី អាពូហាហ្ស៊ិម ពិន ទីណើរ
ពិតណាស់មានបុរសមួយក្រុមបានទៅជួបនឹង សះល៍ ពិន សាអាត់ អាស្សាអ៊ីទីយ៍ ខណៈដែលពួកគេបានប្រកែកគ្នាចំពោះរឿងមិមពើរ(របស់ណាពី) ថាតើវាធ្វើពីឈើអ្វី។ ពេលនោះ ពួកគេក៏សួរគាត់ពីបញ្ហានេះ។ គាត់បាននិយាយថា៖ សូមស្បថចំពោះអល់ឡោះ! ខ្ញុំពិតជាដឹងថាមិមពើរនេះធ្វើអំពីអ្វី។ ពិតណាស់ ខ្ញុំបានឃើញវានៅថ្ងៃដំបូងដែលគេបានដាក់មិមពើរនេះ និងនៅថ្ងៃដំបូងដែលរ៉ស៊ូលុលឡោះ ﷺ បានអង្គុយលើវា។ រ៉ស៊ូលុលឡោះ ﷺ លោកបានបញ្ជូនទៅកាន់មនុស្សម្នាក់(គឺស្រ្តីម្នាក់ក្នុងចំណោមពួកអាន់សរដែល សះល៍ បានដាក់ឈ្មោះឲ្យនាង)ថា៖ ចូរនាងប្រើអ្នកបម្រើរបស់នាងដែលជាជាងឈើឲ្យធ្វើមិមពើរឲ្យខ្ញុំដែលខ្ញុំអាចអង្គុយពីលើវានៅពេលដែលខ្ញុំនិយាយទៅកាន់សហាហ្ពាត់។ ដូចនេះ ស្ត្រីនោះក៏បានប្រើអ្នកបម្រើរបស់ខ្លួន ហើយគេក៏បានធ្វើវាពី ឈើនៃដើមតើរហ្វាកព្រៃដែលមាននៅក្រៅម៉ាទីណះភាគខាងលិច(ស្រដៀងដើមស្រល់) ក្រោយពីធ្វើរួចរាល់ ស្ត្រីនោះក៏បញ្ជូនវាទៅឲ្យរ៉ស៊ូលុលឡោះ ﷺ ។ ហើយលោកបានប្រាប់ឲ្យដាក់នូវនៅកន្លែងរបស់វា។ ក្រោយមក ខ្ញុំបានឃើញរ៉ស៊ូលុលឡោះ ﷺ លោកសឡាតនៅលើមិមពើរនោះ និងបានតឹកពៀរនៅលើវា។ ក្រោយមក លោករូកុនៅលើវា។ បន្ទាប់មក លោកបានចុះមក ដើរថយក្រោយបន្តិច រួចលោកក៏ស៊ូជោតនៅត្រង់គ្រឹះមិមពើរនោះ ក្រោយមក លោកក៏ត្រឡប់ទៅលើមិមពើរវិញ។ នៅពេលដែលលោកសឡាតរួចរាល់ លោកបានបែរទៅកាន់សហាហ្ពាត់ ហើយបានមានប្រសាសន៍ថា៖ “ឱមនុស្សលោកទាំងឡាយ! តាមពិតខ្ញុំធ្វើ(មិមពើរ)នេះ គឺដើម្បីឲ្យអ្នកទាំងអស់គ្នាអាចតាមដាន និងរៀនសូត្រពីការសឡាតរបស់ខ្ញុំ”។
[صحيح] - [متفق عليه] - [صحيح البخاري - 917]

Explanation

មានបុរសមួយក្រុមបានទៅជួបនឹងសហាហ្ពាត់ម្នាក់របស់ណាពី ﷺ ដើម្បីសួរគាត់ពីមិមពើររបស់រ៉ស៊ូលុលឡោះ ﷺ ថាតើវាធ្វើពីអ្វី។ ពិតណាស់ ពួកគេបានប្រកែកគ្នា និងវែកញែកគ្នាព្រោះតែរឿងនេះ។ ពេលនោះ គាត់បានប្រាប់ពួកគេថា ពិតណាស់ រ៉ស៊ូលុលឡោះ ﷺ លោកបានបញ្ជូនទៅកាន់ស្រ្តីម្នាក់នៃពួកអាន់សរដែលនាងមានអ្នកបម្រើម្នាក់ជាជាងឈើ។ លោកបានមានប្រសាសន៍ទៅកាន់នាងថា៖ ចូរនាងប្រើអ្នកបម្រើរបស់នាងឲ្យធ្វើមិមពើរមួយឲ្យខ្ញុំដែលខ្ញុំអាចអង្គុយពីលើវាបាននៅពេលដែលខ្ញុំនិយាយទៅកាន់សហាហ្ពាត់។ ស្ត្រីនោះបានឆ្លើយតប ហើយនាងក៏បានប្រើអ្នកបម្រើរបស់នាងឲ្យធ្វើមិមពើរឲ្យរ៉ស៊ូលុលឡោះ ﷺ ពីឈើតើរហ្វាកដែលមាននៅក្រៅម៉ាទីណះភាគខាងលិច(ស្រដៀងដើមស្រល់) ក្រោយពីធ្វើរួចរាល់ ស្ត្រីនោះក៏បញ្ជូនវាទៅឲ្យរ៉ស៊ូលុលឡោះ ﷺ ។ ហើយលោកបានប្រាប់ឲ្យដាក់នូវនៅកន្លែងរបស់វា។ បន្ទាប់មក ណាពី ﷺ លោកសឡាត និងតឹកពៀរខណៈដែលលោកនៅលើមិមពើរនោះ។ ក្រោយមក លោករូកុ ខណៈដែលលោកនៅលើវា។ បន្ទាប់មកទៀត លោកបានចុះមក ដើរថយក្រោយបន្តិច រួចលោកក៏ស៊ូជោតនៅត្រង់គ្រឹះមិមពើរនោះ ក្រោយមក លោកក៏ត្រឡប់ទៅវិញ។ នៅពេលសឡាតរួចរាល់ លោកបានបែរទៅកាន់មនុស្សលោក ហើយបានមានប្រសាសន៍ថា៖ ឱមនុស្សលោកទាំងឡាយ! តាមពិតខ្ញុំធ្វើ(មិមពើរ)នេះ គឺដើម្បីឲ្យអ្នកទាំងអស់គ្នាអាចតាមដាន និងរៀនសូត្រពីការសឡាតរបស់ខ្ញុំ”។

Benefits from the Hadith

1. ស៊ូណិតប្រើប្រាស់មិមពើរ និងសូត្រឃុតហ្ពះលើវា។ ហើយផលប្រយោជន៍របស់វា គឺធ្វើឲ្យឮបានឆ្ងាយ ហើយស្តាប់បានកាន់តែឮ។
2. អនុញ្ញាតឲ្យសឡាតលើមិមពើរដើម្បីបង្រៀនពីរបៀបសឡាតដល់មនុស្ស និងអនុញ្ញាតឲ្យអ៊ីម៉ាំនៅកន្លែងខ្ពស់ជាងម៉ាក់មុមក្នុងករណីចាំបាច់។
3. អនុញ្ញាតឲ្យសុំជំនួយពីអ្នកមានជំនាញក្នុងការបំពេញសេចក្តីត្រូវការរបស់អ្នកឥស្លាម។
4. អនុញ្ញាតឲ្យកម្រើកខ្លួនតិចតួចក្នុងពេលសឡាតក្នុងករណីចាំបាច់។
5. ក្នុងពេលសឡាត គេអនុញ្ញាតឲ្យម៉ាក់មុមអាចមើលទៅកាន់អ៊ីម៉ាំបានដើម្បីរៀនរបៀបសឡាតពីអ៊ីម៉ាំ ហើយការធ្វើដូចនេះមិនផ្ទុយគ្នានឹងភាពស្មឹងស្មាធ(ឃូស្ហុ)ឡើយ។