ჰადისი: რამადანს ერთი ან ორი დღით ადრე მარხვით არ შეეგებოთ, გარდა იმ კაცისა, რომელიც მარხულობდა მანამდე, მან იმარხოს

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَقَدَّمُوا رَمَضَانَ بِصَوْمِ يَوْمٍ وَلَا يَوْمَيْنِ إِلَّا رَجُلٌ كَانَ يَصُومُ صَوْمًا فَلْيَصُمْهُ».
[صحيح] - [متفق عليه] - [صحيح مسلم: 1082]

აბუ ჰურაირა (ალლაჰი იყოს მისით კმაყოფილი) გადმოსცემს, რომ ალლაჰის შუამავალმა (ალლაჰის ლოცვა და მშვიდობა მას) თქვა:
«რამადანს ერთი ან ორი დღით ადრე მარხვით არ შეეგებოთ, გარდა იმ კაცისა, რომელიც მარხულობდა მანამდე, მან იმარხოს».
[სანდო (საჰიჰ)] - [შეთანხმებული] - [საჰიჰ მუსლიმ - 1082]

განმარტება

მოციქულმა (ალლაჰის ლოცვა და მშვიდობა მას) აკრძალა მუსლიმისთვის რამადანამდე ერთი ან ორი დღით ადრე მარხვა იმ განზრახვით, რომ ეს იყოს სიფრთხილის მიზნით რამადანისთვის, რადგან რამადანის მარხვის ვალდებულება დაკავშირებულია ახალი მთვარის ხილვასთან, და არ არის საჭირო ზედმეტი სირთულის შექმნა. თუმცა თუ ვინმე რეგულარულად მარხულობს ნაფილე მარხვას, როგორიცაა: მარხვა დღეგამოშვებით, ორშაბათისა და ხუთშაბათის მარხვა, და იმ დღეს შემთხვევით თუ დაემთხვევა რამადანის წინა დღე, მაშინ მას შეუძლია იმარხულოს, რადგან ეს არ განიხილება, როგორც რამადანის მიღება. ამავე წესს ექვემდებარება სავალდებულო მარხვა, როგორიცაა გამოტოვებული დღეების ან აღთქმის მარხვის ანაზღაურება.

ჰადისის სარგებლობიდან

1. აკრძალულია გადაჭარბება (ზედმეტის დაკისრება საკუთარ თავზე ან სხვაზე) ღვთისმსახურებებში, აუცილებელია ღვთისმსახურება ისე იყოს შესრულებული, როგორც ეს დააკანონა შარიათმა, დამატების ან დამოკლების გარეშე.
2. ამ ბრძანების სიბრძნე – და ალლაჰმა უკეთ იცის – მდგომარეობს ფარდი (სავალდებულო) თაყვანისცემის გამიჯვნაში ნებაყოფლობითისგან, რამადანისთვის მზადყოფნაში ენერგიითა და სურვილით, და იმაში, რომ მარხვა იყოს ამ კეთილშობილი თვის განსაკუთრებული ნიშანი.