ဟဒီးဆ်: ကိယာမတ်နေ့တွင် ဂျဟန္နမ်ငရဲသားများအနက် အပြစ်ဒဏ်အသက်သာဆုံးသူမှာ မီးဖြင့်ပြုလုပ်ထား‌သော ဖိနပ်နှစ်ဖက်နှင့် သဲကြိုးနှစ်ချောင်း (ဝတ်ဆင်ပေးခြင်းခံထားရသူ )ရှိသူဖြစ်ပြီး ထိုမီး၏ပူလောင်မှုကြောင့် သူ၏ ဦးနှောက်သည် ကြေးအိုးပူလောင်သည့်အခါ ပွက်ပွက်ဆူသကဲ့သို့ ပွက်ပွက်ဆူနေ‌ပေမည်။ သူသည် သူ့ထက်ပိုပြီး ပြင်းထန်သောပြစ်ဒဏ်ခံနေရသူ မရှိဟု ထင်နေလိမ့်မည်။ အမှန်စင်စစ် ထိုသူသည် အပြစ်ဒဏ်အသက်သာဆုံးသူပင်ဖြစ်သည်။

عَنِ النُّعْمَانِ بْنِ بَشِيرٍ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِنَّ أَهْوَنَ أَهْلِ النَّارِ عَذَابًا مَنْ لَهُ نَعْلَانِ وَشِرَاكَانِ مِنْ نَارٍ، يَغْلِي مِنْهُمَا دِمَاغُهُ كَمَا يَغْلِ الْمِرْجَلُ، مَا يَرَى أَنَّ أَحَدًا أَشَدُّ مِنْهُ عَذَابًا، وَإِنَّهُ لَأَهْوَنُهُمْ عَذَابًا».
[صحيح] - [متفق عليه] - [صحيح مسلم: 213]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

နုအ်မာန်ဗင်န်ဗရှီးရ် (ရဿွိယလ္လာဟုအန်ဟု)က ဆင့်ပြန်ခဲ့သည်။အလ္လာဟ်ရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။
ကိယာမတ်နေ့တွင် ဂျဟန္နမ်ငရဲသားများအနက် အပြစ်ဒဏ်အသက်သာဆုံးသူမှာ မီးဖြင့်ပြုလုပ်ထား‌သော ဖိနပ်နှစ်ဖက်နှင့် သဲကြိုးနှစ်ချောင်း (ဝတ်ဆင်ပေးခြင်းခံထားရသူ )ရှိသူဖြစ်ပြီး ထိုမီး၏ပူလောင်မှုကြောင့် သူ၏ ဦးနှောက်သည် ကြေးအိုးပူလောင်သည့်အခါ ပွက်ပွက်ဆူသကဲ့သို့ ပွက်ပွက်ဆူနေ‌ပေမည်။ သူသည် သူ့ထက်ပိုပြီး ပြင်းထန်သောပြစ်ဒဏ်ခံနေရသူ မရှိဟု ထင်နေလိမ့်မည်။ အမှန်စင်စစ် ထိုသူသည် အပြစ်ဒဏ်အသက်သာဆုံးသူပင်ဖြစ်သည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [ဗုခါရီကျမ်းနှင့် မွတ်စ်လင်မ်ကျမ်း။] - [صحيح مسلم - 213]

ရှင်းလင်းချက်

တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က ကိယာမတ်နေ့တွင် ပြစ်ဒဏ်အသက်သာဆုံးဖြစ်သူသည် သူ့ခြေထောက်များတွင် မီးဖိနပ်နှစ်ဖက် တပ်ဆင်ခံရပြီး၊ ထိုဖိနပ်၏ အပူရှိန်ကြောင့် သူ၏ ဦးနှောက်သည် ကြေးအိုးကဲ့သို့ ဆူပွက်နေလိမ့်မည်ဟု မိန့်ကြားတော်မူခဲ့သည်။ ထိုသူသည် သူ့ထက်ပိုမိုပြင်းထန်သော ပြစ်ဒဏ်ကို မည်သူမျှ မခံစားရဟု ထင်မှတ်နေလိမ့်မည်။ သို့သော် သူသည် အမှန်တွင် အပြစ်ဒဏ်အသက်သာဆုံး ခံစားရသူဖြစ်နေပေမည်။ဤသည်မှာ ရုပ်ပိုင်းဆိုင်ရာနှင့် စိတ်ပိုင်းဆိုင်ရာ ပြစ်ဒဏ်နှစ်မျိုးလုံးကို တစ်ပြိုင်နက်ခံစားရစေရန်ဖြစ်သည်။

ဟဒီးဆ်မှ သိမှတ်ဖွယ်ရာများ

1. အမိန့်ဖီဆန်သူများနှင့် ကာဖိရ်များအား ဂျဟန္နမ်ငရဲ၏ ဤကြောက်မက်ဖွယ်ပြစ်ဒဏ်မှ သတိပေးနှိုးဆော်ထားသည်။ သို့မှသာ ထိုပြစ်ဒဏ်သို့ ဦးတည်စေနိုင်သော အပြစ်များမှ ဝေးဝေးရှောင်ကြဉ်နိုင်မည်ဖြစ်သည်။
2. မိမိတို့၏ မကောင်းမှုများအလိုက် ဂျဟန္နမ်ငရဲသို့ဝင်ရောက်ကြရသူများ၏ အဆင့်အတန်းမှာ ကွဲပြားခြားနားကြမည်ဖြစ်သည်။
3. ဂျဟန္နမ်ငရဲမီးပြစ်ဒဏ်၏ ပြင်းထန်မှုကို ဖော်ပြထားသည်။ အလ္လာဟ်အရှင်မြတ်သည် ကျွန်ုပ်တို့အား ယင်းပြစ်ဒဏ်မှ ကင်းလွတ်စေတော်မူပါစေ။