हदीस: जोसँग कुर्बानी (वध) का लागि जनावर छ र उसले कुर्बानी गर्ने नियत राखेको छ, उसले जिल-हिज्जा महिनाको चन्द्रमा देखेपछि कुर्बानी नगर्दासम्म आफ्नो शरीरको कुनै पनि कपाल र नङ काट्नु हुँदैन।

عَن أُمِّ سَلَمَةَ أُمِّ المُؤْمِنينَ زَوْجِ النَّبِيِّ صَلَّى اللهُ عَلَيْهِ وَسَلَّمَ رضي الله عنها قَالت: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَنْ كَانَ لَهُ ذِبْحٌ يَذْبَحُهُ فَإِذَا أُهِلَّ هِلَالُ ذِي الْحِجَّةِ، فَلَا يَأْخُذَنَّ مِنْ شَعْرِهِ، وَلَا مِنْ أَظْفَارِهِ شَيْئًا حَتَّى يُضَحِّيَ».
[صحيح] - [رواه مسلم] - [صحيح مسلم: 1977]

मुस्लिमहरूकी आमा, नबी (सल्लल्लाहु अलैहि वसल्लम) की पत्नी उम्मे सलमा (रजियल्लाहु अन्हा) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ:
"जोसँग कुर्बानी (वध) का लागि जनावर छ र उसले कुर्बानी गर्ने नियत राखेको छ, उसले जिल-हिज्जा महिनाको चन्द्रमा देखेपछि कुर्बानी नगर्दासम्म आफ्नो शरीरको कुनै पनि कपाल र नङ काट्नु हुँदैन।"
[सही] - [मुस्लिमले वर्णन गरेका छन्] - [सही मुस्लिम - 1977]

व्याख्या

रसूल (सल्लल्लाहु अलैहि वसल्लम) ले आदेश दिनुभएको छ कि जसले कुर्बानी गर्ने इच्छा राख्छ, उसले जुल-हिज्जा महिनाको चन्द्रमा देखेपछि कुर्बानी सम्पन्न नगरेसम्म आफ्नो टाउकोको कपाल, काखीका रौँ, जुँगा तथा हातखुट्टाका नङहरू नकटाओस्।

हदीसका केही फाइदाहरू

1. जसले जिल-हिज्जा महिनाको पहिलो दस दिन प्रवेश भएपछि कुर्बानी गर्ने इच्छा राख्छ, उसले कुर्बानी सम्पन्न नगरेसम्म माथि उल्लेख गरिएका कुराहरूबाट टाढा रहनुपर्छ।
2. यदि कसैले पहिलो दिनमा कुर्बानी गरेन भने, उसले 'अयामुत तशरीक' (कुर्बानीका बाँकी दिनहरू) मध्ये कुनै पनि दिन कुर्बानी नगरुन्जेलसम्म (कपाल र नङ काट्नबाट) रोकिनुपर्छ।