නබි වදන: කවරෙකුට (හජ් සමයේ) කපන්නට කැප කළ සත්වයකු වන්නේද ඔහු දුල් හජ් මාසයේ නව සඳ උදා වූ විට ඔහුගේ රෝම හෝ ඔහුගේ නියපොතු කිසිවක් උල්හිය්යා ලබා දෙන තෙක් ඉවත් නොකළ යුතුය.

عن أم سلمة رضي الله عنها ، قالت: قال رسول الله صلى الله عليه وسلم : «مَنْ كان له ذِبْحٌ يَذْبَحُهُ، فإذا أُهِلَّ هِلال ذِي الحِجَّة، فلا يَأْخُذَنَّ من شَعْرِه ولا من أظْفَارِه شيئا حتى يُضَحِّي».
[صحيح] - [رواه مسلم]

අල්ලාහ්ගේ දූතයාණන් -සල්ලල්ලාහු අලය්හි වසල්ලම්- තුමා පැවසූ බව උම්මු සලමා -රළියල්ලාහු අන්හා- තුමිය විසින් වාර්තා කරන ලදී. “කවරෙකුට (හජ් සමයේ) කපන්නට කැප කළ සත්වයකු වන්නේද ඔහු දුල් හජ් මාසයේ නව සඳ උදා වූ විට ඔහුගේ රෝම හෝ ඔහුගේ නියපොතු කිසිවක් උල්හිය්යා ලබා දෙන තෙක් ඉවත් නොකළ යුතුය.“
[පූර්ව සාධක සහිත හදීසයකි] - [ඉමාම් මුස්ලිම් එය වාර්තා කර ඇත]

විවරණය

උම්මු සලමා -රළියල්ලාහු අන්හා- තුමිය විසින් දන්වා සිටියි. සැබැවින්ම නබි -සල්ලල්ලාහු අලය්හි වසල්ලම් තුමා, උල්හිය්යා දෙන්නට අපේක්ෂා කරන පුද්ගලයා, උල්හිය්යා දෙන තෙක් ඔහුගේ රෝම හෝ ඔහුගේ නියපොතු කිසිවක් ඉවත් කිරීම තහනම් කළහ. හජ් මාසයේ දින දහය උදාවෙත්ම ඔබ වෙනුවෙන් හෝ වෙනත් අය වෙනුවෙන් හෝ ඔබේ ධනයෙන් උල්හිය්යා දීමට ඔබ අපේක්ෂා කරන්නෙහි නම්, උල්හිය්යා දෙන තෙක් ඔබේ හිසකෙස්, කිහිලි හා රහසඟෙහි වැඩී ඇති රෝම, යටි රැවුල් වැනි දෑ ඉවත් කිරීමෙන් වැළකී සිටිය යුතුය. එමෙන්ම උල්හිය්යා දෙන තෙක් අත් හා පාද වල නියපොතු ඉවත් කිරීමෙන් ද වැළකී සිටිය යුතුය. මුස්ලිම් හි එන තවත් වාර්තාවක, තම රෝම හෝ තම ශරීරයෙන් කිසිවක් (ඉවත් කරනු පිණිස) ස්පර්ශ නොකළ යුතුය. එනම් තම හමෙනි. උල්හිය්යා දෙන තෙක් කිසිවක් ඉන් ඉවත් නොකළ යුතුය. එය උල්හිය්යා කෙරෙහි දක්වන ගෞරවයක් වශයෙනි. එය ඉහ්රාම්හි සිටින්නන් හජ්හි වන්දනාවන්ට දක්වන ගෞරවය, ඉහ්රාම් තත්ත්වයේ නොමැත්තන් ද දක්වනු පිණිසය. මිනිසා හජ් හෝ උම්රා කරන විට සතුන් කැප කරන ස්ථානයට ළඟා වීමට පෙර තම හිස මුඩු නොකළ යුතුය. හජ් හෝ උම්රා නොකරන ගැත්තන්ට හජ් හි නැමදුම්වල සංඥා අතුරින් කොටසක් හිමි කර දෙන්නට අල්ලාහ් අපේක්ෂා කළේය.