Hadithi: Mu ijoro nazamuwe mu ijuru (Is'ra-i) nahuye na Ibrahim maze arambwira ati: Yewe Muhamad, uzansuhurize abayoboke bawe indamutso y'amahoro, unababwire ko ijuru ari ryiza, ubutaka bwaryo ari bwiza, amazi yaryo ari urubogobogo

عَنِ ابْنِ مَسْعُودٍ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«لَقِيتُ إِبْرَاهِيمَ لَيْلَةَ أُسْرِيَ بِي فَقَالَ: يَا مُحَمَّدُ، أَقْرِئْ أُمَّتَكَ مِنِّي السَّلاَمَ، وَأَخْبِرْهُمْ أَنَّ الجَنَّةَ طَيِّبَةُ التُّرْبَةِ عَذْبَةُ الْمَاءِ، وَأَنَّهَا قِيعَانٌ، وَأَنَّ غِرَاسَهَا سُبْحَانَ اللهِ وَالحَمْدُ لِلَّهِ وَلاَ إِلَهَ إِلاَّ اللَّهُ وَاللَّهُ أَكْبَرُ».
[حسن بشواهده] - [رواه الترمذي] - [سنن الترمذي: 3462]

Hadith yaturutse kwa Ibun Mas'ud (Imana imwishimire)_ yaravuze ati: Intumwa y'Imana (Imana iyihe amahoro n'imigisha) yaravuze iti:
"Mu ijoro nazamuwe mu ijuru (Is'ra-i) nahuye na Ibrahim maze arambwira ati: Yewe Muhamad, uzansuhurize abayoboke bawe indamutso y'amahoro, unababwire ko ijuru ari ryiza, ubutaka bwaryo ari bwiza, amazi yaryo ari urubogobogo, kandi ko ijuru ari rigari riringaniye ritarimo ibiti, no kubiteramo ni ukuvuga aya magambo: SUBHANALLAH WAL HAMDULILLAH WALA ILAHA ILA LLAHU WALLAHU AKBARU: Ubutagatifu ni ubwa Allah, n'ikuzo n'ishimwe ni ibya Allah, kandi nta yindi mana ikwiye kugaragirwa uretse Allah, Imana isumba byose."
[Hadithi nziza ushingiye ku bandi bayakiriye] - [Yakiriwe na Tirmidhiy] - [Sunani A-Tirmidhiy - 3462]

Ibisobanuro birambuye.

Intumwa y'Imana (Imana iyihe amahoro n'imigisha) iravuga ko yahuye na Ibrahim umukunzi wa Allah, mu ijoro yazamuwe mu ijuru (Isra-i wal Mi'iradji), nuko arayibwira ati: Yewe Muhamadi ungereze indamutso y'amahoro ku bayoboke banjye, unababwire ko ijuru ari ryiza, ubutaka bwaryo ari bwiza, amazi yaryo ari urubogobogo atari urwunyunyu, kandi ko ijuru ari rigari riringaniye ritarimo ibiti, no kubiteramo ni ukuvuga aya magambo: SUBHANALLAH WAL HAMDULILLAH WALA ILAHA ILA LLAHU WALLAHU AKBARU: Ubutagatifu ni ubwa Allah, n'ikuzo n'ishimwe ni ibya Allah, kandi nta yindi mana ikwiye kugaragirwa uretse Allah, Allah asumba byose. Buri uko umuyisilamu ayavuze ndetse akayasubiramo atererwa igiti mu ijuru.

Zimwe mu nyungu dukura muri Hadithi.

1. Gushishikariza guhozaho gusingiza Allah kugira ngo nawe wongere ibiti utererwa mu ijuru ryawe.
2. Agaciro k'abayoboke b'Intumwa y'Imana (Imana iyihe amahoro n'imigisha); aho Intumwa y'Imana Ibrahim (Amahoro ya Allah amubeho) nawe yabifurije amahoro n'imigisha.
3. Gushishikariza kw'Intumwa y'Imana Ibrahim abayoboke b'Intumwa y'Imana Muhamadi (Imana imuhe amahoro n'imigisha) kurushaho gusingiza Allah Nyir'ubutagatifu.
4. Umumenyi A-Twibiy yaravuze ati: Ijuru ni rigari, hanyuma Allah kubera impuhwe ze yateganyije ko ibiti byaryo n'ingoro zaryo ari ibikorwa by'abemeramana, na buri mwemeramana arifitemo umwihariko kubera ibyo akora, hanyuma Allah Nyir'ubutagatifu ubwo yoroherezaga umuntu amushoboza gukora ibihuye n'ibyo yamuremeye mu bikorwa byari ukugirango abone biriya bihembo, yamugize nkaho ari we witerera biriya biti.