Hadith: “ជនណាដែលប្រយុទ្ធដើម្បីឲ្យពាក្យបន្ទូលរបស់អល់ឡោះខ្ពង់ខ្ពស់ ជននោះហើយដែលស្ថិតក្នុងមាគ៌ារបស់អល់ឡោះជាម្ចាស់នោះ”។

عَنْ أَبِي مُوسَى رضي الله عنه قَالَ:
سُئِلَ رَسُولُ اللهِ صَلَّى اللهُ عَلَيْهِ وَسَلَّمَ عَنِ الرَّجُلِ يُقَاتِلُ شَجَاعَةً، وَيُقَاتِلُ حَمِيَّةً، وَيُقَاتِلُ رِيَاءً، أَيُّ ذَلِكَ فِي سَبِيلِ اللهِ؟ فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «مَنْ قَاتَلَ لِتَكُونَ كَلِمَةُ اللهِ هِيَ الْعُلْيَا، فَهُوَ فِي سَبِيلِ اللهِ».
[صحيح] - [متفق عليه] - [صحيح مسلم: 1904]

អំពី អាពូមូសា رضي الله عنه បាននិយាយថា៖
មានគេសួររ៉ស៊ូលុលឡោះ ﷺ អំពីបុរសដែលប្រយុទ្ធដើម្បីភាពក្លាហាន ប្រយុទ្ធដើម្បីការពារ និងប្រយុទ្ធដើម្បីបង្ហាញឲ្យគេឃើញ ថាតើមួយណាដែលស្ថិតក្នុងមាគ៌ារបស់អល់ឡោះជាម្ចាស់នោះ? ពេលនោះ រ៉ស៊ូលុលឡោះ ﷺ លោកបានឆ្លើយថា៖ “ជនណាដែលប្រយុទ្ធដើម្បីឲ្យពាក្យបន្ទូលរបស់អល់ឡោះខ្ពង់ខ្ពស់ ជននោះហើយដែលស្ថិតក្នុងមាគ៌ារបស់អល់ឡោះជាម្ចាស់នោះ”។
[صحيح] - [متفق عليه] - [صحيح مسلم - 1904]

Explanation

គេបានសួរណាពី ﷺ អំពីអ្នកប្រយុទ្ធដែលមានគោលបំណងខុសៗគ្នា ដោយអ្នកខ្លះប្រយុទ្ធដើម្បីបង្ហាញពីភាពក្លាហាន ឬដើម្បីការពារ ឬដើម្បីបង្ហាញឋានៈរបស់ខ្លួនក្នុងសង្គម ឬហេតុផលផ្សេងទៀត ថាតើមួយណាដែលស្ថិតនៅលើមាគ៌ារបស់អល់ឡោះជាម្ចាស់នោះ? ពេលនោះ ណាពី ﷺ លោកបានប្រាប់ថា អ្នកដែលប្រយុទ្ធក្នុងមាគ៌ារបស់អល់ឡោះនោះ គឺអ្នកដែលប្រយុទ្ធដើម្បីឱ្យពាក្យបន្ទូលរបស់អល់ឡោះជាម្ចាស់ខ្ពង់ខ្ពស់ឡើង។

Benefits from the Hadith

1. មូលដ្ឋានដែលធ្វើឲ្យទង្វើមួយល្អ ឬខូចខាត គឺស្ថិតនៅលើការនៀត(ចេតនា) និងភាពជ្រះថ្លារបស់គេចំពោះអល់ឡោះជាម្ចាស់។
2. ប្រសិនបើគោលបំណងនៃការតស៊ូប្រយុទ្ធ គឺដើម្បីលើកតម្កើងពាក្យបន្ទូលអល់ឡោះជាម្ចាស់ឲ្យខ្ពង់ខ្ពស់ ព្រមទាំងមានគោលបំណងស្របច្បាប់ផ្សេងទៀត ដូចជាការទទួលបានទ្រព្យជ័យភណ្ឌជាដើម គឺវាមិនប៉ះពាល់ដល់ចេតនាដើមរបស់គេឡើយ។
3. ការបណ្តេញខ្មាំងសត្រូវចេញពីមាតុភូមិ និងកន្លែងបរិសុទ្ធរបស់មូស្លីម គឺជាផ្នែកមួយនៃការប្រយុទ្ធដើម្បីបុព្វហេតុរបស់អល់ឡោះ។
4. ភស្តុតាងទាំងឡាយដែលបញ្ជាក់ពីឧត្តមភាពនៃអ្នកដែលអ្នកតស៊ូប្រយុទ្ធ(ជីហាទ) គឺសម្រាប់តែអ្នកដែលប្រយុទ្ធដើម្បីឱ្យពាក្យបន្ទូលរបស់អល់ឡោះជាម្ចាស់ខ្ពង់ខ្ពស់ឡើងប៉ុណ្ណោះ។