1. ទំព័រ​ដេីម
  2. បញ្ជីទាំងអស់
  3. Virtues and Manners

ហាទីស្ហ “នៅពេលដែលអល់ឡោះជាម្ចាស់ទ្រង់ប្រមូលផ្តុំអ្នកជំនាន់មុន និងអ្នកជំនាន់ក្រោយនៅថ្ងៃបរលោក គេបានលើកទង់មួយសម្រាប់អ្នកដែលក្បត់គ្រប់រូប ហើយមានគេនិយាយថា៖ នេះគឺជាភាពក្បត់របស់បុគ្គលឈ្មោះនេះ កូនរបស់បុគ្គលឈ្មោះនោះ”។

عَنِ ابْنِ عُمَرَ رَضيَ اللهُ عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِذَا جَمَعَ اللهُ الْأَوَّلِينَ وَالْآخِرِينَ يَوْمَ الْقِيَامَةِ يُرْفَعُ لِكُلِّ غَادِرٍ لِوَاءٌ، فَقِيلَ: هَذِهِ غَدْرَةُ فُلَانِ بْنِ فُلَانٍ».

អំពី អ៊ិពនូអ៊ូមើរ رضي الله عنهما បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“នៅពេលដែលអល់ឡោះជាម្ចាស់ទ្រង់ប្រមូលផ្តុំអ្នកជំនាន់មុន និងអ្នកជំនាន់ក្រោយនៅថ្ងៃបរលោក គេបានលើកទង់មួយសម្រាប់អ្នកដែលក្បត់គ្រប់រូប ហើយមានគេនិយាយថា៖ នេះគឺជាភាពក្បត់របស់បុគ្គលឈ្មោះនេះ កូនរបស់បុគ្គលឈ្មោះនោះ”។

صحيح متفق عليه صحيح مسلم - 1735

ពន្យល់

ណាពី ﷺ លោកបានប្រាប់ថា ជាការពិតណាស់ នៅថ្ងៃបរលោក នៅពេលដែលអល់ឡោះជាម្ចាស់ទ្រង់ប្រមូលផ្តុំអ្នកជំនាន់មុន និងអ្នកជំនាន់ក្រោយដើម្បីជំនុំជម្រះ មានគេលើកសញ្ញាសម្គាល់មួយសម្រាប់ អ្នកដែលក្បត់គ្រប់រូបដែលមិនបានបំពេញនូវកិច្ចសន្យាដែលត្រូវបំពេញជាមួយនឹងអល់ឡោះ ឬជាមួយនឹងមនុស្សលោកដើម្បីជាការបកអាក្រាតជននោះទៅលើភាពក្បត់របស់គេ ហើយមានគេប្រកាសនៅក្នុងថ្ងៃនោះថា៖ នេះគឺជាភាពក្បត់របស់បុគ្គលឈ្មោះនេះ កូនរបស់បុគ្គលឈ្មោះនោះ ដើម្បីបង្ហាញពីភាពអាក្រក់នៃទង្វើដែលជននោះបានធ្វើដល់អ្នកដែលនៅកន្លែងប្រមូលផ្តុំ។

មេរៀនដែលទាញបានពីហាទីស្ហ

  1. ហាមឃាត់ចំពោះការក្បត់ ហើយវាស្ថិតក្នុងចំណោមបាបកម្មធំពីព្រោះមានការព្រមានដ៏ធ្ងន់ធ្ងរនេះ។
  2. រួមបញ្ចូលក្នុងការក្បត់ដែលចូលក្នុងការព្រមាននេះដែរ គឺរាល់អ្នកដែលបានប្រគល់ការទុកចិត្តលើអ្នកចំពោះអាយុជីវិត កិត្តិយស រឿងសម្ងាត់ ឬទ្រព្យសម្បត្តិរបស់គេ ហើយបន្ទាប់មកអ្នកក្បត់ពួកគេ ហើយបំពានលើការគំនិតរបស់ពួកគេអំពីអ្វីដែលគេបានទុកចិត្តលើរូបអ្នក។
  3. អាល់គួរទូពី បាននិយាយថា៖ នេះជាសាររបស់លោក ﷺ ទៅកាន់ប្រជាជនអារ៉ាប់ ស្របតាមអ្វីដែលពួកគេតែងតែធ្វើ ពោលគឺពួកគេលើកទង់សសម្រាប់ការដែលបានបំពេញតាមការសន្យា ឬការជឿទុកចិត្ត ហើយលើកទង់ខ្មៅសម្រាប់បំពាន ដើម្បីជាការស្តីបន្ទោសដល់អ្នកដែលក្បត់ និងរិះគន់ដល់ពួកគេ។ ហាហ្ទីសនេះ បានបង្ហាញថារឿងបែបនេះនឹងកើតឡើងចំពោះមនុស្សដែលក្បត់ ដូច្នេះ រូបគេនឹងត្រូវគេស្គាល់ពីចរិតរបស់គេនៅថ្ងៃបរលោក ដើម្បីឲ្យអ្នកដែលនៅទីវាលប្រមូលផ្តុំនោះស្តីបន្ទោសទៅកាន់រូបគេ។
  4. អ៊ិពនូហាជើរ បាននិយាយថា៖ ក្នុងហាទីស្ហនេះបញ្ជាក់ថា នៅថ្ងៃបរលោក មនុស្សលោកទាំងឡាយនឹងត្រូវគេហៅភ្ជាប់ជាមួយនឹងឪពុករបស់ខ្លួន ដោយយោងតាមប្រសាសន៍រ៉ស៊ូលុលឡោះថា៖ “នេះគឺជាភាពក្បត់របស់បុគ្គលឈ្មោះនេះ កូនរបស់បុគ្គលឈ្មោះនោះ”។

បង្ហាញការបកប្រែ

40 ភាសា
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
SQ Shqip الألبانية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
KN ಕನ್ನಡ الكانادا
UK Українська الأوكرانية
KA ქართული الجورجية
MK Македонски المقدونية
PA ਪੰਜਾਬੀ البنجابية
MR मराठी الماراثية