ჰადისი: როდესაც ალლაჰი შეკრებს პირველებს და უკანასკნელებს განკითხვის დღეს ყველა მოღალატეს მიეცემა დროშა, და იტყვიან: "ეს ამა და ამ კაცის შვილის ღალატია

عَنِ ابْنِ عُمَرَ رَضيَ اللهُ عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِذَا جَمَعَ اللهُ الْأَوَّلِينَ وَالْآخِرِينَ يَوْمَ الْقِيَامَةِ يُرْفَعُ لِكُلِّ غَادِرٍ لِوَاءٌ، فَقِيلَ: هَذِهِ غَدْرَةُ فُلَانِ بْنِ فُلَانٍ».
[صحيح] - [متفق عليه] - [صحيح مسلم: 1735]

გადმოცემულია იბნ უმარისგან (ალლაჰი იყოს მათით კმაყოფილი), რომ მან თქვა: ალლაჰის შუამავალმა (ალლაჰის ლოცვა და მშვიდობა მას) თქვა:
«როდესაც ალლაჰი შეკრებს პირველებს და უკანასკნელებს განკითხვის დღეს ყველა მოღალატეს მიეცემა დროშა, და იტყვიან: "ეს ამა და ამ კაცის შვილის ღალატია"».
[სანდო (საჰიჰ)] - [შეთანხმებული] - [საჰიჰ მუსლიმ - 1735]

განმარტება

მოციქულმა (ალლაჰის ლოცვა და მშვიდობა მას) გვაუწყა, რომ აღდგომის დღეს, როდესაც უზენაესი ალლაჰი შეკრებს პირველებსა და უკანასკნელებს სამსჯავროსა და ანგარიშისთვის, ყოველი მოღალატისთვის, ვინც დაარღვია ალლაჰის ან ადამიანების წინაშე დადებული ვალდებულება, დაიდგმება ნიშანი, რომელიც გაამჟღავნებს მის ღალატს. იმ დღეს გამოცხადდება: "ეს ამა და ამ კაცის შვილის ღალატია"; რათა შეკრებილი ხალხის წინაშე ნათელი და აშკარა გახდეს მისი საქციელის ბოროტება.

ჰადისის სარგებლობიდან

1. ღალატი აკრძალულია, ის დიდ ცოდვებს მიეკუთვნება; რადგან ამ ჰადისში მოვიდა მკაცრი გაფრთხილება.
2. ღალატი მოიცავს ყველაფერს, რაც შენ განდო პიროვნებამ სიცოცხლე, ნამუსი, საიდუმლო ან ქონება, შენ კი მას უღალატე, შენ დაარღვიე მისი შენდამი ნდობა.
3. ალ-ყურტუბიმ თქვა: «ეს არის მიმართვა არაბებისადმი იმ ფორმით, რაც მათ შორის მიღებული იყო: ისინი სწევდნენ თეთრ დროშას ერთგულების ნიშნად და შავს — ღალატის ნიშნად, რათა დაჰგმონ და გააკრიტიკონ მოღალატე. ჰადისი მიუთითებს, რომ რაღაც მსგავსი მოხდება მოღალატესთან აღდგომის დღეს — რათა ეს თვისება ყველასთვის ცნობილი გახდეს და მათ მისთვის დაგმობა მოახდინონ».
4. იბნ ჰაჯარმა თქვა: «ამ ჰადისში მოცემულია, რომ ადამიანებს განკითხვის დღეს მამების სახელით მოუხმობენ; რაზეც მიუთითებს ჰადისში არსებული სიტყვა: ''ეს ამა და ამ კაცის შვილის ღალატია''».