Hadith: “ការនៅសមរភូមិមុខមួយថ្ងៃក្នុងផ្លូវរបស់អល់ឡោះ គឺល្អជាងលោកិយ និងអ្វីៗដែលមាននៅលើលោកិយ

عَنْ سَهْلِ بْنِ سَعْدٍ السَّاعِدِيِّ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«رِبَاطُ يَوْمٍ فِي سَبِيلِ اللَّهِ خَيْرٌ مِنَ الدُّنْيَا وَمَا عَلَيْهَا، وَمَوْضِعُ سَوْطِ أَحَدِكُمْ مِنَ الجَنَّةِ خَيْرٌ مِنَ الدُّنْيَا وَمَا عَلَيْهَا، وَالرَّوْحَةُ يَرُوحُهَا العَبْدُ فِي سَبِيلِ اللَّهِ أَوِ الغَدْوَةُ خَيْرٌ مِنَ الدُّنْيَا وَمَا عَلَيْهَا».
[صحيح] - [متفق عليه] - [صحيح البخاري: 2892]

អំពី សះល៍ ពិន សាអាត់ អាស្សាអ៊ីទី رضي الله عنه ពិតណាស់រ៉ស៊ូលុលឡោះ ﷺ លោកបានមានប្រសាសន៍ថា៖
“ការនៅសមរភូមិមុខមួយថ្ងៃក្នុងផ្លូវរបស់អល់ឡោះ គឺល្អជាងលោកិយ និងអ្វីៗដែលមាននៅលើលោកិយ។ ហើយកន្លែងដាក់រំពាត់របស់ពួកអ្នកមួយនៅក្នុងឋានសួគ៌ គឺល្អជាងលោកិយនិងអ្វីៗនៅមាននៅលើលោកិយ។ ហើយការធ្វើដំណើរពេលព្រឹកឬពេលល្ងាចដែលខ្ញុំបម្រើរបស់អល់ឡោះចេញដំណើរក្នុងផ្លូវរបស់អល់ឡោះ គឺល្អជាងលោកិយ និងអ្វីដែលមាននៅលើលោកិយទៅទៀត”។
[صحيح] - [متفق عليه] - [صحيح البخاري - 2892]

Explanation

ណាពី ﷺ លោកបានប្រាប់ថា ជាការពិតណាស់ ការស្នាក់នៅក្នុងតំបន់ព្រំដែន រវាងអ្នកឥស្លាម និងអ្នកគ្មានជំនឿដើម្បីការពារអ្នកឥស្លាមតែមួយថ្ងៃដោយភាពជ្រះថ្លាចំពោះអល់ឡោះ គឺល្អជាងលោកិយ និងអ្វីៗដែលមាននៅក្នុងលោកិយទៅទៀត។ ហើយកន្លែងដាក់រំពាត់របស់អ្នកដែលប្រើវាក្នុងការតស៊ូក្នុងផ្លូវអល់ឡោះនៅក្នុងឋានសួគ៌នោះ គឺល្អជាងលោកិយនិងអ្វីៗនៅមាននៅក្នុងលោកិយទៅទៀត។ ចំណែកឯផលបុណ្យនៃការធ្វើដំណើរក្នុងពេលព្រឹក(រាប់ចាប់ពីព្រឹក រហូតដល់ពេលថ្ងៃត្រង់) ឬពេលល្ងាច(រាប់ចាប់ពេលថ្ងៃត្រង់ រហូតដល់ពេលយប់)ក្នុងផ្លូវរបស់អល់ឡោះចំនួនមួយដង គឺល្អជាងលោកិយ និងអ្វីៗដែលមាននៅក្នុងលោកិយនេះទៅទៀត។

Benefits from the Hadith

1. គុណតម្លៃនៃការការពារមាគ៌ារបស់អល់ឡោះ គឺដោយសារតែវាពាក់ព័ន្ធនឹងការប្រថុយជីវិត ព្រោះវាជាការលើកតម្កើងពាក្យបន្ទូលរបស់អល់ឡោះ និងជួយដល់សាសនារបស់ទ្រង់។ ហេតុនេះហើយទើបផលបុណ្យតែមួយថ្ងៃប៉ុណ្ណោះ គឺល្អជាងលោកិយ និងអ្វីៗដែលមាននៅក្នុងលោកិយនេះទៅទៀត។
2. ភាពគ្មានតម្លៃនៃលោកិយបើធៀបនឹងថ្ងៃបរលោក ពីព្រោះគ្រាន់តែកន្លែងដាក់រំពាត់មួយនៅក្នុងឋានសួគ៌ គឺល្អជាងលោកិយ និងអ្វីៗដែលមាននៅក្នុងលោកិយនេះបាត់ទៅហើយ។
3. ឧត្តមភាពនៃការតស៊ូក្នុងមាគ៌ាអល់ឡោះ និងផលបុណ្យដ៏ធំធេងរបស់វា ពីព្រោះគ្រាន់តែការចេញដំណើរតែមួយព្រឹក ឬមួយល្ងាចប៉ុណ្ណោះ គឺល្អជាងលោកិយ និងអ្វីៗដែលមាននៅក្នុងលោកិយបាត់ទៅហើយ។
4. ប្រសាសន៍របស់រ៉ស៊ូលុលឡោះ៖ “នៅក្នុងផ្លូវអល់ឡោះ” ជាភស្តុតាងបញ្ជាក់ពីសារៈសំខាន់នៃភាពជ្រះថ្លា ហើយផលបុណ្យ ក៏អាស្រ័យលើវាផងដែរ។