ჰადისი: ერთი დღე საგუშაგოზე ალლაჰის გზაზე — სჯობს ამ ქვეყანას და ყველაფერს, რაც მასშია

عَنْ سَهْلِ بْنِ سَعْدٍ السَّاعِدِيِّ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«رِبَاطُ يَوْمٍ فِي سَبِيلِ اللَّهِ خَيْرٌ مِنَ الدُّنْيَا وَمَا عَلَيْهَا، وَمَوْضِعُ سَوْطِ أَحَدِكُمْ مِنَ الجَنَّةِ خَيْرٌ مِنَ الدُّنْيَا وَمَا عَلَيْهَا، وَالرَّوْحَةُ يَرُوحُهَا العَبْدُ فِي سَبِيلِ اللَّهِ أَوِ الغَدْوَةُ خَيْرٌ مِنَ الدُّنْيَا وَمَا عَلَيْهَا».
[صحيح] - [متفق عليه] - [صحيح البخاري: 2892]

გადმოცემულია საჰლ იბნ სა'დ ალ-საა'იდისგან (ალლაჰი იყოს მისით კმაყოფილი), რომ ალლაჰის შუამავალმა (ალლაჰის ლოცვა და მშვიდობა მას) თქვა:
«ერთი დღე საგუშაგოზე ალლაჰის გზაზე — სჯობს ამ ქვეყანას და ყველაფერს, რაც მასშია. სამოთხეში ერთი ადგილიც კი, რომელიც ტოლია რომელიმე თქვენთაგანის ჯოხის სიგრძისა, სჯობს ამ ქვეყანას და ყველაფერს, რაც მასშია. დილა ან საღამო, რომელიც მონამ ალლაჰის გზაზე გაატარა — სჯობს ამ ქვეყანას და ყველაფერს, რაც მასშია».
[სანდო (საჰიჰ)] - [შეთანხმებული] - [საჰიჰ ალ-ბუხარი - 2892]

განმარტება

მოციქულმა (ალლაჰის ლოცვა და მშვიდობა მას) თქვა, რომ ერთი დღით რიბატი/გუშაგობა მუსლიმებსა და ურწმუნოებს შორის, მუსლიმების დასაცავად, მხოლოდ ალლაჰის გულისთვის, ამ ქვეყანასა და ყველაფერს, რაც მასშია, სჯობს. სამოთხეში ადგილიც კი, რომელიც ტოლფასია მათრახის სიგრძისა, რომელიც იხმარება ალლაჰის გზაზე ჯიჰადის დროს, ამ ქვეყანასა და მასში არსებულ ყველა საგანს სჯობს. ჯილდო და საზღაური ერთი დილისთვის, რომელიც ალლაჰის გზაზე გაატარა ადამიანმა — დილის დაწყებიდან შუადღემდე — ან ერთი საღამოსთვის, შუადღის შემდეგ ღამემდე, ამ ქვეყანასა და ყველაფერს, რაც მასშია, სჯობს.

ჰადისის სარგებლობიდან

1. რიბატის — ანუ ალლაჰის გზაზე მორიგეობრივი დარაჯობის — ღირსება იმაში მდგომარეობს, რომ ის სიცოცხლისთვის საშიშროებასთან არის დაკავშირებული და მიზნად ისახავს ალლაჰის სიტყვების ამაღლებას და მისი რელიგიის მხარდაჭერას. სწორედ ამიტომ, ერთი დღის რიბატის საზღაური ამ ქვეყანასა და ყველაფერს, რაც მასშია, სჯობს.
2. ამქვეყნის სიმცირე იმქვეყანასთან შედარებით; რადგან მათრახის ტოლა ადგილი სამოთხეში უფრო უკეთესია, ვიდრე მთელი ქვეყანა და მასზედ არსებული.
3. ალლაჰის გზაზე ჯიჰადის სიკეთე და მისი უდიდესი მადლიანობა; რადგან დილით და საღამოს ერთი მოძრაობის მადლი უფრო უკეთესია, ვიდრე მთელი ქვეყანა და მასზედ არსებული.
4. სიტყვები: ''ალლაჰის გზაზე'' ამაში არის მითითება გულწრფელობის მნიშვნელობაზე, რადგან მადლი მასზეა დამოკიდებული.