فەرموودە: پاسەوانیکردن (بۆ پاراستنی موجاهیدان ومسوڵمانان) لە پێناو خواى گەورە خێرترە لە دونیا وئەوەى تێیدایە

عن سهل بن سعد رضي الله عنه مرفوعًا: «رِبَاطُ يَوْمٍ فِي سَبِيلِ الله خَيْرٌ مِنْ الدُّنْيَا وَمَا عَلَيْهَا، وَمَوْضِعُ سَوْطِ أَحَدِكُمْ فِي الْجَنَّةِ خَيْرٌ مِنْ الدُّنْيَا وَمَا عَلَيْهَا، وَالرَّوْحَةُ يَرُوحُهَا الْعَبْدُ فِي سَبِيلِ الله وَالْغَدْوَةُ خَيْرٌ مِنْ الدُّنْيَا وَمَا فِيهَا».
[صحيح] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە سەهلی کوڕی سەعدەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «پاسەوانیکردن (بۆ پاراستنی موجاهیدان ومسوڵمانان) لە پێناو خواى گەورە خێرترە لە دونیا وئەوەى تێیدایە، وشوێنی قامچی یەکێکتان (شوێنێکی زۆر بچووک) لە بەهەشتدا خێرترە لە دونیا وئەوەى تێیدایە، ودەرچوونێکی بەندە لە بەیانیان وئێواراندا (بۆ جیهاد وتێکۆشان) لە پێناو خواى گەورە خێرترە لە دونیا وئەوەى تێیدایە».
صەحیحە - بوخاری و موسلیم هاوڕان لەسەری

شیکردنەوە

پێغەمبەر -صلى اللە علیە وسلم- هەواڵی ئەوە دەدات کە شوێن وئەرکی وەستانی کەسێک بۆ پاسەوانیکردن لە پێناو خواى گەورە بۆ پاراستنی مسوڵمانان وهێندەی شوێنی قامچیەک لە بەهەشتدا خێرترن لە دونیا وئەوەى تێیدایە لە خۆشی وڕابوواردن وموڵک، چونکە بەهەشت هەتاهەتایە دەمێنێتەوە بەڵام ئەم دونیا کەمە وکورتە وکۆتایی پێدێت؛ بۆیە شتێکی کەم کە هەتاهەتایە بمێنێتەوە خێرترە لە بڕێکی زۆر کە بۆ ماوەیەکی کەم بێت ولەناو بچێت.