Ḥadīth: May mananawagang isang tagapanawagan: Tunay na ukol sa inyo na lumusog kayo saka hindi kayo magkakaramdaman magpakailanman. Tunay na ukol sa inyo na mabuhay kayo saka hindi kayo mamatay magpakailanman. Tunay na ukol sa inyo na bumata kayo saka hindi kayo tumanda magpakailanman. Tunay na ukol sa inyo na guminhawa kayo saka hindi kayo magmiserable magpakailanman

عَنْ أَبِي سَعِيدٍ الْخُدْرِيِّ وَأَبِي هُرَيْرَةَ رضي الله عنهما عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«يُنَادِي مُنَادٍ: إِنَّ لَكُمْ أَنْ تَصِحُّوا فَلَا تَسْقَمُوا أَبَدًا، وَإِنَّ لَكُمْ أَنْ تَحْيَوْا فَلَا تَمُوتُوا أَبَدًا، وَإِنَّ لَكُمْ أَنْ تَشِبُّوا فَلَا تَهْرَمُوا أَبَدًا، وَإِنَّ لَكُمْ أَنْ تَنْعَمُوا فَلَا تَبْأَسُوا أَبَدًا» فَذَلِكَ قَوْلُهُ عَزَّ وَجَلَّ: {وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ} [الأعراف: 43].
[صحيح] - [رواه مسلم] - [صحيح مسلم: 2837]

Ayon kina Abū Sa`īd Al-Khuḍrīy at Abū Hurayrah (malugod si Allāh sa kanilang dalawa): {Ayon sa Propeta (basbasan siya ni Allāh at pangalagaan) na nagsabi:
"May mananawagang isang tagapanawagan: Tunay na ukol sa inyo na lumusog kayo saka hindi kayo magkakaramdaman magpakailanman. Tunay na ukol sa inyo na mabuhay kayo saka hindi kayo mamatay magpakailanman. Tunay na ukol sa inyo na bumata kayo saka hindi kayo tumanda magpakailanman. Tunay na ukol sa inyo na guminhawa kayo saka hindi kayo magmiserable magpakailanman." Kaya iyon ang sabi Niya (kamahal-mahalan Siya at kapita-pitagan): {Tatawagin sila: "Iyon ay ang Paraiso; ipinamana sa inyo iyon dahil sa dati ninyong ginagawa."} (Qur’ān 7:43)
[Tumpak] - [Nagsalaysay nito si Imām Muslim] - [Ṣaḥīḥ Muslim - 2837]

Ang Pagbibigay-linaw

Bumanggit ang Propeta (basbasan siya ni Allāh at pangalagaan) na may mananawagan sa mga maninirahan sa Paraiso na isang tagapanawagan habang sila roon ay nagpapakaginhawa: "Tunay na ukol sa inyo na lumusog kayo saka hindi kayo magkasakit sa Paraiso magpakailanman, gaano man kumaunti ang sakit. Tunay na ukol sa inyo na mabuhay saka hindi kayo mamatay rito magpakailanman, kahit pa man isang pagkatulog, na isang maliit na pagkamatay. Tunay na ukol sa inyo na bumata kayo saka hindi kayo tumanda rito magpakailanman. Tunay na ukol sa inyo na guminhawa kayo saka hindi kayo malungkot o magmiserable rito magpakailanman." Kaya iyon ang sabi Niya (kamahal-mahalan Siya at kapita-pitagan): {Tatawagin sila: "Iyon ay ang Paraiso; ipinamana sa inyo iyon dahil sa dati ninyong ginagawa."} (Qur’ān 7:43)

Ang mga Katuturan ng Ḥadīth

1. Ang pinakamabigat sa mga tagapagpasikip sa kaginhawahan ng buhay pangmundo gaano man ang naabot ng tagapagtaglay nito na karangyaan ay apat na bagay: ang pagkakasakit, ang kamatayan, ang katandaan, at ang kamiserablehan at ang kalungkutan dahilan sa pangamba sa kaaway, karalitaan, digmaan, at iba pa roon. Ang mga maninirahan sa Paraiso ay mga ligtas sa mga ito sapagkat matatamo para sa mga maninirahan sa Paraiso ang pinakakumpletong kaginhawahan.
2. Ang pagkakaiba ng kaginhawahan sa Paraiso sa nasa Mundo na kaginhawahan ay dahil ang kaginhawahan sa Paraiso ay walang pangamba roon samantalang ang kaginhawahan sa Mundo ay hindi nagtatagal at dinadapuan ng mga hapdi at mga karamdaman.
3. Ang pagpapaibig sa maayos na gawain na nagpapaabot sa pamamagitan nito sa kaginhawahan sa Paraiso.