Hadithi: Umuhamagazi azahamagara avuge ati: Mugiye kugiriramo ubuzima ntimuzigera murwara na rimwe, mugiye kubaho ntimuzigera mupfa na rimwe, mugiye kuribamo muri abasore ntimuzigera musaza na rimwe, mugiye kurihererwamo ingabire ntimuzigera mubaho nabi na rimwe

عَنْ أَبِي سَعِيدٍ الْخُدْرِيِّ وَأَبِي هُرَيْرَةَ رضي الله عنهما عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«يُنَادِي مُنَادٍ: إِنَّ لَكُمْ أَنْ تَصِحُّوا فَلَا تَسْقَمُوا أَبَدًا، وَإِنَّ لَكُمْ أَنْ تَحْيَوْا فَلَا تَمُوتُوا أَبَدًا، وَإِنَّ لَكُمْ أَنْ تَشِبُّوا فَلَا تَهْرَمُوا أَبَدًا، وَإِنَّ لَكُمْ أَنْ تَنْعَمُوا فَلَا تَبْأَسُوا أَبَدًا» فَذَلِكَ قَوْلُهُ عَزَّ وَجَلَّ: {وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ} [الأعراف: 43].
[صحيح] - [رواه مسلم] - [صحيح مسلم: 2837]

Hadith yaturutse kwa Abu Said Al Khud'riy na Abu Hurayrat (Imana ibishimire bombi) bavuze ko Intumwa y'Imana (Imana iyihe amahoro n'imigisha) yavuze iti:
"Umuhamagazi azahamagara avuge ati: Mugiye kugiriramo ubuzima ntimuzigera murwara na rimwe, mugiye kubaho ntimuzigera mupfa na rimwe, mugiye kuribamo muri abasore ntimuzigera musaza na rimwe, mugiye kurihererwamo ingabire ntimuzigera mubaho nabi na rimwe." Ibi nibyo bisobanuro by'imvugo ya Allah igira iti: "...Nuko bahamagarwe babwirwa bati “Ngiryo Ijuru murazwe kubera ibyo mwakoraga.” Surat Al A'araf: 43.
[Hadithi y'impamo] - [Yakiriwe na Muslim] - [Swahih Muslim - 2837]

Ibisobanuro birambuye.

Intumwa y'Imana (Imana iyihe amahoro n'imigisha) yavuze ko abantu bazaba bari mu ijuru mu ngabire zaryo bazahamagarwa bakabwirwa bati: Mugiye kugiriramo ubuzima ntimuzigera murwara na rimwe, mugiye kubaho ntimuzigera mupfa na rimwe, mugiye kuribamo muri abasore ntimuzigera musaza na rimwe, mugiye kurihererwamo ingabire ntimuzigera mubaho nabi na rimwe.*" Ibi nibyo bisobanuro by'imvugo ya Allah igira iti: "...Nuko bahamagarwe babwirwa bati “Ngiryo Ijuru murazwe kubera ibyo mwakoraga.” Surat Al A'araf: 43.

Zimwe mu nyungu dukura muri Hadithi.

1. Mu bintu bibuza kwishimisha mu ngabire z'iyi si, uko nyirazo yaba azinezezamo kose ni bine: Uburwayi, urupfu, gusaza, agahinda no kwiheba kubera gutinya umwanzi n'ubucyene n'intambara ndetse n'ibindi. Abantu bazajya mu ijuru ntaho bazahurira nabyo, aho niho bazabonera ingororano zuzuye.
2. Ingabire zo mu ijuru zitandukanye n'izo mu isi, kubera ko izo mu ijuru nta bwoba bwo kuzibura umuntu azagira, naho izo mu isi ntizihoraho, kandi ntizijya zitana n'ububabare ndetse n'uburwayi.
3. Gushishikariza gukora ibikorwa byiza bizageza umuntu mu ngororano z'ijuru.