فەرموودە: ئەی عەباس، ئەی مامی پێغەمبەری خودا، داوای سەلامەت بوون بکە لە خواى گەورە لەم ژیانە ولە ڕۆژی دواییدا

عَنِ العَبَّاسِ بْنِ عَبْدِ الْمُطَّلِبِ رَضيَ اللهُ عنهُ قَالَ:
قُلْتُ: يَا رَسُولَ اللهِ، عَلِّمْنِي شَيْئًا أَسْأَلُهُ اللَّهَ عَزَّ وَجَلَّ. قَالَ: «سَلِ اللَّهَ العَافِيَةَ»، فَمَكَثْتُ أَيَّامًا ثُمَّ جِئْتُ فَقُلْتُ: يَا رَسُولَ اللهِ، عَلِّمْنِي شَيْئًا أَسْأَلُهُ اللَّهَ. فَقَالَ لِي: «يَا عَبَّاسُ، يَا عَمَّ رَسُولِ اللهِ، سَلِ اللَّهَ العَافِيَةَ فِي الدُّنْيَا وَالآخِرَةِ».
[صحيح لغيره] - [رواه الترمذي وأحمد] - [سنن الترمذي: 3514]

لە عەباسی کوڕی عەبدولموتەڵیبەوە -ڕەزای خوای لێبێت- دەڵێت:
ووتم: ئەی پێغەمبەری خودا شتێکم (نزایەکم) فێر بکە کە بەو نزایە داوا لە خوای گەورە بکەم، -صلى اللە علیە وسلم- فەرمووی: «داوای سەلامەت بوون (پاراستن وعافیەت) بکە لە خواى گەورە»، پاش چەند ڕۆژێکی تر، هاتم و ووتم: ئەی پێغەمبەری خودا شتێکم (نزایەکم) فێر بکە کە بەو (نزایە) داوا لە خوای گەورە بکەم، ئەویش -صلى اللە علیە وسلم- پێی فەرمووم: «ئەی عەباس، ئەی مامی پێغەمبەری خودا، داوای سەلامەت بوون بکە لە خواى گەورە لەم ژیانە ولە ڕۆژی دواییدا».
[صەحیحە لغیره] - - [سنن الترمذي - 3514]

شیکردنەوە

مامی پێغەمبەر -صلى اللە علیە وسلم- بەناوی عەباسی کوڕی عەبدولموتەڵیب -ڕەزای خوای لێبێت- داوای لێكرد كە نزایەكی فێر بكات بۆئەوەی بەو نزایە داوا لە الله بكات، بۆیە پێغەمبەر -صلى اللە علیە وسلم- فێری كرد كە داوا لە الله بكات بەوەی عافیەت وسەلامەت بێت لە ناخۆشی وكەموكورتی وعەیبەكان لە دونیا وقیامەتدا، عەباس دەڵێت: پاش چەند ڕۆژێكی تر جارێكی تر هاتمەوە بۆ لای پێغەمبەر -صلى اللە علیە وسلم- وداوام لێكرد نزایەكەم فێر بكات كە بەو نزایە داوا لە الله بكەم، بەڵام پێغەمبەر -صلى اللە علیە وسلم- وەكو دەربڕینی خۆشەویستیەك بۆی فەرمووی: ئەی عەباس، ئەی مامی پێغەمبەری خودا، داوای عافیەت وسەلامەتبوون بكە لە الله ؛ بۆئەوەی هەموو زیانێكت لێ دوور بخرێتەوە وهەموو خێرێكت لێت نزیك بێتەوە لە دونیا وقیامەتدا.