हदीस: निस्सन्देह, अल्लाहले केवल त्यो कार्य स्वीकार गर्नुहुन्छ, जुन विशुद्ध उहाँको निम्ति र उहाँको प्रसन्नता प्राप्तिका लागि गरिन्छ।

عَنْ أَبِي أُمَامَةَ الْبَاهِلِيِّ رضي الله عنه قَالَ:
جَاءَ رَجُلٌ إِلَى النَّبِيِّ صَلَّى اللهُ عَلَيْهِ وَسَلَّمَ، فَقَالَ: أَرَأَيْتَ رَجُلًا غَزَا يَلْتَمِسُ الْأَجْرَ وَالذِّكْرَ، مَا لَهُ؟ فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «لَا شَيْءَ لَهُ» فَأَعَادَهَا ثَلَاثَ مَرَّاتٍ، يَقُولُ لَهُ رَسُولُ اللَّهِ صَلَّى اللهُ عَلَيْهِ وَسَلَّمَ: «لَا شَيْءَ لَهُ» ثُمَّ قَالَ: «إِنَّ اللَّهَ لَا يَقْبَلُ مِنَ الْعَمَلِ إِلَّا مَا كَانَ لَهُ خَالِصًا، وَابْتُغِيَ بِهِ وَجْهُهُ»
[صحيح] - [رواه النسائي] - [سنن النسائي: 3140]

अबू-उमामा अल्-बाहली (रजियल्लाहु अन्हु) ले बयान गरेका छन्,
एक व्यक्ति नबी (सल्लल्लाहु अलैहि वसल्लम) कहाँ आए र सोधे: "जसले प्रतिफल र प्रसिद्धिको कामना गर्दै जिहादमा भाग लिन्छ, उसले के पाउँछ?" नबी (सल्लल्लाहु अलैहि वसल्लम) ले जवाफ दिनुभयो: "उसले केही प्राप्त गर्नेछैन।" ती व्यक्तिले आफ्नो प्रश्न तीन पटक दोहोर्याए र प्रत्येक पटक उहाँले भन्नुभयो: "उसले केही प्राप्त गर्नेछैन।" त्यसपछि उहाँले भन्नुभयो: "निस्सन्देह, अल्लाहले केवल त्यो कार्य स्वीकार गर्नुहुन्छ, जुन विशुद्ध उहाँको निम्ति र उहाँको प्रसन्नता प्राप्तिका लागि गरिन्छ।"
[सही] - [رواه النسائي] - [सुनन् निसाई - 3140]

व्याख्या

एक व्यक्ति नबी (सल्लल्लाहु अलैहि वसल्लम) को समक्ष उपस्थित भए र सोधे: "त्यस्तो व्यक्तिको बारेमा के आदेश छ, जो अल्लाहबाट प्रतिफल र मानिसहरूबाट प्रशंसा दुवै प्राप्त गर्ने मनसायले जिहादमा सहभागी हुन्छ?" नबी (सल्लल्लाहु अलैहि वसल्लम) ले जवाफ दिनुभयो: "उसले केही पनि प्राप्त गर्नेछैन। किनभने उसले आफ्नो नियतमा अल्लाह बाहेक अन्य लाई साझेदार बनायो।" ति व्यक्तिले यो प्रश्न तीन पटक दोहोर्याए, र प्रत्येक पटक उहाँले उही उत्तर दिनुभयो: "उसले कुनै इनाम पाउनेछैन।" त्यसपछि, नबी (सल्लल्लाहु अलैहि वसल्लम) ले कर्म स्वीकार्य हुने ईश्वरीय नियम स्पष्ट पार्दै भन्नुभयो: "अल्लाहले केवल तिनै कर्महरू स्वीकार गर्नुहुन्छ, जुन विशुद्ध उहाँकै निम्ति (निस्वार्थ भावले) र उहाँको प्रसन्नता प्राप्त गर्ने उद्देश्यले मात्र गरिएका हुन्छन्।"

हदीसका केही फाइदाहरू

1. अल्लाहले मात्र त्यो कार्यलाई स्वीकार गर्नुहुन्छ, जुन विशुद्ध रूपमा
2. उहाँको लागि होस् र साथै उहाँको नबि (सल्लल्लाहु अलैहि वसल्लम) को निर्देशन अनुसार होस् ।
3. मुफ्तीको उत्कृष्ट जवाफ त्यो हुन्छ, जसले फतवा (धार्मिक सुुझाव) सोध्ने व्यक्तिको मूल उद्देश्य पूरा गर्नुका साथै उसलाई आवश्यक पर्ने थप जानकारी समेत समेटेको हुन्छ।
4. महान् र महत्वपूर्ण कुराको पुष्टि त्यसबारे बारम्बार प्रश्न गरेर गरिन्छ।
5. वास्तविक मुजाहिद त्यो हो, जसले अल्लाहको वचन (तौहीह) लाई सर्वोच्च बनाउन र परलोकको पुण्यको खोजीमा पूर्ण इख्लास (निष्कपटता) का साथ जिहाद गर्छ। उसको जिहाद सांसारिक लाभका लागि हुँदैन।