हदीस: निस्सन्देह, अल्लाहले केवल त्यो कार्य स्वीकार गर्नुहुन्छ, जुन उहाँ र उहाँको खुशी प्राप्त गर्नको लागि गरिन्छ ।

عَنْ أَبِي أُمَامَةَ الْبَاهِلِيِّ رضي الله عنه قَالَ:
جَاءَ رَجُلٌ إِلَى النَّبِيِّ صَلَّى اللهُ عَلَيْهِ وَسَلَّمَ، فَقَالَ: أَرَأَيْتَ رَجُلًا غَزَا يَلْتَمِسُ الْأَجْرَ وَالذِّكْرَ، مَا لَهُ؟ فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «لَا شَيْءَ لَهُ» فَأَعَادَهَا ثَلَاثَ مَرَّاتٍ، يَقُولُ لَهُ رَسُولُ اللَّهِ صَلَّى اللهُ عَلَيْهِ وَسَلَّمَ: «لَا شَيْءَ لَهُ» ثُمَّ قَالَ: «إِنَّ اللَّهَ لَا يَقْبَلُ مِنَ الْعَمَلِ إِلَّا مَا كَانَ لَهُ خَالِصًا، وَابْتُغِيَ بِهِ وَجْهُهُ»
[صحيح] - [رواه النسائي] - [سنن النسائي: 3140]

अबू-उमामा अल्-बाहली (रजियल्लाहु अन्हु) ले बयान गरेका छन्,
एक व्यक्ति नबी (सल्लल्लाहु अलैहि वसल्लम) कहाँ आयो र सोध्यो: जसले इनाम र प्रसिद्ध हुनको नियतले जिहादमा भाग लिन्छ, उसले के पाउँछ? नबी (सल्लल्लाहु अलैहि वसल्लम) ले जवाफ दिनुभयो: "उसले केही प्राप्त गर्नेछैन ।" उनले आफ्नो प्रश्न तीन पटक दोहोर्याए र प्रत्येक पटक उहाँले भन्नुभयो : "उसले केही प्राप्त गर्नेछैन ।" त्यसपछि उहाँले भन्नुभयो: "निस्सन्देह, अल्लाहले केवल त्यो कार्य स्वीकार गर्नुहुन्छ, जुन उहाँ र उहाँको खुशी प्राप्त गर्नको लागि गरिन्छ ।"
[सही] - - [सुनन् निसाई - 3140]

व्याख्या

एक व्यक्ति नबी (सल्लल्लाहु अलैहि वसल्लम) कहाँ आए र सोधे : अल्लाहबाट इनाम र मानिसहरूको प्रशंसा प्राप्त गर्ने नियतले जिहादमा भाग लिने व्यक्तिको के आदेश हो ? ऊ पुरस्कृत हुन्छ कि हुँदैन भनेर जिज्ञासा राखे । तसर्थ, नबी (सल्लल्लाहु अलैहि वसल्लम) ले उसले केही प्राप्त गर्नेछैन भनेर जवाफ दिनुभयो । किनभने उसले आफ्नो नियतमा अल्लाह बाहेक अन्य लाई साझेदार बनायो । उनले आफ्नो प्रश्न तीन पटक दोहोर्याए र प्रत्येक पटक उहाँले भन्नुभयो : उसले कुनै इनाम पाउने छैन । त्यसपछि, नबी (सल्लल्लाहु अलैहि वसल्लम) ले अल्लाहद्वारा उपासना स्वीकार हुने एक नियम बताउनुभयो; अल्लाहले मात्र त्यो कर्मलाई स्वीकार गर्नुहुन्छ जुन पूर्णतया अल्लाह र उहाँको खुशी प्राप्त गर्नको लागि गरिन्छ र त्यसमा कसैलाई साझेदार गर्दैन ।