हदीस: मैले अल्लाहका रसूल (सल्लल्लाहु अलैहि वसल्लम) सँग बैअत (प्रतिज्ञा) गरेँ कि अल्लाह बाहेक कोही सत्य ईश्वर छैन र मुहम्मद (सल्लल्लाहु अलैहि वसल्लम) अल्लाहका रसूल हुनुहुन्छ भनी गवाही दिनेछु, नमाज कायम गर्नेछु, जकात तिर्नेछु, शासकप्रति वफादार रहनेछु र हरेक मुस्लिमको हित र कल्याण गर्नेछु।

عَنْ جَرِيرِِ بْنِ عَبْدِ اللَّهِ رضي الله عنه قَالَ:
بَايَعْتُ رَسُولَ اللَّهِ صَلَّى اللهُ عَلَيْهِ وَسَلَّمَ عَلَى شَهَادَةِ أَنْ لاَ إِلَهَ إِلَّا اللَّهُ، وَأَنَّ مُحَمَّدًا رَسُولُ اللَّهِ، وَإِقَامِ الصَّلاَةِ، وَإِيتَاءِ الزَّكَاةِ، وَالسَّمْعِ وَالطَّاعَةِ، وَالنُّصْحِ لِكُلِّ مُسْلِمٍ.
[صحيح] - [متفق عليه] - [صحيح البخاري: 2157]

जरीर बिन अब्दुल्लाह (रजियल्लाहु अन्हु) ले बयान गरेका छन्,
मैले अल्लाहका रसूल (सल्लल्लाहु अलैहि वसल्लम) सँग बैअत (प्रतिज्ञा) गरेँ कि अल्लाह बाहेक कोही सत्य ईश्वर छैन र मुहम्मद (सल्लल्लाहु अलैहि वसल्लम) अल्लाहका रसूल हुनुहुन्छ भनी गवाही दिनेछु, नमाज कायम गर्नेछु, जकात तिर्नेछु, शासकप्रति वफादार रहनेछु र हरेक मुस्लिमको हित र कल्याण गर्नेछु।
[सही] - [मुत्तफकुन अलैहि] - [सही बुखारी - 2157]

व्याख्या

सहाबी हजरत जरीर बिन अब्दुल्लाह (रजियल्लाहु अन्हु) ले बयान गरेका छन् कि उनले नबी (सल्लल्लाहु अलैहि वसल्लम) सँग निम्न कुराहरूप्रति वचनबद्धता जनाउँदै प्रतिज्ञा गरे: अल्लाहको तौहीदको (एकेश्वरवादको) सिद्धान्तलाई दृढतापूर्वक पालना गर्नुहुनेछ; दिन-रातमा पाँच अनिवार्य नमाजहरूलाई तिनीहरूका अर्कान (स्तम्भहरू), शर्त (सर्तहरू), वाजिब (अनिवार्य कार्यहरू) र सुन्नत अनुसार नियमित रूपमा सम्पन्न गर्नुहुनेछ; त्यसैगरी निर्धारित जकात (यो एक अनिवार्य आर्थिक उपासना हो जुन धनी व्यक्तिहरूबाट सङ्कलन गरी गरिब तथा अन्य योग्य व्यक्तिहरूलाई वितरण गरिन्छ) प्रदान गर्नुहुनेछ; शासक र सरोकारवालाहरूको आज्ञापालन गर्नुहुनेछ; र प्रत्येक मुस्लिमको कल्याणको कामना गर्दै उनीहरूको हितका लागि तत्पर रहनुहुनेछ, उनीहरूलाई लाभ पुर्याउनुहुनेछ, र वचन तथा कर्म दुवैबाट उनीहरूलाई हानि नहुने कुरा सुनिश्चित गर्नुहुनेछ।

हदीसका केही फाइदाहरू

1. सलाह (नमाज) र जकातको महत्व र यी दुवै इस्लामका स्तम्भहरू हुन् भन्ने कुरा स्पष्ट हुन्छ ।
2. मुस्लिमहरूबीच धार्मिक तथा सांसारिक दुवै तहमा पारस्परिक र अपारस्परिक कल्याणकारी कार्यहरू प्रवर्द्धन गर्ने र हानिकारक कुराबाट जोगिने विषय अत्यन्त महत्वपूर्ण ठहरिन्छ। यही महत्त्वलाई मध्येनजर गर्दै रसूल (सल्लल्लाहु अलैहि वसल्लम) ले सहाबा (रजियल्लाहु अन्हुम) हरू सगँ ती कुराहरू प्रति वचनबद्धताको प्रतिज्ञा लिनुभयो ।