Ҳадис: Мен Расулуллоҳ соллаллоҳу алайҳи ва салламга «Аллоҳдан ўзга илоҳ йўқ ва Муҳаммад У Зотнинг пайғамбари», деб гувоҳлик беришга, намозни барпо қилишга, закотни адо этишга, қулоқ солиб итоат этишга ва ҳар бир мусулмонга насиҳат қилишга байъат бердим

عَنْ جَرِيرِِ بْنِ عَبْدِ اللَّهِ رضي الله عنه قَالَ:
بَايَعْتُ رَسُولَ اللَّهِ صَلَّى اللهُ عَلَيْهِ وَسَلَّمَ عَلَى شَهَادَةِ أَنْ لاَ إِلَهَ إِلَّا اللَّهُ، وَأَنَّ مُحَمَّدًا رَسُولُ اللَّهِ، وَإِقَامِ الصَّلاَةِ، وَإِيتَاءِ الزَّكَاةِ، وَالسَّمْعِ وَالطَّاعَةِ، وَالنُّصْحِ لِكُلِّ مُسْلِمٍ.
[صحيح] - [متفق عليه] - [صحيح البخاري: 2157]

Жарир ибн Абдуллоҳ разияллоҳу анҳу айтадилар:
«Мен Расулуллоҳ соллаллоҳу алайҳи ва салламга «Аллоҳдан ўзга илоҳ йўқ ва Муҳаммад У Зотнинг пайғамбари», деб гувоҳлик беришга, намозни барпо қилишга, закотни адо этишга, қулоқ солиб итоат этишга ва ҳар бир мусулмонга насиҳат қилишга байъат бердим».
[Тўғри матн] - [Муттафақун алайҳ] - [Саҳиҳул Бухорий - 2157]

Изоҳ

Жарир ибн Абдуллоҳ разияллоҳу анҳу Набий соллаллоҳу алайҳи ва салламга қуйидаги ишларни бажаришга аҳду паймон берганлари ҳақида хабар бердилар: Тавҳид, куну тун беш маҳал фарз намозни шарт, рукн, вожиб ва суннатларига риоя қилиб қоим қилишга, бойликдаги вожиб ибодат бўлган закотни ўз ҳақдорларига беришга, бошлиқларга итоат этишга, ҳар бир мусулмонга насиҳат қилиш. Насиҳат - мусулмонга манфаат олиб келишга, унга яхшилик етишига ҳарис бўлиш ва ундан сўз ва амал орқали ёмонликни даф қилиш.

Ҳадиснинг фойдалари

1. Намоз ва закотнинг аҳамияти ҳамда улар Ислом рукнларидан бир рукн эканлиги.
2. Мусулмонлар бир бирига холис ва насихатгўй бўлишларининг аҳамияти. Шунинг учун Расулуллоҳ соллаллоҳу алайҳи ва саллам саҳобалардан шу ишга байъат олдилар.