Hadiis: Ad fo yeela gomde, b sã n rɩk-a n gẽdg ne mogrã koom, a na gẽdg-a

عَنْ عَائِشَةَ أُمِّ المؤْمنينَ رَضيَ اللهُ عنها قَالَت:
قُلْتُ لِلنَّبِيِّ صَلَّى اللهُ عَلَيْهِ وَسَلَّمَ: حَسْبُكَ مِنْ صَفِيَّةَ كَذَا وَكَذَا، -قَالَ أَحدُ الرُّوَاةِ: تَعْنِي قَصِيرَةً- فَقَالَ: «لَقَدْ قُلْتِ كَلِمَةً لَوْ مُزِجَتْ بِمَاءِ الْبَحْرِ لَمَزَجَتْهُ» قَالَتْ: وَحَكَيْتُ لَهُ إِنْسَانًا، فَقَالَ: «مَا أُحِبُّ أَنِّي حَكَيْتُ إِنْسَانًا وَأَنَّ لِي كَذَا وَكَذَا».
[صحيح] - [رواه أبو داود والترمذي وأحمد] - [سنن أبي داود: 4875]

Yii Muumin-rãmbã mɑ wã a ʿAɑɩša nengẽ, (Wẽnd yard be a yĩnga), a yeelame:
Mam yeela Nabiyaamã (Wẽnd pʋʋsg lɑ A tɩlgr be ɑ yĩngɑ) a Safɩya yel-kãngã la a yel-kãngã rag n seka foom -Togsdbã sãnda yeelame-: a rat n na n yeelame t'a yaa koεεga- tɩ Nabiyaamã yeele: «Ad fo yeela gomde, b sã n rɩk-a n gẽdg ne mogrã koom, a na gẽdg-a» T'a yeele, tɩ mam togs ned t'a kelgdẽ, la a yeel yã: «mam ka nong n na togsd ned n yaand-a ye baa tɩ b na n kõo maam woto la woto».
[Naṣʋn Ṣahɩɩhʋn (Gom-sikdem sẽn manege)] - [A Abʋʋ Daawʋʋd la a At-tirmiiziy la a Ahmad n togs-a] - [Sunan Abɩɩ Daawʋʋd - 4875]

bilgrã

Muumin-dãmbã mɑ wã a ʿAɑɩša yeelame (Wẽnd yard be a yĩnga), a yeela Nabiyaamã (Wẽnd pʋʋsg lɑ A tɩlgr be ɑ yĩngɑ): seka foom a Safɩya -rat n yeel Muumin-rãmbã ma wã (Wẽnd yard be a yĩnga), tɩ sẽn be a zamsã pʋgẽ, a yaa koεεga-, tɩ Nabiyaamã yeele: ad fo yeela gomde, b sã n rɩk-a n gẽdg ne mogrã koom, a na n wil-a lame n tedg-a n sãam-a. La mam leb n togsa ned tɩ yaa wala sẽn na n paoog a soabã, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: mam ka nong n na n gom ned zang ye, maa m togs-a n maan wala a sẽn maandã, maa m yeel wala a sẽn gomdã, tɩ yaa paoogr ye, baa tɩ b na n kõo maam bũmb sẽn yaa wʋsgo, sẽn yaa dũni yεla.

Sẽn be Hɑdiisã yõod-rãmbẽ

1. Yaa bugsg la pεleng yɩk n yi wɩdga.
2. Nebã yalε togsg la togsd tɩ yaa paoogrã, a bee wɩdg ning sẽn yaa haraamã pʋgẽ.
3. Tʋg n sɩfd neb zamse, a yĩngẽ wã, a yaa wɩdga.
4. A Al-Ƙaadiy (Wẽnd na yols-a) a yeelame: gẽdgrã yaa bũmb n gẽdg a to, la a võorã rat n yeelame tɩ wɩdg-kãngã sã n rag n mikame, tɩ yaa bũmb sẽn tõe n gẽdg ne mogr koom, a rag n gẽdg mogrã koom n yi a halhaalẽ wã, n lagem ne koomã sẽn waoogã, la na n yɩɩ wãnã tɩ fo tar tʋʋm bilfu, n rɩk-a n gẽdg ne tʋʋm-kãngã.
5. A vẽnegda bũmb ning sẽn yɩt pagbã ne taab sʋk sẽn yaa pʋg-taare.
6. Wilgda Nabiyaamã (Wẽnd pʋʋsg lɑ A tɩlgr be ɑ yĩngɑ) sẽn ka sak n reeg yel-kiti wã.
7. Yaa dũni wã yell paoogre, la bũmb ning sẽn be dũni wã pʋgẽ, tɩ b sã n rɩk-a n na n mak ne Wẽnd yardã (A Naam zẽk yã).
8. Lɩslaamdã yaa zʋg-sõng dĩini, la a saglame tɩ b gũus burkĩndã tɩ b ra wa tʋg n pãrg-a ne gomde, maa tʋʋme, bala a yaa bũlmb sẽn wat ne beem la gẽega, lɩslaambã ne taa sʋka.