Hadiis: Ned ka be sẽn na n ning maam sallem, rẽndame tɩ Wẽnd lebs mam yõorã, tɩ m lebs a soabã pʋʋsgã

عَنْ أَبِي هُرَيْرَةَ رضي الله عنه أَنَّ رَسُولَ اللهِ صلَّى الله عليه وسلم قال:
«ما مِنْ أحَدٍ يُسلِّمُ علي إلا ردَّ اللهُ عليَّ رُوحي حتى أردَّ عليه السَّلامَ».
[إسناده حسن] - [رواه أبو داود وأحمد] - [سنن أبي داود: 2041]

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame:
«Ned ka be sẽn na n ning maam sallem, rẽndame tɩ Wẽnd lebs mam yõorã, tɩ m lebs a soabã pʋʋsgã».
[ɭsnaadʋhʋʋ Hasanʋn (A toagsdbã lolengã be neere)] - [A Abʋʋ Daawʋʋd la a Ahmad n togs-a] - [Sunan Abɩɩ Daawʋʋd - 2041]

bilgrã

Nabiyaamã kõta kibare (Wẽnd pʋʋsg la A tɩlgr be a yĩngɑ) tɩ b lebsda yẽndã vʋʋsmã, sẽn na yɩlẽ tɩ yẽ paam n lebs sallem lɩslaam fãa sẽn pʋʋs-a, zem t'a soab pẽeme maa a zãrame, la Barzaẖã (kũum poorẽ vɩɩmã) la yaoogã, yaa bũmb sẽn yaa yel-solemde, ned ka mi a sɩdã rẽnda Wẽnde, A yaa Tõod ne bũmbã fãa.

Sẽn be Hɑdiisã yõod-rãmbẽ

1. Yaa b sẽn pirsd tɩ b wʋsg Nabiyaamã sallegã (Wẽnd pʋʋsg la A tɩlgr be a yĩngɑ).
2. Nabiyaamã vɩɩmã a yaoogẽ wã (Wẽnd pʋʋsg la A tɩlgr be a yĩngɑ), yẽ la vɩɩm sẽn pid n yɩɩd ninsaal sẽn tõe n vɩɩmse, ned ka mi a hakɩɩkã rẽnda Wẽnde (A Naam zẽk yã).
3. Hadiisã ka daliil ne ned ning sẽn yeel tɩ Tẽn-tʋʋmã (Wẽnd pʋʋsg la A tɩlgr be a yĩngɑ) vɩɩ vɩɩm ning tõnd sẽn vɩ wã ye, sẽn na yɩl tɩ lagem-n-taarã rãmb sẽn kot Nabiyaamã fãagrã (Wẽnd pʋʋsg la A tɩlgr be a yĩngɑ) ra wa rɩk-a n maan tɩ yaa daliil ye, la ad yaa yaoogẽ vɩɩm.