Ab Adiis: waxal, Allaahuma ihdinii wa saddidnii, waskur bilhudaa hidaayataka attariixa, wassadaadi sadaada assahmi

عَنْ عَلِيٍّ رضي الله عنه قَالَ: قَالَ لِي رَسُولُ اللهِ صَلَّى اللهُ عَلَيْهِ وَسَلَّمَ:
«قُلِ اللهُمَّ اهْدِنِي وَسَدِّدْنِي، وَاذْكُرْ بِالْهُدَى هِدَايَتَكَ الطَّرِيقَ، وَالسَّدَادِ سَدَادَ السَّهْمِ».
[صحيح] - [رواه مسلم] - [صحيح مسلم: 2725]

Jële nañu ci Aliyun yal na ko Yàlla dolli xéewal ak mucc mu wax ne : Yonnente Yàlla bi yal na ko Yàlla dolli xéewal ak mucc nee na ma:
«waxal, Allaahuma ihdinii wa saddidnii, waskur bilhudaa hidaayataka attariixa, wassadaadi sadaada assahmi».
[Wér na] - [Muslim soloo na ko] - [Téere Muslim bi gën a wér - 2725]

Leeral

Yonnente bi yal na ko Yàlla dolli xéewal ak mucc dafa digal Aliyun Ibn Abii Taalib yal na ko Yàlla dollee gërëm mu ñaan Yàlla laaj ko, mu wax ne: (yaw sama Boroom gindi ma) jubal ma def ma may ku jub ci mbooleem samay bir.
Jub: mooy xam dëgg cig faramfacce ak cig lëm, ak ug am tawfeex ci topp ko ci lu feeñ ak lu nëbbu.
Jub ga mooy: am tawfeex ak ug jub ci mbooleem bir yi ci mu nekk lu tege ci ag dëgg, te mooy yoon wa jub kocc ci wax ak jëf ak pas-pas.
Ba nga xamee ne mbir yi day leere ci yëg-yëg kon nanga xalaatal fekk ne yaa ngi ñaan ñaan gii ci ne: (njub ga: mooy sag jubal ca yoon wa) teewalal sa xol fekk yaa ngi laaj ak njub niki njubug aji-tukki ji, moom de du bàyyi yoonam mukk; ndax mu mucc ba du réer daldi àgg famu jëm si lu gaaw.
(jam ga: mooy jamug fett ga) yaw da ngay seetlu ba ngay jam fett ga ci ni muy gaaw a egge ak ni muy jame jubluwaay ba, kiy sànni bu sànnee la mu jublu day jubal fett gi mu jëm ca la muy sànni niki noonu it dangay ñaan Yàlla mu kawe mi la nga yéene ci jub muy niróok fett gi; bu ko defee nga nekk ci ñaan gi di aji-sàkku jeexantalu jub ga, ak mujjanteelu jam ga.
Teewalal maanaa mii ci sa xol ndax nga ñaan Yàlla ag njub ngir li nga yéene ci loolu niróok li sànnikat bi di jëfandikoo.

Bokk na ci njariñi Adiis bi

1. Aji-ñaan ji dafa war a xér ci jubal jëfam ak jubbanti ko ci mu dëppoo ak sunna ak mu sellal yéene ji.
2. Sopp nañu ñaan ci baat yii boole tawfeex ak jub.
3. Jaadu na ci jaam bi muy muslu ci Yàlla mu kawe mi ci mbooleem ay biram.
4. Sadd ay misaal ci barabu jàngale.
5. Boole sàkku ag gindiku ak ug yëwénug mbir, ak wëy ca te bañ ca a jeng luy toll ne xefu bët ak yéwénug ëllëg, li mu wax: "gindi ma' ci mu nekk kuy dox ci yoonu jub, li mu wax "jubal ma": ci mu jub te bañ a jeng ca jub ga mu tege.
6. Aji-ñaan ji dafa war a yittewoo ñaanam gi, teewal maanaay ñaanam gi ci xolam; loolu moo gën a gaaw ci ñu nangul ko.