Hadith: “ចូរពួកអ្នកមើលទៅកាន់អ្នកដែលទាបជាងពួកអ្នក ហើយចូរពួកអ្នកកុំមើលទៅកាន់អ្នកដែលខ្ពស់ជាងពួកអ្នកដើម្បីកុំឲ្យពួកអ្នកមើលស្រាលចំពោះឧបការគុណរបស់អល់ឡោះចំពោះពួកអ្នក”។

عَنْ أَبِي هُرَيْرَةَ رَضيَ اللهُ عنهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«انْظُرُوا إِلَى مَنْ أَسْفَلَ مِنْكُمْ، وَلَا تَنْظُرُوا إِلَى مَنْ هُوَ فَوْقَكُمْ، فَهُوَ أَجْدَرُ أَلَّا تَزْدَرُوا نِعْمَةَ اللهِ عَلَيْكُمْ».
[صحيح] - [متفق عليه] - [صحيح مسلم: 2963]

អំពី អាពូហ៊ូរ៉យរ៉ោះ رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ចូរពួកអ្នកមើលទៅកាន់អ្នកដែលទាបជាងពួកអ្នក ហើយចូរពួកអ្នកកុំមើលទៅកាន់អ្នកដែលខ្ពស់ជាងពួកអ្នកដើម្បីកុំឲ្យពួកអ្នកមើលស្រាលចំពោះឧបការគុណរបស់អល់ឡោះចំពោះពួកអ្នក”។
[صحيح] - [متفق عليه] - [صحيح مسلم - 2963]

Explanation

ណាពី ﷺ លោកបានបង្គាប់ប្រើជនមូស្លីមថា ចំពោះបញ្ហាដែលទាក់ទងនឹងលោកិយ ដូចជាឋានៈសក្តិ និងទ្រព្យសម្បត្តិជាដើម គឺត្រូវមើលទៅកាន់អ្នកដែលមានកម្រិតទាបជាងខ្លួន ហើយមិនត្រូវមើលទៅកាន់អ្នកដែលមានកម្រិតខ្ពស់ជាង និងប្រសើរជាងខ្លួនឡើយ។ ការមើលទៅអ្នកដែលមានកម្រិតទាបជាងខ្លួន ឬអន់ជាងខ្លួន គឺជាវិធីដ៏ល្អបំផុតដើម្បីកុំឱ្យរូបគេមើលស្រាល និងបន្តុះបង្អាប់ឧបការគុណ(នៀកម៉ាត់)របស់អល់ឡោះដែលបានប្រទានដល់រូបគេ។

Benefits from the Hadith

1. ភាពស្កប់ស្កល់ គឺជាសីលធម៌ដ៏ប្រសើរខ្ពង់ខ្ពស់បំផុតមួយរបស់អ្នកមានជំនឿ ហើយវាជាសញ្ញានៃការពេញចិត្តចំពោះការកំណត់របស់អល់ឡោះជាម្ចាស់។
2. អ៊ិពនូហាជើរ បាននិយាយថា៖ ហាទីស្ហនេះរួមបញ្ចូលនូវប្រភេទនៃប្រការល្អជាច្រើន ព្រោះថានៅពេលដែលមនុស្សឃើញអ្នកដែលមានសំណាងជាងរូបគេក្នុងលោកិយ គឺពួកគេចង់បានដូចនោះដែរ ហើយមើលស្រាលចំពោះឧបការគុណ(នៀកម៉ាត់)របស់អល់ឡោះដែលខ្លួនមាន និងព្យាយាមធ្វើយ៉ាងណាដើម្បីឱ្យខ្លួនស្មើនឹងអ្នកនោះ ឬក៏ជិតស្មើនឹងអ្នកនោះ។ នេះជាអ្វីដែលកើតឡើងចំពោះមនុស្សភាគច្រើន។ ប៉ុន្តែប្រសិនបើក្នុងកិច្ចការលោកិយ គេមើលទៅកាន់អ្នកដែលទាបជាងខ្លួន នោះគេនឹងបានឃើញនូវឧបការគុណរបស់អល់ឡោះដែលទ្រង់បានប្រទានដល់រូបគេ។ ដូច្នេះ គេនឹងថ្លែងអំណរគុណចំពោះឧបការគុណនោះ ព្រមទាំងបន្ទាបខ្លួន និងធ្វើអំពើល្អ។