হাদীছ: “তোমালোকে (পাৰ্থিৱ বিষয়ত) তোমালোকতকৈ নিম্ন শ্ৰেণীৰ ব্যক্তিৰ প্ৰতি দৃষ্টিপাত কৰিবা, তোমালোকতকৈ উচ্চ শ্ৰেণীৰ ব্যক্তিৰ ফালে নহয়। এইটো কৰিলে বেছি উপযুক্ত যে, আল্লাহে তোমালোকক যি নিয়ামত প্ৰদান কৰিছে, সেইবোৰ তোমালোকৰ দৃষ্টিত নগণ্য বুলি গণ্য নহ'ব।”
عَنْ أَبِي هُرَيْرَةَ رَضيَ اللهُ عنهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«انْظُرُوا إِلَى مَنْ أَسْفَلَ مِنْكُمْ، وَلَا تَنْظُرُوا إِلَى مَنْ هُوَ فَوْقَكُمْ، فَهُوَ أَجْدَرُ أَلَّا تَزْدَرُوا نِعْمَةَ اللهِ عَلَيْكُمْ».
[صحيح] - [متفق عليه] - [صحيح مسلم: 2963]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, তেওঁ কৈছেঃ ৰাছুলুল্লাহ চাল্লাল্লাহু আলাইহি অছাল্লামে কৈছেঃ
“তোমালোকে (পাৰ্থিৱ বিষয়ত) তোমালোকতকৈ নিম্ন শ্ৰেণীৰ ব্যক্তিৰ প্ৰতি দৃষ্টিপাত কৰিবা, তোমালোকতকৈ উচ্চ শ্ৰেণীৰ ব্যক্তিৰ ফালে নহয়। এইটো কৰিলে বেছি উপযুক্ত যে, আল্লাহে তোমালোকক যি নিয়ামত প্ৰদান কৰিছে, সেইবোৰ তোমালোকৰ দৃষ্টিত নগণ্য বুলি গণ্য নহ'ব।”
[ছহীহ] - [(মুত্তাফাক আলাইহ {বুখাৰী মুছলিম})] - [ছহীহ মুছলিম - 2963]
নবী চাল্লাল্লাহু আলাইহি অছাল্লামে নিৰ্দেশ দিছে যে, মুছলিম ব্যক্তিয়ে দুনিয়াৱী ক্ষেত্ৰত, ধন-সম্পদ, পদ-মৰ্যাদা আদিৰ ক্ষেত্ৰত নিজতকৈ নিম্ন শ্ৰেণীৰ লোকৰ ফালে চোৱা উচিত। এইবোৰ ক্ষেত্ৰত নিজতকৈ উচ্চ শ্ৰেণীৰ লোকৰ প্ৰতি মনোযোগ দিয়া উচিত নহয়। কাৰণ নিজতকৈ নিম্ন শ্ৰেণীৰ লোকৰ ফালে দৃষ্টিপাত কৰিলে আল্লাহে যি নিয়ামত প্ৰদান কৰিছে তাৰ গুৰুত্ব বুজা যাব, তথা সেইবোৰ নিয়ামতক তুচ্ছ জ্ঞান কৰাৰ পৰা বিৰত থাকিব পৰা যাব।
হাদীছৰ পৰা সংগৃহীত উপকাৰিতাসমূহ
- নিজৰ যিখিনি আছে সেইখিনিতে সন্তুষ্টি লাভ কৰাটো হৈছে মুমিনৰ অন্যতম এটা সুউচ্চ চৰিত্ৰ। লগতে এইটো হৈছে আল্লাহে নিৰ্ধাৰণ কৰা তাক্বদীৰৰ প্ৰতি সন্তুষ্টি প্ৰকাশৰ অন্যতম এটা প্ৰতীক।
- ইবনু জাৰীৰ ৰাহিমাহুল্লাহে কৈছেঃ এই হাদীছটো হৈছে বিভিন্ন কল্যাণমূলক এটা জামে হাদীছ। কাৰণ মানুহে যেতিয়া আনৰ ওচৰত থকা পাৰ্থিৱ জীৱনৰ সা-সম্পত্তিৰ উভৈনদী পৰিৱেশ দেখা পায়, তেতিয়া সেইবোৰ নিজৰ বাবেও কামনা কৰে, আৰু নিজৰ ওপৰত থকা আল্লাহৰ নিয়ামতবোৰক তুচ্ছ বুলি জ্ঞান কৰে। সি তেতিয়া অধিক পাবলৈ পৰিশ্ৰমৰ ওপৰত পৰিশ্ৰম কৰে, অথবা তাৰ সমান হ'বলৈ আপ্ৰাণ চেষ্টা কৰে। এইটোৱে হৈছে অধিকাংশ মানুহৰ অৱস্থা। আনহাতে যদি সি নিজতকৈ নিম্ন পৰ্যায়ৰ লোকৰ প্ৰতি দৃষ্টিপাত কৰে, তেন্তে নিশ্চয় তেওঁৰ ওচৰত এইটো স্পষ্ট হৈ পৰিব যে, আল্লাহে তাক যি নিয়ামত প্ৰদান কৰিছে সেইটো বহুতৰে নাই। ফলত সি আল্লাহৰ চুকৰিয়া আদায় কৰিব আৰু বিনীত হ'ব, আৰু কল্যাণৰ কামত মনোযোগ দিব।
শ্ৰেণীবিন্যাসসমূহ
অধিক
- হাদীছ: পাঁচ ওৱাক্ত চালাত, এটা জুমু‘আৰ পৰা আনটো জুমু‘আ তথা এটা ৰামাজানৰ পৰা আনটো ৰামাজান, এইবোৰ হৈছে সেইবোৰ গুনাহৰ কাফফাৰা যিবোৰ ইয়াৰ মধ্যৱৰ্তী সময়ত হৈ থাকে, যদিহে কবীৰা গুনাহৰ পৰা বিৰত থকা হয়।
- হাদীছ: হালাল স্পষ্ট আৰু হাৰামো স্পষ্ট, আৰু এই দুটাৰ মাজত আছে কিছুমান সন্দেহজনক বিষয়- যিবোৰ বহুতেই নাজানে। যি ব্যক্তিয়ে সেই সন্দেহজনক বিষয়সমূহৰ পৰা আঁতৰি থাকিব, সি তাৰ দ্বীন আৰু মর্যাদা ৰক্ষা কৰিব পাৰিব। আৰু যিয়ে সেই সন্দেহযুক্ত বিষয়সমূহত লিপ্ত হ’ব, সি হাৰামত লিপ্ত হ’ব।
- হাদীছ: নিশ্চয় কিছুমান লোকে আল্লাহৰ সম্পদ অন্যায়ভাৱে ব্যয় কৰে। এতেকে সিহঁতৰ বাবে কিয়ামতৰ দিনা আছে জাহান্নামৰ জুই।
- হাদীছ: তোমালোকে মৃত লোকসকলক গালি নাপাৰিবা; কাৰণ সিহঁতে নিজৰ কৰ্মফলৰ ওচৰত উপনীত হৈছে।
- হাদীছ: কোনো মুছলিমৰ বাবেই বৈধ নহয় তাৰ ভাইৰ লগত তিনি দিনতকৈ অধিক সময় কথা-বতৰা বন্ধ ৰখা, অৰ্থাৎ যেতিয়া সিহঁতে পৰস্পৰে সাক্ষাৎ কৰে, তেতিয়া এজনে ইফালে মুখ ঘূৰাই লয় আৰু আনজনে সিফালে মুখ ঘূৰাই লয়। সিহঁত দুজনৰ মাজত উত্তম হৈছে সেই ব্যক্তি, যিয়ে প্রথমে ছালাম কৰিব।
- হাদীছ: আত্মীয়তাৰ বন্ধন বিচ্ছিন্নকাৰী জান্নাতত প্ৰৱেশ কৰিব নোৱাৰিব।
- হাদীছ: আল্লাহৰ ওচৰত আটাইতকৈ ঘৃণনীয় ব্যক্তি হৈছে সেইজন, যিজন কলহপ্ৰিয়।