Hadiis: Ad ɭsraεl koambã, yaa nabiyaam-rãmb n rag n yaa b taoor rãmba, nabiyaam sã n halk fãa, nabiyaam n ledsd-a, la ad nabiyaam ka be mam poorẽ ye, la ad lεdsdb n na n zĩnd mam poorẽ, b na n wʋsgame

عَنْ أَبِي حَازِمٍ قَالَ: قَاعَدْتُ أَبَا هُرَيْرَةَ رضي الله عنه خَمْسَ سِنِينَ، فَسَمِعْتُهُ يُحَدِّثُ عَنِ النَّبِيِّ صَلَّى اللهُ عَلَيْهِ وَسَلَّمَ، قَالَ:
«كَانَتْ بَنُو إِسْرَائِيلَ تَسُوسُهُمُ الأَنْبِيَاءُ، كُلَّمَا هَلَكَ نَبِيٌّ خَلَفَهُ نَبِيٌّ، وَإِنَّهُ لاَ نَبِيَّ بَعْدِي، وَسَيَكُونُ خُلَفَاءُ فَيَكْثُرُونَ» قَالُوا: فَمَا تَأْمُرُنَا؟ قَالَ: «فُوا بِبَيْعَةِ الأَوَّلِ فَالأَوَّلِ، أَعْطُوهُمْ حَقَّهُمْ، فَإِنَّ اللَّهَ سَائِلُهُمْ عَمَّا اسْتَرْعَاهُمْ».
[صحيح] - [متفق عليه] - [صحيح البخاري: 3455]

Yii a Abɩɩ Haazɩm nengẽ a yeelame: mam zĩnda ne a Abʋʋ Hʋrayrat (Wẽnd yard be a yĩnga) yʋʋm a nu, la mam wʋm-a lame t'a yẽsd sẽn yi Nabiyaamã nengẽ (Wẽnd pʋʋsg la A tɩlgr be a yĩnga), t'a yeelame:
«Ad ɭsraεl koambã, yaa nabiyaam-rãmb n rag n yaa b taoor rãmba, nabiyaam sã n halk fãa, nabiyaam n ledsd-a, la ad nabiyaam ka be mam poorẽ ye, la ad lεdsdb n na n zĩnd mam poorẽ, b na n wʋsgame» La b yeel yã: la yaa bõe la fo sagend tõnd wakat-kãngã? La a yeel yã: «Pids-y rẽenem-rãmbã balεngo, kõ-y-b b hakε-rãmbã, tɩ ad Wẽnd na n sok-b lame bũmb ninga A sẽn gũneg ne-ba».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 3455]

bilgrã

Nabiyaamã (Wẽnd pʋʋsg la A tɩlgr be a yĩnga) kõo kibare tɩ ad ɭsraεεl koambã, yaa nabiyaam-rãmb n rag n get b taoor yelle, n yas ne b yεla, wala taoor-rãmbã la nanamsã sẽn yas ne nimbuiidã yellã, la sãang sẽn puk b pʋgẽ la Wẽnd sẽn tʋmsd nabiyaama b nengẽ t'a wa tẽeg b yellã la a yẽes bũmb ning sẽn be beenẽ la bãmb sẽn tedgã sẽn yaa bʋ-yoodã. La tɩ nabiyaam ka be mam poorẽ n na n maand wala bãmbã sẽn rag n maandã ye, la ad lεdsdb n na n zĩnd mam poorẽ, n wʋsgdẽ, tɩ tak-n-taar zĩnd ne b taab sʋka. Tɩ Ṣahaabsã (Wẽnd yard be b yĩnga) sok Wẽnd Tẽn-tʋʋma (Wẽnd pʋʋsg la A tɩlgr be a yĩnga), n yeele yaa bõe la f sagend tõndo? T'a yeele: y sã n balem naaba, naab sẽn da be loogr poorẽ, rẽnd rẽenem soaba nengẽ wã la sõma, yaa tɩlae tɩ b pids yẽ, la yiib soabã nengẽ wã, yẽ yaa zaalem, yaa haraam t'a wa tʋg n baood yel-kãngã menga, la y kõ nanamsã b hakε-rãmba, la y tũ-ba, la y tʋm ne-ba, ne wʋm la tũ, tɩ sã n ka Wẽnd kɩɩsgo, tɩ ad Wẽnd na n sok-b lame la A geel-ba b sẽn maan yãmb ne bũmb ning tɩ ka zemsã.

Sẽn be Hɑdiisã yõod-rãmbẽ

1. Yaa tɩlae ne nimbuiidã tɩ b tall nabiyaama maa taoor soaba, sẽn na yɩl n yals ne b yellã la b peeg-ba n kẽng sor sẽn yaa tɩrga.
2. Yaa tɩ nabiyaam ka be tõnd Nabiyaamã a Mʋhammad poorẽ ye (Wẽnd pʋʋsg la A tɩlgr be a yĩnga).
3. Yaa sẽn bugsd tɩ b ra wa tʋg n yi naab ning naam sẽn tablg ne sor sẽn manege.
4. Yaa tɩ ka sakd tɩ b wa balem nanams a yiibu wakat a yembr ye.
5. Wilgda naamã lɩslaambã taoorã bedrem, bala Wẽnd na n sok-b lame b bʋʋdã yelle.
6. A ɭbn Hagar yeelame: Dĩinã yell lʋɩɩsda dũni wã yell taoore, bala Nabiyaamã (Wẽnd pʋʋsg la A tɩlgr be a yĩnga) a saglame tɩ b pids naabã hakε, bala dĩinã yell zẽkr bee rẽ pʋgẽ, leb n yõkda wẽngã la fɩtnã wã n bas nebã, la a bao tɩ b pids a hakε wã yaoolgã ka lubd-a ye, la sɩd la hakɩɩka Wẽnd pʋlmame t'A na n yɩlg-a lame la a pids-a n kõ-a baa tɩ yaa yaaoolem raarã.
7. Yaa tagmas sẽn yi Nabiyaamã nengẽ (Wẽnd pʋʋsg la A tɩlgr be a yĩnga) tagmas-rãmbã pʋgẽ, sɩd la hakɩɩka taoor rãmbã sɩd wʋsgame, Wẽnd Tẽn-tʋʋmã loogr poorẽ (Wẽnd pʋʋsg la A tɩlgr be a yĩnga), la b pʋg taaba lɩslaambã zamã wã zugu, be b pʋgẽ sẽn yaa nin-sõmse, la wẽns me zĩnda b pʋgẽ.