فەرموودە: من و پێغه‌مبه‌ری (صه‌لات و سه‌لامێن خودێ ل سه‌ر بن) پێكڤه‌ د ئامانه‌كێ ئاڤێدا سه‌رێ خۆ دشویشت، د ده‌مه‌كیدا ئه‌م هه‌ردوو ب‌ جه‌نابه‌ت بووین، و وی فه‌رمان ل من دكر ئه‌ز جلكه‌كی ل ناڤته‌نگا خۆ گرێده‌م، پاشی قه‌ستا من دكر، د ده‌مه‌كیدا ئه‌ز د زڤڕۆكا هه‌یڤانه‌دا بووم

عَنْ عَائِشَةَ أُمِّ المُؤمنينَ رضي الله عنها قَالَتْ:
كُنْتُ أَغْتَسِلُ أَنَا وَالنَّبِيُّ صَلَّى اللهُ عَلَيْهِ وَسَلَّمَ مِنْ إِنَاءٍ وَاحِدٍ كِلاَنَا جُنُبٌ، وَكَانَ يَأْمُرُنِي، فَأَتَّزِرُ، فَيُبَاشِرُنِي وَأَنَا حَائِضٌ، وَكَانَ يُخْرِجُ رَأْسَهُ إِلَيَّ وَهُوَ مُعْتَكِفٌ فَأَغْسِلُهُ وَأَنَا حَائِضٌ.
[صحيح] - [متفق عليه] - [صحيح البخاري: 299]

عائیشا‌یا دایكا باوه‌رداران (خودێ ژێ ڕازی بیت) دبێژیت:
من و پێغه‌مبه‌ری (صه‌لات و سه‌لامێن خودێ ل سه‌ر بن) پێكڤه‌ د ئامانه‌كێ ئاڤێدا سه‌رێ خۆ دشویشت، د ده‌مه‌كیدا ئه‌م هه‌ردوو ب‌ جه‌نابه‌ت بووین، و وی فه‌رمان ل من دكر ئه‌ز جلكه‌كی ل ناڤته‌نگا خۆ گرێده‌م، پاشی قه‌ستا من دكر، د ده‌مه‌كیدا ئه‌ز د زڤڕۆكا هه‌یڤانه‌دا بووم، و وی سه‌رێ خۆ دئینا ده‌رێ بۆ ده‌ڤ من، د ده‌مه‌كیدا ئه‌و د ئیعتیكافێدا بوو و من سه‌رێ وی دشویشت و ئه‌ز د زڤڕۆكا هه‌یڤانەدا‌ بووم.
[صحيح] - [متفق عليه] - [صحيح البخاري - 299]

شیکردنەوە

عائیشایا دایكا باوه‌رداران (خودێ ژێ ڕازی بیت) به‌حسێ هنده‌ك ڕه‌وشێن تایبه‌ت یێن د ناڤبه‌را وێ و پێغه‌مبه‌ریدا (صه‌لات و سه‌لامێن خودێ ل سه‌ر بن) دكه‌ت، ژ وان ژی: وێ و پێغه‌مبه‌ری (صه‌لات و سه‌لامێن خودێ ل سه‌ر بن) پێكڤه د ئامانه‌كێ ئاڤێدا سه‌رێ خۆ ژ به‌ر جه‌نابه‌تێ دشویشت، ڤێجا هه‌ردووكان ژ وی ئامانی ئاڤ ڕادكر. و ده‌مێ پێغه‌مبه‌ری (صه‌لات و سه‌لامێن خودێ ل سه‌ر بن) ڤیابا نێزیكی وێ ببیت و ئه‌و د زڤڕۆكا هه‌یڤانه‌دابا؛ فه‌رمان ل وێ دكر كو ناڤته‌نگا خۆ د ناڤبه‌را ناڤك و چۆكاندا ب نخێڤیت و ڤه‌شێریت، پاشی سه‌ره‌ده‌ری د گه‌ل دكر و نێزیكی وێ دبوو، ب تنێ جووتبوون نه‌بیت. هه‌روه‌سا پێغه‌مبه‌ری (صه‌لات و سه‌لامێن خودێ ل سه‌ر بن) د مزگه‌فتێڤه‌ ئیعتیكاف دكر، ڤێجا سه‌رێ خۆ دئینا ژ ده‌رڤه‌ی مزگه‌فتێ دا كو عائیشا سه‌رێ وی بشۆت، د ده‌مه‌كیدا ئه‌و د مالا خۆڤه‌ بوو و یا د زڤڕۆكا هه‌یڤانه‌دا بوو.

لە سوودەکانی فەرموودەکە

1. دروستییا خۆشویشتنا ژن و مێران پێكڤه‌ ژ ئێك ئامانێ ئاڤێ.
2. دروستییا سه‌ره‌ده‌ریكرن و نێزیكبوونێ د گه‌ل وێ ژنا د زڤڕۆكا هه‌یڤانه‌دا، ب تنێ جووتبوون نه‌بیت، و كو هه‌می له‌شێ وێ یێ پاقژه‌.
3. سوننه‌تبوونا لبه‌ركرنا جلكه‌كی ل ناڤته‌نگێ د وه‌ختێ نێزیكبوونا زه‌لامیدا.
4. ئه‌نجامدان و گرتنه‌به‌را وان ئه‌گه‌رێن ڕێگرییێ ژ كه‌فتنا د ناڤ حه‌رامكریاندا دكه‌ن.
5. ڕێگریكرن ل مانه‌ڤه‌یا وێ ژنا د زڤڕۆكا هه‌یڤانه‌دا د ناڤ مزگه‌فتێڤه‌.
6. دروستییا ده‌ستکرن و سه‌ره‌ده‌رییا وێ، ب تشتێن ته‌ڕ یان یێن هشك، و ژ وان ژی شویشتنا پرچێ و شه‌كرنا وێ.
7. ڕه‌وشتێ جوانێ پێغه‌مبه‌ری (صه‌لات و سه‌لامێن خودێ ل سه‌ر بن) د گه‌ل خێزانا وی.