Hadiis: Kõbg a yiib sẽn yi Bugum koambẽ wã, mam ka yã b buud lae, yaa nebã b tara sãbse, tɩ yaa wala yʋgmã zʋya tɩ b pãbd nebã ne-ba, la pagba sẽn yeelge n yaool n yaa bεεla, n toeemd rao yam, n kẽnd n kɩlledẽ

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«صِنْفَانِ مِنْ أَهْلِ النَّارِ لَمْ أَرَهُمَا، قَوْمٌ مَعَهُمْ سِيَاطٌ كَأَذْنَابِ الْبَقَرِ يَضْرِبُونَ بِهَا النَّاسَ، وَنِسَاءٌ كَاسِيَاتٌ عَارِيَاتٌ مُمِيلَاتٌ مَائِلَاتٌ، رُؤُوسُهُنَّ كَأَسْنِمَةِ الْبُخْتِ الْمَائِلَةِ، لَا يَدْخُلْنَ الْجَنَّةَ، وَلَا يَجِدْنَ رِيحَهَا، وَإِنَّ رِيحَهَا لَيُوجَدُ مِنْ مَسِيرَةِ كَذَا وَكَذَا».
[صحيح] - [رواه مسلم] - [صحيح مسلم: 2128]

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) a yeelɑme: tɩ Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) ɑ yeelame:
«Kõbg a yiib sẽn yi Bugum koambẽ wã, mam ka yã b buud lae, yaa nebã b tara sãbse, tɩ yaa wala yʋgmã zʋya tɩ b pãbd nebã ne-ba, la pagba sẽn yeelge n yaool n yaa bεεla, n toeemd rao yam, n kẽnd n kɩlledẽ, b zutã yaa wala yʋgma zẽg sẽn kɩlle, b ka na n kẽ arzãnã, b ka na n wʋm a yũugã, la arzãn yũuga bee fo sẽn na n kẽn woto la woto zĩigẽ».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2128]

bilgrã

Nɑbiyɑɑã (Wẽnd pʋʋsg la A tɩlgr be a yĩnga) bugsdame n yit kõbg a yiib sẽn be nebẽ wã, sẽn yaa Bugum koamba, Nabiyaam ka yã-b ye, b ka zĩnd Nabiyaamã wakatẽ wã ye, b na n wa zĩnda Nabiyaam loogr poorẽ:
Rẽenem kõbga: yaa neb sẽn tar sãbse, tɩ yaa wala yʋgmã zʋya, n yaa wogdo, n tar-b n pãbd nebã, bãmb me la polɩs-rãmbã la na-wẽgdbã sõngdba, neb nins sẽn pãbd nebã tɩ ka tũ ne hakε wã.
La kõbg a yiib soabã: yaa pagb sẽn lak yãn-zoεεg la yõk-m-meng fut n bas b mense, Wẽnd sẽn naan pagbã yalε ning zugã basbo.
La Nabiyaamã sɩf-b lame n yeele: tɩ yaa pagb sẽn yeelg hakɩɩk pʋgẽ, la maana pʋgẽ, b yaa bεεla, bala b yeelgda fut sẽn yaa faase, n vẽnegd b yĩn-gõngã, b luta b yĩnsã sãnda la b lakd sãnda n basdẽ; tɩ yaa neeremã la b na n vẽneg n wilg nebã, b yaa sẽn kɩlled raop sũy n tʋgd b nensẽ, b yeelgdame n kẽnd n pugdẽ b kẽnẽ wã, n kɩlled b bãgdã, la b leb n yɩt sabab tɩ b taabã kɩlledẽ, la b kedgdẽ, leb n bee b sɩf-rãmbã pʋgẽ, tɩ b zutã yaa wala yʋgmã zẽg sẽn kɩlle, bala b waoogd b zutã n wukd-ba ne bãmb sẽn vind-b ne pεεla la sẽn wõnd woto, La a sẽn wõnes-b ne yʋgmã wã zẽgã yaa b zoobdã sẽn zẽkã la b nus-yẽesã b zutã yĩngã, la b lagem-a ne yεl nins sẽn naag zoobdã halɩ t'a wa tʋg n kɩlle, n be zugã kɩrengã wala yʋgemd zẽgr sẽn kɩll to-to ningã. Rẽnd pagb nins sɩf-kãensã sẽn be b nengẽ wã, yaa bãmb la pʋleng wẽng-kãngã sẽn yaa kεgengã sẽn be ne wã, b ka na n kẽ arzãna, b ka na n wʋm a yũugu, b ka na n pʋs n pẽneg a yũugã ye, la arzãnã yũug beeme tɩ b wʋmd a yũugã zĩig sẽn zãre.