Hədis: Peyğəmbərin (Allahın salavatı və salamı onun üzərinə olsun) bəzi döyüşlərində bir qadın öldürülmüş halda tapıldı. Allah Rəsulu (Allahın salavatı və salamı onun üzərinə olsun) qadınların və uşaqların öldürülməsini pislədi

عَنْ عَبْدِ اللَّهِ بنِ عُمَرَ رَضِيَ اللَّهُ عَنْهُما:
أَنَّ امْرَأَةً وُجِدَتْ فِي بَعْضِ مَغَازِي النَّبِيِّ صَلَّى اللهُ عَلَيْهِ وَسَلَّمَ مَقْتُولَةً، فَأَنْكَرَ رَسُولُ اللَّهِ صَلَّى اللهُ عَلَيْهِ وَسَلَّمَ قَتْلَ النِّسَاءِ وَالصِّبْيَانِ.
[صحيح] - [متفق عليه] - [صحيح البخاري: 3014]

Abdullah bin Ömərdən (Allah ondan və atasından razı olsun) rəvayət edilir ki:
Peyğəmbərin (Allahın salavatı və salamı onun üzərinə olsun) bəzi döyüşlərində bir qadın öldürülmüş halda tapıldı. Allah Rəsulu (Allahın salavatı və salamı onun üzərinə olsun) qadınların və uşaqların öldürülməsini pislədi.
[Səhih] - [Müttəfəqun aleyhi(əl-Buxari və Musliminsəhih gördüyü hədislər)] - [Sahihul-Buxari - 3014]

Şərh (izah)

Peyğəmbər -sallallahu aleyhi və səlləm- döyüşlərin birində bir qadının öldürüldüyünü gördü və qadınların və həddi-buluğ (mükəlləfiyyət) yaşına çatmamış uşaqların öldürülməsini qadağan etdi.

Hədisin faydalarından

1. Döyüşməyən qadınlar, kiçik yaşlı uşaqlar və onların hökmündə olan aciz yaşlılar və rahiblər müsəlmanların əleyhinə döyüşə yardımçı və fikir dəstəkçiləri olmadıqları müddətcə onlarla döyüşülmür, əks halda isə onlar da öldürülür.
2. Qadın və uşaqların öldürülməsinin qadağan edilməsi; Çünki bu kəslər müsəlmanlarla döyüşmürlər və Uca Allahın yolunda edilən cihadda məqsəd, ancaq haqq dəvəti bütün insanlara çatsın deyə döyüşçülərin (haqqa qarşı döyüşənlərin) gücünü qırmaqdır.
3. Peyğəmbərin (Allahın salavatı və salamı onun üzərinə olsun) hətta döyüşlərdə və hərbi yürüşlərdə olan rəhməti.