ഹദീസ്: നബി -ﷺ- യുടെ യുദ്ധങ്ങളിലൊന്നിൽ ഒരു സ്ത്രീയെ വധിക്കപ്പെട്ട നിലയിൽ കണ്ടെത്തുകയുണ്ടായി. അപ്പോൾ നബി -ﷺ- സ്ത്രീകളെയും കുട്ടികളെയും വധിക്കുന്നത് വിലക്കുകയുണ്ടായി
عَنْ عَبْدِ اللَّهِ بنِ عُمَرَ رَضِيَ اللَّهُ عَنْهُما:
أَنَّ امْرَأَةً وُجِدَتْ فِي بَعْضِ مَغَازِي النَّبِيِّ صَلَّى اللهُ عَلَيْهِ وَسَلَّمَ مَقْتُولَةً، فَأَنْكَرَ رَسُولُ اللَّهِ صَلَّى اللهُ عَلَيْهِ وَسَلَّمَ قَتْلَ النِّسَاءِ وَالصِّبْيَانِ.
[صحيح] - [متفق عليه] - [صحيح البخاري: 3014]
المزيــد ...
അബ്ദുല്ലാഹി ബ്‌നു ഉമർ -رَضِيَ اللَّهُ عَنْهُمَا- നിവേദനം:
നബി -ﷺ- യുടെ യുദ്ധങ്ങളിലൊന്നിൽ ഒരു സ്ത്രീയെ വധിക്കപ്പെട്ട നിലയിൽ കണ്ടെത്തുകയുണ്ടായി. അപ്പോൾ നബി -ﷺ- സ്ത്രീകളെയും കുട്ടികളെയും വധിക്കുന്നത് വിലക്കുകയുണ്ടായി.
[സ്വഹീഹ്] - [ബുഖാരിയും മുസ്ലിമും ഉദ്ധരിച്ചത്] - [صحيح البخاري - 3014]
നബി -ﷺ- യുടെ കാലഘട്ടത്തിൽ നടന്ന യുദ്ധങ്ങളിലൊന്നിൽ ഒരു സ്ത്രീയെ വധിക്കപ്പെട്ട നിലയിൽ കണ്ടെത്തുകയുണ്ടായി. അപ്പോൾ നബി -ﷺ- സ്ത്രീകളെയും പ്രായപൂർത്തി എത്തിയിട്ടില്ലാത്ത കുട്ടികളെയും വധിക്കുന്നത് വിലക്കുകയുണ്ടായി.
ഹദീഥിൻ്റെ പാഠങ്ങളിൽ നിന്ന്
- യുദ്ധത്തിൽ പങ്കെടുക്കാത്ത സ്ത്രീകളെയും കുട്ടികളെയും, അവരുടെ അതേ സ്ഥിതിയിലുള്ള പടുവൃദ്ധരെയും (മഠങ്ങളിലും മറ്റും കഴിഞ്ഞുകൂടുന്ന) സന്യാസികളെയും യുദ്ധങ്ങളിൽ വധിക്കാൻ പാടില്ല. എന്നാൽ അവർ യുദ്ധതന്ത്രം നൽകുന്നവരോ മുസ്‌ലിംകൾക്കെതിരെയുള്ള യുദ്ധത്തിൽ സഹായമേകുന്നവരോ ആണെങ്കിൽ അവരെ വധിക്കാവുന്നതാണ്.
- സ്ത്രീകളെയും കുട്ടികളെയും യുദ്ധത്തിൽ വധിക്കുന്നത് വിലക്കപ്പെട്ടിരിക്കുന്നു. കാരണം അവർ യുദ്ധത്തിൽ പങ്കെടുക്കുന്നവരല്ല. അല്ലാഹുവിൻ്റെ മാർഗത്തിലുള്ള യുദ്ധത്തിൻ്റെയും ജിഹാദിൻ്റെയും ലക്ഷ്യം ഇസ്‌ലാമിനെതിരെ യുദ്ധം ചെയ്യുന്നവരുടെ ശക്തി തകർക്കുക എന്നതും, അതിലൂടെ എല്ലാവർക്കും ഇസ്‌ലാമാകുന്ന സത്യമതത്തിൻ്റെ സന്ദേശം എത്തിക്കാൻ സാധിക്കുക എന്നതുമാണ്.
- യുദ്ധങ്ങളിലും പോരാട്ടങ്ങളിലും വരെ നബി -ﷺ- കാത്തുസൂക്ഷിക്കാറുണ്ടായിരുന്ന കാരുണ്യത്തിൻ്റെ മാർഗം.
വിഭാഗങ്ങൾ
കൂടുതൽ
- ഹദീസ്: അല്ലാഹുവിന്റെ വചനം ഉന്നതമാക്കുന്നതിന് വേണ്ടി യുദ്ധം ചെയ്തവനാരോ അവൻ അല്ലാഹുവിന്റെ മാർഗത്തിലാകുന്നു.
- ഹദീസ്: അല്ലാഹു ആദ്യകാലക്കാരെയും അവസാനകാലക്കാരെയും ഒരുമിച്ചുകൂട്ടിയാൽ ഓരോ വഞ്ചകനും വേണ്ടി ഓരോ പതാക ഉയർത്തപ്പെടുന്നതാണ്. എന്നിട്ട് ഇങ്ങനെ പറയപ്പെടും: ഇന്നയാളുടെ മകൻ ഇന്നയാളുടെ വഞ്ചനയാകുന്നു ഇത്.
- ഹദീസ്: ഓ ജനങ്ങളേ, നിങ്ങൾ ശത്രുവിനെ കണ്ടുമുട്ടാൻ ആഗ്രഹിക്കരുത്. നിങ്ങൾ അല്ലാഹുവിനോട് സൗഖ്യം ചോദിക്കുക.
- ഹദീസ്: ഞങ്ങൾ നബി(സ)യോടൊപ്പം ഏഴ് യുദ്ധങ്ങളിൽ പങ്കെടുത്തു, ഞങ്ങൾ വെട്ടുകിളിയെ ഭക്ഷിക്കാറുണ്ടായിരുന്നു