فەرموودە: هەرکەسانێک لە دانیشتنێکدا دابنیشن ولەو شوێنەدا یادی خودا نەکەن، ئەوا وەکو ئەوە وایە لەسەر سفرەی لاکی گوێدرێژێکی تۆپیو هەستا بن، ولە ڕۆژی قیامەتدا پەشیمانی وحەسرەت بۆ ئەوانە

عن أبي هريرة رضي الله عنه قال: قال رسول الله صلى الله عليه وسلم : «ما من قوم يقومون من مجلس لا يذكرون الله تعالى فيه، إلا قاموا عن مثل جيفة حمار، وكان لهم حسرة».
[صحيح] - [رواه أبو داود]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- کە پێغەمبەری خودا -صلى الله علیه وسلم- دەفەرموێت: «هەرکەسانێک لە دانیشتنێکدا دابنیشن ولەو شوێنەدا یادی خودا نەکەن، ئەوا وەکو ئەوە وایە لەسەر سفرەی لاکی گوێدرێژێکی تۆپیو هەستا بن، ولە ڕۆژی قیامەتدا پەشیمانی وحەسرەت بۆ ئەوانە».
[صەحیحە] - [ئیبنوداود گێڕاویەتیەوە]

شیکردنەوە

واتای فەرموودەکە: ئەگەر کەسانێک دانیشتن لە دانیشتنێک ویادی خوای گەورە نەکەن لەو شوێنە؛ ئەوا وەکو ئەوەیە لە سەر سفرەی لاکی تۆپیوی گوێدرێژێک دانیشتبن، وئەمەش ئەوپەڕی بۆگەنی وپیسیە، وئەوەی لەو دانیشتنە هەڵدەستێت بە بێ یادی خوای گەورە وەکو ئەو کەسە وایە کە لەسەر سفرەی ئەم لاکە تۆپیوە هەستابێت، وئەمەش نمونە هێنانەوەیەکە بۆ کەمتەرخەمی کردن لە یادی خوای گەورە، بۆیە ئەم کەسانە زۆر پەشیمان دەبنەوە لەسەر بە فیڕۆدانی کاتەکانیان لە سەر شتێک کە سوودی نەبوو بۆیان. بۆیە پێویستە مسوڵمانان: سووربن لەسەر ئەوەی کە دانیشتنەکانیان هەمووی پەرستن ویادی خوای گەورەی تێدا بێت ودانیشیتنەکانیان بە دوور بگرن لە ڕابواردن وشتی پوچ وبێ سوود؛ هەروەکو چۆن خۆیان بە دوور دەگرن لە شتی بۆگەن وپیس، مرۆڤ بەرپرسیارە بەرامبەر کاتەکانی، وپرسیاری لێدەکرێت سەبارەتی، ئەگەر بە خێر وچاکەوە بە سەری بردبێت ئەوا خێری بۆ هەیە، وئەگەر بە شەڕ وخراپە بەسەری بردبێت ئەوا شەڕی بۆ هەیە.