हदीस: जसले कुनै यस्तो सभाबाट निस्किन्छ जसमा अल्लाहको जिक्र गरेको छैन भने तिनीहरू त्यो सभाबाट मरेको गधाको लाशजस्तो निस्किन्छन् र यो उनीहरूका लागि पछुतोको कारण बन्छ।

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«مَا مِنْ قَوْمٍ يَقُومُونَ مِنْ مَجْلِسٍ لَا يَذْكُرُونَ اللَّهَ فِيهِ إِلَّا قَامُوا عَنْ مِثْلِ جِيفَةِ حِمَارٍ، وَكَانَ لَهُمْ حَسْرَةً».
[صحيح] - [رواه أبو داود] - [سنن أبي داود: 4855]

अबू-हुरैरह (रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ:
"जसले कुनै यस्तो सभाबाट निस्किन्छ जसमा अल्लाहको जिक्र गरेको छैन भने तिनीहरू त्यो सभाबाट मरेको गधाको लाशजस्तो निस्किन्छन् र यो उनीहरूका लागि पछुतोको कारण बन्छ।"
[सही] - [अबू दाऊदले वर्णन गरेका छन्] - [सुनन अबी दाउद - 4855]

व्याख्या

नबी (सल्लल्लाहु अलैहि वसल्लम) ले भन्नुभयो, जब केही मानिसहरू कुनै ठाउँमा बस्छन् र अल्लाहको नाम नलिई उभिन्छन्, तिनीहरू मरेको, फोहोर र गन्हाउने गधाको वरिपरि भेला भएकाहरू जस्तै उभिन्छन्। कारण के हो भने तिनीहरू कुरामा मग्न भए र अल्लाहको सम्झनालाई बेवास्ता गरे। यस्तो जमघट न्यायको दिनमा तिनीहरूको लागि पछुतो र क्षतिको स्रोत साबित हुनेछ।

हदीसका केही फाइदाहरू

1. अल्लाहको सम्झनाबाट गाफिल रहनको सम्बन्धमा दिइएको चेतावनी केवल सभाहरूमा सीमित छैन, तर यो अन्य अवस्थामा पनि लागू हुन्छ। इमाम नववीले भने: जो कोही कुनै ठाउँमा बसेको छ, उसले अल्लाहलाई सम्झनु अघि त्यो स्थान छोड्नु अप्रिय मानिन्छ।
2. न्यायको दिनमा पश्चाताप या त अल्लाहको उपासनामा समय प्रयोग नगरेकोमा इनाम र प्रतिफलबाट वञ्चित भएको कारणले हुनेछ वा अल्लाहको अवज्ञामा समय बिताएकोमा हुने पाप र सजायको कारणले हुनेछ।
3. यदि यो चेतावनी वैध गतिविधिहरूमा व्यस्त भएर अल्लाहको सम्झनालाई बेवास्ता गरेकोले हो भने, ती निषेधित जमघटहरूको बारेमा के हुन्छ जहाँ गिबत, अर्काको बुराइ आदि हुन्छन्?