हदीस: र रसूल (सल्लल्लाहु अलैहि वसल्लम) जस्तै वोजू गरेर देखाए
عَنْ يحيى بنِ عُمَارةَ المَازِنِيِّ قَالَ:
شَهِدْتُ عَمْرَو بْنَ أَبِي حَسَنٍ سَأَلَ عَبْدَ اللَّهِ بْنَ زَيْدٍ، عَنْ وُضُوءِ النَّبِيِّ صَلَّى اللهُ عَلَيْهِ وَسَلَّمَ فَدَعَا بِتَوْرٍ مِنْ مَاءٍ، فَتَوَضَّأَ لَهُمْ وُضُوءَ النَّبِيِّ صَلَّى اللهُ عَلَيْهِ وَسَلَّمَ، فَأَكْفَأَ عَلَى يَدِهِ مِنَ التَّوْرِ، فَغَسَلَ يَدَيْهِ ثَلاَثًا، ثُمَّ أَدْخَلَ يَدَهُ فِي التَّوْرِ، فَمَضْمَضَ وَاسْتَنْشَقَ وَاسْتَنْثَرَ، ثَلاَثَ غَرَفَاتٍ، ثُمَّ أَدْخَلَ يَدَهُ فَغَسَلَ وَجْهَهُ ثَلاَثًا، ثُمَّ غَسَلَ يَدَيْهِ مَرَّتَيْنِ إِلَى المِرْفَقَيْنِ، ثُمَّ أَدْخَلَ يَدَهُ فَمَسَحَ رَأْسَهُ، فَأَقْبَلَ بِهِمَا وَأَدْبَرَ مَرَّةً وَاحِدَةً، ثُمَّ غَسَلَ رِجْلَيْهِ إِلَى الكَعْبَيْنِ.
[صحيح] - [متفق عليه]
المزيــد ...
याह्या बिन उमारा अल-माजिनी ले वर्णन गरेका छन् :
मैले अम्र बिन अबू हसनले अब्दुल्लाह बिन जैद (रजियल्लाहु अन्हु) लाई नबीको वोजूको बारेमा सोधिरहेको देखें । त्यसैले उनले पानीको एउटा भाँडो ल्याउन आदेश दिए र रसूल (सल्लल्लाहु अलैहि वसल्लम) जस्तै वोजू गरेर देखाए । उनले आफ्नो दुवै हातमा भाँडोको पानी खन्याए र तीन पटक हात धोए । त्यसपछि उनले भाँडोमा आफ्नो हात हाले र पानी लिएर तीन पटक मुख कुल्ला गरे, नाकमा पानी हाले र नाक सफा गरे । त्यसपछि उनले भाँडोमा आफ्नो हात हाले र पानी लिएर तीन पटक अनुहार धोए । त्यसपछि उनले भाँडोमा हात हालेर पानी लिएर दुई पटक कुहिनो समेत दुवै हात धोए । त्यसपछि उनले भाँडोमा हात हालेर पानी लिएर आफ्नो टाउकोलाई एक पटक मसह गरे (घसे) । टाउको मसह गर्दा पहिले दुवै हात अगाडिबाट पछाडि लगे र त्यसपछि पछाडिबाट अगाडि ल्याए । त्यसपछि उनले आफ्नो दुवै खुट्टा गोलीगाँठो सहित धोए ।
सही - बुखारीले वर्णन गरेका छन्
अब्दुल्लाह बिन जैद (रजियल्लाहु अन्हु) ले नबी (सल्लल्लाहु अलैहि वसल्लम) को वोजू गर्ने तरिका व्यावहारिक रूपमा प्रस्तुत गरे । त्यसैले उनले पानीको एउटा सानो भाँडो ल्याउन भने । उनले पहिले आफ्नो दुवै हत्केला धोएर सुरु गरे । त्यसपछि उनले भाँडो झुकाएर पानी खन्याए र भाँडो बाहिर दुवै हात तीन पटक हात धोए । त्यसपछि उनले भाँडोमा आफ्नो हात हाले र तीन पटक पानी लिएर मुख कुल्ला गरे र नाकमा पानी तानेर राम्रोसँग सफा गरे । त्यसपछि उनले भाँडोबाट पानी लिएर आफ्नो अनुहार तीन पटक धोए । त्यसपछि उनले भाँडोबाट पानी लिएर दुवै हात कुहिनो समेत दुई पटक धोए । त्यसपछि उनले आफ्नो दुवै हात पानीमा भिजाए अनि दुवै हातले आफ्नो टाउको मसह गरे । टाउको मसह गर्दा पहिले आफ्नो निधारबाट शुरू गरे र टाउकोको पछाडि गर्धनको माथिल्लो भागसम्म लगे र त्यसपछि पछाडिबाट घस्दै सुरु गरेको ठाउँसम्म ल्याए । त्यसपछि उनले आफ्नो दुवै खुट्टा गोलीगाँठो सहित धोए ।
हदीसका केही फाइदाहरू
- ज्ञानलाई बुझ्ने र सुदृढ गर्ने सबैभन्दा उत्कृष्ट माध्यम शिक्षकको व्यवहार हो र यसमा व्यवहारिक रुपमा गरेर सिकाउने कुरा समावेश छ ।
- वोजू गर्दा कुनै भागलाई तीन पटक र अन्यलाई दुई पटक धुनु जायज हो र एक पटक धुनु अनिवार्य हो ।
- यो हदीसमा उल्लेखित तरिका अनुसार क्रमशः एकपछि अर्को अङ्गलाई धुनु अनिवार्य हो ।
- अनुहारको सीमा : लम्बाइमा निधारमा कपालको रेखादेखि दाह्री र चिउँडोसम्म र चौडाइमा एक कानदेखि अर्को कानसम्म हो ।