ሓዲሥ: ተራጋሚዎች የትንሳኤ ቀን መስካሪዎችም ሆነ አማላጅ አይሆኑም።
عَنْ أَبِي الدَّرْدَاءِ رضي الله عنه: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«إِنَّ اللَّعَّانِينَ لَا يَكُونُونَ شُهَدَاءَ وَلَا شُفَعَاءَ يَوْمَ الْقِيَامَةِ».
[صحيح] - [رواه مسلم] - [صحيح مسلم: 2598]
المزيــد ...
ከአቡ ደርዳእ - አላህ መልካም ሥራቸውን ይውደድላቸውና - እንደተላለፈው እንዲህ ብለዋል: «የአላህ መልክተኛ (የአላህ ሶላትና ሰላም በእርሳቸው ላይ ይስፈንና) እንዲህ ሲሉ ሰምቻቸዋለሁ:
"ተራጋሚዎች የትንሳኤ ቀን መስካሪዎችም ሆነ አማላጅ አይሆኑም።"
[ሶሒሕ ነው።] - [ሙስሊም ዘግበውታል።] - [ሶሒሕ ሙስሊም - 2598]
ነቢዩ (የአላህ ሰላትና ሰላም በእርሳቸው ላይ ይስፈን) አላግባብ እርግማን የሚያበዛ ሰው ለሁለት ቅጣቶች እንደሚዳረግ ተናገሩ: የመጀመሪያው: የትንሳኤ ቀን መልክተኞች ለህዝቦቻቸው ተልእኳቸውን እንዳደረሱ ከሚመሰክሩ ምስክሮች አይሆኑም፤ አመፀኛ ስለሆነም በዱንያም ምስክርነቱ ተቀባይነት አይኖረውም፤ ሰማዕትነትንም እርሱም በአላህ መንገድ መገደል ስለሆነ አይገጠምም። ሁለተኛው: አማኞች የትንሳኤ ቀን እሳት መግባት ግድ የሆነባቸውን ወንድሞቻቸውን በሚያማልዱበት ጊዜ እነርሱ ግን አያማልዱም።
ከሐዲሱ የምንጠቀማቸው ቁምነገሮች
- መራገም ክልክል መሆኑንና ማብዛቱ ደግሞ ከትላልቅ ወንጀሎች የሚመደብ መሆኑን እንረዳለን።
- ሐዲሡ ውስጥ የተጠቀሰው ቅጣት ለአንዴና ለመሳሰሉት ለተራገመ ሳይሆን እርግማን ለሚያበዛ ሰው ነው። በተጨማሪም የተፈቀደውን እርግማን የተራገመም ቅጣቱ አይመለከተውም። ይህም የተወገዘ ማንነት የተላበሱ ሰዎችን በጥቅል ማንነታቸው ግለሰብን ሳይነጥሉ መራገም በሸሪዓ የተፈቀደ ነው። "የአላህ እርግማን በአይሁድና በክርስቲያኖችን ላይ ይሁን" ፤ "በበዳዮች የአላህ እርግማን ይስፈን።" ፤ "ሰዓሊዎችን አላህ ይርገማቸው።" ፤ "የሉጥ ህዝቦችን ስራ የሰራ ሰው አላህ ይርገመው።" ፤ "ከአላህ ውጪ ላለ አካል ያረደ ሰው የአላህ እርግማን ይውረድበት።" ፤ "ወንድ ሆነው ከሴት ጋር የሚመሳሰሉ ሴት ሆነው ደግሞ ከወንድ ጋር የሚመሳሰሉ ሰዎችን አላህ ይርገማቸው።" ማለትህና የመሳሰሉትን በሸሪዓ መረገማቸው የተጠቀሱ አካላቶችን መራገም ይቻላል።
- የትንሳኤ ቀን አማኞች እንደሚያማልዱ መጠቀሱን እንረዳለን።
ምድቦች
ተጨማሪ
- ሓዲሥ: ሰባት አጥፊዎችን ተጠንቀቁ!
- ሓዲሥ: ከባባዶቹን ወንጀሎች ከተጠነቀቁ አምስቱ ሶላቶች፣ ከጁሙዐ እስከ ጁሙዐ፣ ከረመዳን እስከ ረመዳን በመካከላቸው የተሰሩትን ወንጀሎች ያስሰርዛሉ።
- ሓዲሥ: በአላህ ገንዘብ ያለአግባብ የሚገለገሉ ሰዎች ለነርሱ የትንሳኤ ቀን እሳት ተዘጋጅቶላቸዋል።
- ሓዲሥ: ሟቾችን አትሳደቡ! እነርሱ ወዳስቀደሙት (ስራቸው) ሂደዋልና።
- ሓዲሥ: ሲገናኙ ይህም እየዞረ ያኛውም እየዞረ ወንድሙን ከሶስት ሌሊቶች በላይ ሊያኮርፈው አይፈቀድለትም። ከሁለቱ ምርጡ በሰላምታ የሚጀምረው ነው።
- ሓዲሥ: ዝምድናን ቆራጭ ጀነት አይገባም።
- ሓዲሥ: ነገር አዋሳጅ ጀነት አይገባም።