Hadiis: Muumin ning sẽn karemda Alkʋrãanã bilgri, yaa wala Ʋtrʋga tɩ-bila, a yũugã noomame la a rɩɩbã me noomame, la muumin ning sẽn ka karemda Alkʋrãanã bilgri yaa wala tamarʋ bila, a ka tar yũug ye la a rɩɩbã noomame

عَن أَبي مُوْسى الأَشْعريِّ رضي الله عنه قال: قال رسولُ اللهِ صلى اللهُ عليه وسلم:
«مَثَلُ الْمُؤْمِنِ الَّذِي يَقْرَأُ الْقُرْآنَ كَمَثَلِ الْأُتْرُجَّةِ، رِيحُهَا طَيِّبٌ وَطَعْمُهَا طَيِّبٌ، وَمَثَلُ الْمُؤْمِنِ الَّذِي لَا يَقْرَأُ الْقُرْآنَ كَمَثَلِ التَّمْرَةِ، لَا رِيحَ لَهَا وَطَعْمُهَا حُلْوٌ، وَمَثَلُ الْمُنَافِقِ الَّذِي يَقْرَأُ الْقُرْآنَ مَثَلُ الرَّيْحَانَةِ، رِيحُهَا طَيِّبٌ وَطَعْمُهَا مُرٌّ، وَمَثَلُ الْمُنَافِقِ الَّذِي لَا يَقْرَأُ الْقُرْآنَ كَمَثَلِ الْحَنْظَلَةِ، لَيْسَ لَهَا رِيحٌ وَطَعْمُهَا مُرٌّ».
[صحيح] - [متفق عليه] - [صحيح البخاري: 5427]

Yii a Abʋʋ Muusa Al-ašʿary nengẽ (Wẽnd yard be a yĩnga) a yeelame: Wẽnd Tẽn-tʋʋmã yeelame (Wẽnd pʋʋsg lɑ A tɩlgr be ɑ yĩngɑ):
«Muumin ning sẽn karemda Alkʋrãanã bilgri, yaa wala Ʋtrʋga tɩ-bila, a yũugã noomame la a rɩɩbã me noomame, la muumin ning sẽn ka karemda Alkʋrãanã bilgri yaa wala tamarʋ bila, a ka tar yũug ye la a rɩɩbã noomame, la munaafɩk ning sẽn karemda Alkʋrãanã bilgri yaa wala rayhaane, a yũugã yaa noogo la a yaa toog noorẽ, la munaafɩk ning sẽn ka karemda Alkʋrãanã bilgri, yaa wala tʋksẽnego, a ka tar yũ-noogo a lembgã me yaa toogo».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 5427]

bilgrã

Nɑbiyɑɑmã (Wẽnd pʋʋsg la A tɩlgr be a yĩnga) vẽnegdame n wilgd nebã kõbgo, Alkʋrãanã kareng pʋgẽ la naf ne-a wã:
Rẽenem kõbgã: yaa muumin ning sẽn karemda Alkʋrãanã la a nafd ne-a wã, yẽnda yaa wala Ʋtrʋga tɩ-bila, a lembg nooma, a yũug nooma, a kõbg be neere, a nafa yaa wʋsgo, bala yẽ tʋmda ne a sẽn karemd bũmb ningã la a nafd Wẽnd yembsã.
Yiib soabã: yaa muumin ning sẽn ka karemda Alkʋrãanã, yẽnda yaa wala tamarʋ, a rɩɩbã noomame la a ka tar yũug ye, bala a sũurã yaa sẽn be ne lɩɩmaoongo wala tamarʋ tɩɩga sẽn tar nooma, a pʋgẽ wã la a yɩngã, la a ka tar yũug nebã sẽn wʋmd ye, bala ned-kãngã soaba ka karemd Alkʋrãan t'a karengã nafd neba la noom-b ye.
Tãab soaba: yaa munaafɩk ning sẽn karemda Alkʋrãanã, yẽnda yaa wala rayhaane, a yũugã yaa noogo la a yaa toog noorẽ, a vẽnegda nebã taoor t'a yaa sɩd-kõta, rẽnd yũ-noogã wõnda munaafɩkã karengo, la a sẽn yaa toogã wõnda a kɩflemã.
Naas soaba: yaa munaafɩk ning sẽn ka karemda Alkʋrãanã, yẽ yaa wala tok-sẽnego, a ka tar yũ-noogo a lembgã me yaa toogo, rẽnd tok-sẽnegã yũugã kaalemã wõnda nedã sẽn ka tar yũugã, a sẽn ka karemd Alkʋrãanã yĩnga, la a lembgã toomã wõnda a kɩflemã toomã, bala a pʋgẽ wã lakame n ka tar sɩd-kũuni a yɩnga me nafa ka be beenẽ ye, a pʋs n yaa sẽn namsde.