Hadiis: Aayar n sig mam zugu, Aaya-kãngã n noom maam n yɩɩd dũni wã zãnga

عَنْ أَنَسِ بْنِ مَالِكٍ رَضيَ اللهُ عنهُ قَالَ:
لَمَّا نَزَلَتْ: {إِنَّا فَتَحْنَا لَكَ فَتْحًا مُبِينًا لِيَغْفِرَ لَكَ اللهُ} إِلَى قَوْلِهِ {فَوْزًا عَظِيمًا} [الفتح: ١-٥] مَرْجِعَهُ مِنَ الْحُدَيْبِيَةِ، وَهُمْ يُخَالِطُهُمُ الْحُزْنُ وَالْكَآبَةُ، وَقَدْ نَحَرَ الْهَدْيَ بِالْحُدَيْبِيَةِ، فَقَالَ: «لَقَدْ أُنْزِلَتْ عَلَيَّ آيَةٌ هِيَ أَحَبُّ إِلَيَّ مِنَ الدُّنْيَا جَمِيعًا».
[صحيح] - [رواه مسلم] - [صحيح مسلم: 1786]

Yii a Anas ɭbn Maalik nengẽ, (Wẽnd yard be a yĩnga) a yeelame:
Wẽnd koεεgã sẽn wa n sigi: {Ad Tõnd pakame n kõ foom, pakr sẽn yaa vẽenega (Hʋdɑybiyɑ zems-n-tɑɑrã). Bʋɩl yĩng tɩ Wẽnd na yaaf foom f zũnuub-rãmb} {Bʋɩl yĩng t'A na kẽes Muumin-roapã la Muumin-pogsã arzãn-rãmbẽ, tɩ ko-sood zoet b tẽngre, tɩ b yaa duumdb a pʋgẽ, la A yaaf-b b yel-wẽna, la rẽnda yɩɩ Wẽnd nengẽ n yaa pʋɩɩr sẽn yaa bedre} [Al-fɑth (Pakrã sʋʋra):1-5]. A sẽn wa n lebg Hʋdaybɩyya n watẽ wã, tɩ sahaabsã yaa sũ-sãang la yεεms n tar-ba, rẽ tɩ b kʋʋ yʋgmã Al-hʋdaybɩyya, a yeelame: «Aayar n sig mam zugu, Aaya-kãngã n noom maam n yɩɩd dũni wã zãnga».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 1786]

bilgrã

A Anas ɭbn Maaliki (Wẽnd yard be a yĩnga) kõo kibare, tɩ Wẽnd koεεgã (A Naam zẽk yã) sẽn wa n sig Wẽnd Tẽn-tʋʋmã zugu (Wẽnd pʋʋsg la A tɩlgr be a yĩnga): {1. Ad Tõnd pakame n kõ foom, pakr sẽn yaa vẽenega (Hʋdɑybiyɑ zems-n-tɑɑrã). 2. Bʋɩl yĩng tɩ Wẽnd na yaaf foom f zũnuub-rãmb sẽn reng taoor la f zũnuub-rãmb sẽn na n yaoole, la A pids A neema wã fo zugu, la A kãndg foo sor sẽn ya tɩrga. 3. La Wẽnd sõng foo sõngr sẽn tar pãnga. 4. Yẽ la Soab ning sẽn sik yĩn-yõgnegã muumin-rãmbã sũyẽ, bʋɩl yĩng tɩ b na paas liimaoong n lagem b liimaoongã. Lɑ Wẽnd n so saas la Tẽng tãpo, la Wẽnd yɩɩme n yɑɑ Mit n yɑɑ bʋʋd nimim Naaba. 5. Bʋɩl yĩng t'A na kẽes Muumin-roapã la Muumin-pogsã arzãn-rãmbẽ, tɩ ko-sood zoet b tẽngre, tɩ b yaa duumdb a pʋgẽ, la A yaaf-b b yel-wẽna, la rẽnda yɩɩ Wẽnd nengẽ n yaa pʋɩɩr sẽn yaa bedre. [Al-fɑth (Pakrã sʋʋra):1-5]. A sẽn wa n lebgd Al-Hʋdaybɩyya wã, tɩ b gɩdg-ba tɩ b ka tõog n na n maan ʿƲmrã wã, sabab ning zems-n-taarã sẽn yɩ woto wã, tɩ sahaabsã rag n tẽed tɩ rẽ ka manegr ne lɩslaambã, tɩ b kood b rũmsã n lebg n na n kuili n ka ta Maka, la Wẽnd Tẽn-tʋʋmã yeel yã (Wẽnd pʋʋsg lɑ A tɩlgr be ɑ yĩngɑ): Ad b sika mam zugu, Aayare a nonglemã yɩɩda dũni la sẽn be a pʋgẽ fãa gilli rẽ poorẽ t'a karem-a.

Sẽn be Hɑdiisã yõod-rãmbẽ

1. A wẽnegdame n wilgd yel-bedr ning Wẽnd sẽn maan neema (A Naam yɩlgame n zẽke) A Nabiyaamã a Mʋhammad zugã (Wẽnd pʋʋsg lɑ A tɩlgr be ɑ yĩngɑ), sẽn yaa pak kãsẽngã, Al-hudaybɩyya zems-taabã zĩigẽ, wakat ninga Wẽnd sẽn yeel-a: {Ad Tõnd pakame n kõo foom, pakr sẽn yaa vẽenega (Hʋdɑybɩyyɑ zems-n-tɑɑrã)} Aayae a yiibã.
2. A vẽnegdame n wilgdẽ, Wẽnd sẽn maan neemã n kõ sahaabsã (Wẽnd yard be b yĩnga) b sẽn wa n sak Nabiyaamã sagellã, n sak n pʋge, bala Wẽnd koεεg (A Naam zẽk yã) siga b zugu n yeele: {Bʋɩl yĩng t'A na kẽes Muumin-roapã la Muumin-pogsã arzãn-rãmbẽ, tɩ ko-sood zoet b tẽngre, tɩ b yaa duumdb a pʋgẽ, la A yaaf-b b yel-wẽna, la rẽnda yɩɩ Wẽnd nengẽ n yaa pʋɩɩr sẽn yaa bedre.} Aayarã.
3. Wilgda Wẽnd yɩɩdlemã sẽn be A Nabiyaamã zugu, la muumin-rãmbã zugu, ne A sẽn pʋlem-ba, tɩ pakr la sõngr n na n zĩndi.
4. A Saʿadɩy yeelame (Wẽnd na yols-a) a sẽn na n wels Aaya-kãngã wã: {Ad Tõnd pakame n kõ foom, pakr sẽn yaa vẽenega (Hʋdɑybɩyyɑ zems-n-tɑɑrã)}. [Al-fɑth (Pakrã sʋʋra):1]. Pak-kãngã sẽn togsã, yaa Al-hʋdaybɩyya wʋm-taabã, wakat ninga kɩfr-rãmbã sẽn wa n gɩdg Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ), a sẽn wa n wa n na n maan ʿƲmra, tɩ kibare yaa woko, la a baasgã yaa tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) zemsa ne-ba, tɩ zabrã na n sε bãmb ne taab sʋka yʋʋm piiga, la Nabiyaamã lebg rõandã la a lebg n maan ʿƲmrã wã vẽere, la ned ning sẽn rat n na n kẽ Ƙʋrayš-rãmbã nengẽ la a maan zems-n-taar ne-ba a kẽedame, la ned ning me sẽn rat n na n kẽ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) alkaoolã pʋgẽ la a loεεgã pʋgẽ a kẽedame. La rẽnda sabab yaa nebã sẽn paam bas-m-yam ne taaba, tɩ dĩinã bool n tʋg Wẽnd nengẽ wã yalge (A Naam yɩ wagell n zẽke) tɩ sɩd-kõt fãa kẽed zĩig ninga a sẽn tʋlle, n maand a Boollã, tɩ ned ning sẽn rata paam sore n tõe n yals n wʋm lɩslaangã sɩdã sẽn ta zĩig ningã, rẽ n yɩ sabab tɩ nebã kẽ wakat-kãng pʋgẽ wã lɩslaangã dĩinã zama-zama, tɩ Wẽnd pʋd-a tɩ Pakre, b leb n sɩf-a lame t'a yaa Pakr sẽn yaa vẽenega, bala sẽn rat n na n pak kɩfr-rãmbã tẽmsã, yaa sẽn na yɩl n keng Wẽnd dĩinã, la lɩslaambã na paam fãoogre, la yel-kãng paamame ne Pak-kãngã.