ჰადისი: მე გადმომევლინა ერთი აიათი, ის ჩემთვის უფრო საყვარელია ვიდრე მთელი სამყარო

عَنْ أَنَسِ بْنِ مَالِكٍ رَضيَ اللهُ عنهُ قَالَ:
لَمَّا نَزَلَتْ: {إِنَّا فَتَحْنَا لَكَ فَتْحًا مُبِينًا لِيَغْفِرَ لَكَ اللهُ} إِلَى قَوْلِهِ {فَوْزًا عَظِيمًا} [الفتح: ١-٥] مَرْجِعَهُ مِنَ الْحُدَيْبِيَةِ، وَهُمْ يُخَالِطُهُمُ الْحُزْنُ وَالْكَآبَةُ، وَقَدْ نَحَرَ الْهَدْيَ بِالْحُدَيْبِيَةِ، فَقَالَ: «لَقَدْ أُنْزِلَتْ عَلَيَّ آيَةٌ هِيَ أَحَبُّ إِلَيَّ مِنَ الدُّنْيَا جَمِيعًا».
[صحيح] - [رواه مسلم] - [صحيح مسلم: 1786]

ანას ბინ მაალიქმა (ალლაჰი იყოს მისით კმაყოფილი) თქვა:
როდესაც გადმოევლინა: {ჭეშმარიტად, ჩვენ მოგეცით შენ აშკარა გამარჯვება, რათა გაპატიოს ალლაჰმა ცოდვები} სიტყვებამდე {უდიდესი გამარჯვება} [ალ-ფათჰ: 1-5] - ჰუდაიბიას შეთანხმებიდან დაბრუნებისას, მათ შემოჰყროდათ დარდი და მწუხარება, მან დაკლა შესაწირი ჰუდაიბიაში, და თქვა: «მე გადმომევლინა ერთი აიათი, ის ჩემთვის უფრო საყვარელია ვიდრე მთელი სამყარო».
[სანდო (საჰიჰ)] - [გადმოსცა მუსლიმმა] - [საჰიჰ მუსლიმ - 1786]

განმარტება

ანას ბინ მალიქი (ალლაჰი იყოს მისით კმაყოფილი) გვამცნობს, რომ როდესაც ალლაჰის შუამავალს (ალლაჰის ლოცვა და მშვიდობა მას) გარდმოევლინა უზენაესის სიტყვები: {ჩვენ გიბოძეთ შენ ცხადი გამარჯვება. 2. რათა მოგიტევოს ალლაჰმა ის, რაც უწინ იყო შენი ცოდვისაგან და რაც შემდგომ იყო, სრულად მოიღოს თავისი მოწყალება შენზე და დაგადგინოს ჭეშმარიტ გზაზე. 3. და შეგეწიოს შენ ალლაჰი მტკიცე შეწევნით.4. იგია, რომელმაც ზეგარდმოავლინა სიმშვიდე მორწმუნეთა გულებზე, რათა მიემატებინა მათთვის რწმენა, მათ რწმენასთან ერთად. ალლაჰს ეკუთვნის ლაშქარნი ცათა და ქვეყნისა და ალლაჰი ყოვლისმცოდნე, ბრძენია! 5. რათა შეიყვანოს მორწმუნე კაცები და მორწმუნე ქალები სამოთხეებში, რომელთა ძირს მიედინებიან მდინარეები. იქ იქნებიან მარადიულად, დაფარავს მათგან იგი მათ სიავეებს და ეს იქნება ალლაჰის წიაღ დიდებული მიღწევა}.[ალ-ფათჰ: 1-5]. ეს იყო მაშინ, როცა ის ჰუდაიბიას შეთანხმებიდან უკან ბრუნდებოდა, მის საჰებებს კი დარდი და მწუხარება აწუხებდათ, რადგან მათ ვერ შეძლეს უმრას შესრულება, იმ ზავის თანახმად რომელიც დაიდო, და ისინი ფიქრობდნენ, რომ ეს მუსლიმების სასიკეთოდ არ იყო, მათ დაკლეს შესაწირი ჰუდაიბიაში, და ალლაჰის შუამავალმა (ალლაჰის ლოცვა და მშვიდობა მას) თქვა: ვფიცავ მე გადმომევლინა ერთი აიათი, ის ჩემთვის უფრო საყვარელია ვიდრე მთელი სამყარო, შემდეგ კი წაიკითხა ის:

ჰადისის სარგებლობიდან

1. იმ დიდი გამარჯვების განმარტება, რომელიც უზენაესმა და ყოვლადქებულმა ალლაჰმა უწყალობა თავის მოციქულს (ალლაჰის ლოცვა და მშვიდობა მას) უდიდესი გამარჯვების სახით ჰუდაიბიას შეთანხმების დროს. როცა უთხრა მას: {ჭეშმარიტად, გიბოძეთ შენ ცხადი გამარჯვება} ზემოთ ხსენებული პირველი და მეორე აიათი.
2. განმარტება თუ როგორი წყალობა მოიღო უზენაესმა ალლაჰმა საჰაბებზე (ალლაჰის იყოს მათით კმაყოფილი), როდესაც მათ ქედი მოიხარეს მისი ბრძანების წინაშე და დაჰმორჩილდნენ მას, რადგან მათთვის გარდმოევლინა უზენაესის სიტყვები: {რათა შეიყვანოს მორწმუნე კაცები და მორწმუნე ქალები სამოთხეებში, რომელთა ძირს მდინარეები მიედინებიან} აიათი.
3. ალლაჰის წყალობის განმარტება თავის შუამავალზე და მორწმუნეებზე, რადგან მათ დაჰპირდა მექქის აღებას და შეწევნას.
4. ას-სა'დიმ ამ აიათის განმარტების დროს თავის თაფსირში თქვა: {ჭეშმარიტად ჩვენ მოგეცით შენ აშკარა გამარჯვება} [ალ-ფათჰ:1], აქ ნახსენები გამარჯვება არის ჰუდაიბიას შეთანხმება, როდესაც წარმართებმა აუკრძალეს ალლაჰის შუამავალს (ალლაჰის ლოცვა და მშვიდობა მას) მექქაში შესვლა უმრას შესასრულებლად, რომლის ამბავიც ვრცლად არის გადმოცემული, ბოლოს იქნა გადაწყვეტილება მიღებული, რომ ალლაჰის შუამავალმა (ალლაჰის ლოცვა და მშვიდობა მას) მათთან დადო ზავი, რომ ომი იქნებოდა შეჩერებული მასა და წარმართებს შორის ათი წლის განმავლობაში, და ის უმრას შესრულებას მხოლოდ მომავალ წელს შეძლებდა, ვისაც სურდა ყურაიშელების ერთად ყოფნა მათ დაუფიცებდა და შედიოდა, ხოლო ვისაც სურდა, რომ ალლაჰის შუამავლის (ალლაჰის ლოცვა და მშვიდობა მას) ერთად ყოფილიყო მასთან დებდა ფიცს და შედიოდა, ამ მიზეზის გამო, როცა ხალხი თავს დაზღვეულად გრძნობდნენ ერთმანეთისგან, უზენაესი ალლაჰის რელიგიისკენ მოწოდების არეალი გაიზარდა, და ყველა მორწმუნე რომელ მხარესაც არ უნდა ყოფილიყო არსებული მხარეებიდან (მექქაში თუ მედინაში), მას ჰქონდა ამის შესაძლებლობა, და ვისაც სურდა მას შეეძლო რეალურად ყოფილიყო ჭეშმარიტ ისლამზე, ამ პერიოდში ადამიანები ჯგუფ-ჯგუფად შედიოდენ ალლაჰის რელიგიაში, სწორედ ამის გამო უწოდა უზენაესმა ალლაჰმა ამ მოვლენას გამარჯვება, და დაახასიათა ის როგორც აშკარა გამარჯვება, ანუ: ღია და ნათელი. წარმართთა ქალაქების დაპყრობის მიზანი, ალლაჰის რელიგიის გაბრწყინება და მუსლიმთა შეწევნაა, ეს ყველაფერი მოხდა იმ გამარჯვებით/ჰუდეიბიას შეთანხმების შედეგად.