Ҳадис: Ҳар гоҳ онро (ҳилоли Рамазонро) дидед, рӯза бигиред ва ҳар гоҳ онро (ҳилоли моҳи Шаволро) дидед ифтор кунед. Агар осмон абрнок бошад ва моҳро надидед, 30 рӯзро пурра намоед

عَنْ ابْنَ عُمَرَ رَضِيَ اللَّهُ عَنْهُمَا قَالَ: سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:
«إِذَا رَأَيْتُمُوهُ فَصُومُوا، وَإِذَا رَأَيْتُمُوهُ فَأَفْطِرُوا، فَإِنْ غُمَّ عَلَيْكُمْ فَاقْدُرُوا لَهُ».
[صحيح] - [متفق عليه] - [صحيح البخاري: 1900]

Аз Ибни Умар (разияллоҳу анҳумо) ривоят аст, ки гуфт: Паёмбар (саллаллоҳу алайҳи ва саллам)-ро шунидам, ки мегӯяд:
"Ҳар гоҳ онро (ҳилоли Рамазонро) дидед, рӯза бигиред ва ҳар гоҳ онро (ҳилоли моҳи Шаволро) дидед ифтор кунед. Агар осмон абрнок бошад ва моҳро надидед, 30 рӯзро пурра намоед."
[Саҳеҳ] - [متفق عليه] - [Саҳеҳ Бухорӣ - 1900]

Шарҳ

Паёмбар (саллаллоҳу алайҳи ва саллам) нишонаи даромадан ва баромадани ҳилоли моҳи Рамазонро баён намуданд: Ҳар гоҳ ҳилоли моҳи Рамазонро дидед, рӯза бигиред. Ва агар осмон абрнок бошад, ё чизи дигаре монеъа шуд ва моҳро дида натавонистед, 30 рӯзро барои моҳи Шаъбон пурра кунед. Ҳамчунин агар ҳилоли моҳи Шаволро дидед, ифтор кунед (ид кунед), агар осмон абрнок бошад ё чизи дигаре монеъа шуд ва моҳро дида натавонистед, 30 рӯзро барои моҳи Рамазон пурра кунед.

Аз фоидаҳои ҳадис

1. Дар исботи даромадани моҳ мадори эътибор дидани он аст на ҳисоби он.
2. Ибни Мунзир нақл кардааст, ки иҷмоъ бар он аст, ки агар даромадани моҳ танҳо аз рӯи ҳисоб бошад, на бо дидани моҳ, рӯза гирифтан воҷиб намегардад.
3. Агар бар асари абрнокӣ ё чизҳои дигар, дидани ҳилоли моҳи Рамазон монеъа шавад, 30 рӯзро барои моҳи Шаъбон пурра кардан воҷиб аст.
4. Моҳи ҳиҷрии қамарӣ 29 рӯз ё 30 рӯз аст.
5. Агар бар асари абрнокӣ ё чизҳои дигар, дидани ҳилоли моҳи Шавол монеъа шавад, 30 рӯзро барои моҳи Рамазон пурра кардан воҷиб аст.
6. Шахсе дар ҷое бошад, ки касе умури мусалмононро дар мавриди рӯза гирифтан ба уҳда надошта бошад, ё касе бошад, ки ба ин масъала таваҷҷуҳ надошта бошад, бояд бо касе, ки бо дидани ҳилол ё бо гувоҳии эътимодбахш барояшон маълум мекунад, муроҷиат кунанд ва ба он асос рӯза гиранд ё ифтор кунанд.