Hadith: នៅពេលដែលគេផ្តល់ឲ្យរ៉ស៊ូលុលឡោះ ﷺ ធ្វើការជ្រើសរើសរវាងប្រការពីរ លោកតែងជ្រើសយកប្រការដែលមានភាពងាយស្រួលជាងគេ ដរាបណាវាមិនមែនជាបាបកម្ម។ តែប្រសិនបើនោះជាបាបកម្មវិញ លោកគឺជាមនុស្សដែលឃ្លាតឆ្ងាយអំពីវាជាងគេបំផុត។

عَنْ عَائِشَةَ أُمِّ المُؤْمِنينَ رَضِيَ اللَّهُ عَنْهَا أَنَّهَا قَالَتْ:
مَا خُيِّرَ رَسُولُ اللَّهِ صَلَّى اللهُ عَلَيْهِ وَسَلَّمَ بَيْنَ أَمْرَيْنِ إِلَّا أَخَذَ أَيْسَرَهُمَا، مَا لَمْ يَكُنْ إِثْمًا، فَإِنْ كَانَ إِثْمًا كَانَ أَبْعَدَ النَّاسِ مِنْهُ، وَمَا انْتَقَمَ رَسُولُ اللَّهِ صَلَّى اللهُ عَلَيْهِ وَسَلَّمَ لِنَفْسِهِ إِلَّا أَنْ تُنْتَهَكَ حُرْمَةُ اللَّهِ، فَيَنْتَقِمَ لِلَّهِ بِهَا.
[صحيح] - [متفق عليه] - [صحيح البخاري: 3560]

អំពី អាអ៊ីស្ហះ អ៊ុមមុលមុមីនីន رضي الله عنها ពិតណាស់ គាត់បាននិយាយថា៖
នៅពេលដែលគេផ្តល់ឲ្យរ៉ស៊ូលុលឡោះ ﷺ ធ្វើការជ្រើសរើសរវាងប្រការពីរ លោកតែងជ្រើសយកប្រការដែលមានភាពងាយស្រួលជាងគេ ដរាបណាវាមិនមែនជាបាបកម្ម។ តែប្រសិនបើនោះជាបាបកម្មវិញ លោកគឺជាមនុស្សដែលឃ្លាតឆ្ងាយអំពីវាជាងគេបំផុត។ ហើយរ៉ស៊ូលុលឡោះ ﷺ មិនដែលសងសឹកដើម្បីខ្លួនលោកឡើយ លើកលែងតែនៅពេលណាដែលគេបំពានលើប្រការដែលអល់ឡោះបានហាមឃាត់ នោះលោកនឹងសងសឹកក្នុងនាមអល់ឡោះ។
[صحيح] - [متفق عليه] - [صحيح البخاري - 3560]

Explanation

អ៊ុមមុលមុមីនីន អាអ៊ីស្ហះ បានប្រាប់ពីចរិតលក្ខណៈមួយចំនួនរបស់ណាពី ﷺ ហើយក្នុងចំណោមអ្វីដែលគាត់បានប្រាប់នោះ គឺកាលណាណាពី ﷺ ត្រូវបានគេផ្តល់ឲ្យជ្រើសរើសរវាងប្រការពីរ លោកតែងជ្រើសរើសយកប្រការដែលងាយស្រួលជាង ដរាបណាប្រការដែលងាយស្រួលនោះមិនមែនជាប្រការដែលនាំឲ្យមានបាបកម្ម។ តែប្រសិនបើនោះជាប្រការដែលនាំឲ្យមានបាបកម្មវិញ លោកគឺជាមនុស្សដែលឃ្លាតឆ្ងាយពីវាជាងគេបំផុត ហើយក្នុងខណៈនោះ លោកប្រាកដជាជ្រើសរើសយកប្រការដែលពិបាកជាង។ ហើយណាពី ﷺ មិនដែលសងសឹកនរណាម្នាក់ដើម្បីខ្លួនលោកឡើយ។ ផ្ទុយទៅវិញ លោកតែងតែអត់ឱន អធ្យាស្រ័យ និងលើកលែងទោសចំពោះសិទ្ធិផ្ទាល់ខ្លួនរបស់លោក លើកលែងតែនៅពេលណាដែលគេបំពានលើប្រការដែលអល់ឡោះបានហាមឃាត់ នោះលោកនឹងសងសឹកក្នុងនាមអល់ឡោះ។ ហើយលោកជាមនុស្សដែលក្រោធខឹងក្នុងនាមអល់ឡោះខ្លាំងជាងគេបំផុត។

Benefits from the Hadith

1. គួរជ្រើសរើសយកកិច្ចការណាដែលមានភាពងាយស្រួលជាង ដរាបណាប្រការនោះមិនមែនជាអំពើបាប។
2. សាសនាអ៊ីស្លាម គឺជាសាសនាដែលមានភាពងាយស្រួល។
3. ការខឹងក្នុងនាមអល់ឡោះ គឺត្រូវបានបង្គាប់ប្រើ។
4. បង្ហាញពីភាពខន្តី ការអត់ធ្មត់ និងការប្រកាន់ខ្ជាប់នឹងសេចក្តីពិតរបស់ណាពី ﷺ ក្នុងការអនុវត្តច្បាប់របស់អល់ឡោះជាម្ចាស់។
5. អ៊ិពនូហាជើរ បាននិយាយថា៖ ហាទីស្ហនេះបង្ហាញពីការចៀសវាងនូវការជ្រើសរើសអ្វីដែលពិបាក ត្រូវពេញចិត្តនឹងអ្វីដែលខ្លួនមាន និងមិនដាក់បន្ទុកលើខ្លួនឯងចំពោះអ្វីដែលគ្មានតម្រូវការចាំបាច់។
6. ជំរុញឱ្យអភ័យទោស លើកលែងតែក្នុងករណីដែលពាក់ព័ន្ធនឹងសិទ្ធិទាំងឡាយរបស់អល់ឡោះជាម្ចាស់។