Hadiis: Neb ka zĩndid zĩigẽ, n ka tẽeg Wẽnd yʋʋrã a pʋgẽ, la b ka pʋʋs Nabiyaamã, rẽndame t'a yɩ bõn ne-ba, Wẽnd sã n tʋlla t'A sɩbg-ba, la A sã n tʋlla, A yaafdame n bas-ba

عَنْ أَبِي هُرَيْرَةَ رضي الله عنه، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ:
«مَا جَلَسَ قَوْمٌ مَجْلِسًا لَمْ يَذْكُرُوا اللَّهَ فِيهِ وَلَمْ يُصَلُّوا عَلَى نَبِيِّهِمْ إِلاَّ كَانَ عَلَيْهِمْ تِرَةً، فَإِنْ شَاءَ عَذَّبَهُمْ وَإِنْ شَاءَ غَفَرَ لَهُمْ».
[صحيح] - [رواه أبو داود والترمذي والنسائي في الكبرى] - [سنن الترمذي: 3380]

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) yeelame:
«Neb ka zĩndid zĩigẽ, n ka tẽeg Wẽnd yʋʋrã a pʋgẽ, la b ka pʋʋs Nabiyaamã, rẽndame t'a yɩ bõn ne-ba, Wẽnd sã n tʋlla t'A sɩbg-ba, la A sã n tʋlla, A yaafdame n bas-ba».
[Naṣʋn Ṣahɩɩhʋn (Gom-sikdem sẽn manege)] - - [Sunan At-tirmiiziy - 3380]

bilgrã

Nabiyaamã (Wẽnd pʋʋsg la A tɩlgr be a yĩnga) bugsame n yi yam yaal-yaal maaneg ne Wẽnd yʋʋrã tẽegre, tɩ ad neb ka be sẽn na zĩnd zĩigẽ, n ka tẽeg Wẽnd yʋʋrã a pʋgẽ, la b ka pʋʋs A Tẽn-tʋʋmã (Wẽnd pʋʋsg la A tɩlgr be a yĩnga) rẽndame tɩ zĩ-kãng yɩ bõn la mims la boogr ne-ba dũni yikr raarã, Wẽnd sã n tʋlla, t'A sɩbg-b ne b zũnuubã sẽn rag n loogã la b maan-n-koeegã, la A sã n tʋlla, t'A yaaf-ba, rẽnda yaa kũun la yolsg sẽn yi A nengẽ.

Sẽn be Hɑdiisã yõod-rãmbẽ

1. Yaa pirsg ne A (Wẽnd) yʋʋrã tẽegr la a (tẽegrã) yɩɩdlemã.
2. Wilgda zĩis nins sẽn tẽegd Wẽnd yʋʋrã (A Naam zẽk yã) la zĩis nins b sẽn tẽegd Wẽnd Tẽn-tʋʋmã (Wẽnd pʋʋsg la A tɩlgr be a yĩnga), zĩ-kãens yɩɩdlemã, tɩ ad zĩis nins woto sẽn ka be wã, bãmb yaa zĩis sẽn yaa wẽng b rãmbã zugu dũni yikr raarã.
3. Bugsg ning sẽn togs yam yaal-yaalã maaneg ne Wẽnd yʋʋrã tẽegre, a ka bũmb sẽn kʋʋg tɩ yaa zĩisẽ wã bal ye, la ad b gũbga zĩisã fãa, An-Nawawiy yeelame (Wẽnd na yols-a): b kisga ned sẽn zĩnd zĩigẽ n bas zĩigã taoor t'a ka tẽeg Wẽnd yʋʋrã a pʋgẽ ye.
4. Mims ning sẽn na n paam bãmb dũni yikr raarã: tõeeme tɩ yaa keoorã la yel-sõmdã põsgrã ne bãmb sẽn ka paam n naf ne wakatã Wẽnd tũudum pʋgẽ wã, sã n ka rẽ, yaa zũnuub la sɩbgr ning sẽn be beenẽ, ne bãmb sẽn rɩk wakatã n maan soagl ne Wẽnd kɩɩsgã.
5. Bugs-kãngã sã n mik tɩ yam yaal-yaal-kãensã yaa neb sẽn be yel-sakdɩ pʋsẽ, la na n yɩ a wãnã tɩ sã n wa yaa zĩis sẽn yaa haraam, zĩis nins wɩdg la tẽnkãn-wẽend la zẽng sẽn ka rẽnda sẽn be b pʋgẽ?!