Hadithi: “Dinari (monedhë e artë) më i mirë që e shpenzon njeriu është dinari të cilin e shpenzon për familjen e vet, pastaj dinari që e shpenzon për kafshën e vet në rrugën e Allahut dhe dinari të cilin e shpenzon për shokët e vet në rrugën e Allahut.”

عَنْ ثَوْبَانَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«أَفْضَلُ دِينَارٍ يُنْفِقُهُ الرَّجُلُ، دِينَارٌ يُنْفِقُهُ عَلَى عِيَالِهِ، وَدِينَارٌ يُنْفِقُهُ الرَّجُلُ عَلَى دَابَّتِهِ فِي سَبِيلِ اللهِ، وَدِينَارٌ يُنْفِقُهُ عَلَى أَصْحَابِهِ فِي سَبِيلِ اللهِ» قَالَ أَبُو قِلَابَةَ: وَبَدَأَ بِالْعِيَالِ، ثُمَّ قَالَ أَبُو قِلَابَةَ: وَأَيُّ رَجُلٍ أَعْظَمُ أَجْرًا مِنْ رَجُلٍ يُنْفِقُ عَلَى عِيَالٍ صِغَارٍ، يُعِفُّهُمْ أَوْ يَنْفَعُهُمُ اللهُ بِهِ وَيُغْنِيهِمْ.
[صحيح] - [رواه مسلم] - [صحيح مسلم: 994]

Theubani (Allahu qoftë i kënaqur me të!) transmeton se i Dërguari i Allahut ﷺ ka thënë:
“Dinari (monedhë e artë) më i mirë që e shpenzon njeriu është dinari të cilin e shpenzon për familjen e vet, pastaj dinari që e shpenzon për kafshën e vet në rrugën e Allahut dhe dinari të cilin e shpenzon për shokët e vet në rrugën e Allahut.” Ebu Kilabe ka thënë: "(Pejgamberi)Filloi me familjen." Pastaj Ebu Kilabe tha: "Cili njeri ka shpërblim më të madh sesa ai i cili shpenzon për fëmijët e tij të vegjël, ua ruan nderin, ose Allahu u sjell dobi atyre nëpërmjet tij dhe ua plotëson nevojat."
[Ky hadith është sahih] - [E shënon Muslimi] - [Sahihu i Muslimit - 994]

Shpjegimi

Profeti ﷺ në këtë hadith ka përmendur disa variante të shpenzimeve dhe i ka renditur ato, kur janë të shumta, sipas variantit më të detyrueshëm, duke përmendur në fillim variantin më të rëndësishëm. Ai tregoi se pasuria më e shpërblyeshme është ajo që një musliman e shpenzon për dikë që është i detyruar të shpenzojë për të, si: gruaja dhe fëmijët e tij. Me pas pasuria që shpenzon për mjetin e udhëtimit, që e ka përgatitur për luftë në rrugë të Allahut. Më pas pasuria që shpenzon për shokët dhe shoqërinë e tij, kur ata kanë dalë për të luftuar në rrugë të Allahut.

Mësime nga hadithi

1. Variantet e shpenzimit sa i përket vlerës, renditen sipas radhës që janë përmendur në këtë hadith dhe kjo renditje merret në konsideratë gjatë përplasjes se kujt t'i japim përparësi.
2. Shpenzimi për fëmijët ka përparësi në vlerë kundrejt shpenzimit për të tjerët.
3. Shpenzimi për luftë në rrugë të Allahut është prej shpenzimeve më të mëdha, si: përgatitja e mjeteve dhe luftëtarëve për luftë.
4. Është thënë se togfjalëshi "në rrugë të Allahut", përfshin çdo adhurim, si haxhi etj.