Hadithi: “Më i dashuri prej jush tek unë dhe më i afërti me mua në kuvend në Ditën e Gjykimit është ai më i moralshmi

عَنْ جَابِرٍ رَضيَ اللهُ عنهُ أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَالَ:
«إِنَّ مِنْ أَحَبِّكُمْ إِلَيَّ وَأَقْرَبِكُمْ مِنِّي مَجْلِسًا يَوْمَ القِيَامَةِ أَحَاسِنَكُمْ أَخْلاَقًا، وَإِنَّ أَبْغَضَكُمْ إِلَيَّ وَأَبْعَدَكُمْ مِنِّي مَجْلِسًا يَوْمَ القِيَامَةِ الثَّرْثَارُونَ وَالمُتَشَدِّقُونَ وَالمُتَفَيْهِقُونَ»، قَالُوا: يَا رَسُولَ اللهِ، قَدْ عَلِمْنَا الثَّرْثَارُونَ وَالمُتَشَدِّقُونَ فَمَا الْمُتَفَيْهِقُونَ؟ قَالَ: «الْمُتَكَبِّرُونَ».
[صحيح] - [رواه الترمذي] - [سنن الترمذي: 2018]

Xhabir ibn Abdullahu (Allahu qoftë i kënaqur me të!) transmeton se i Dërguari i Allahut ﷺ ka thënë:
“Më i dashuri prej jush tek unë dhe më i afërti me mua në kuvend në Ditën e Gjykimit është ai më i moralshmi, kurse më i urryeri prej jush tek unë dhe më i largëti nga unë në kuvend në Ditën e Gjykimit, janë llomotitësit, llafazanët dhe mutefejhikunët. Thanë: "E dimë cilët janë llomotitësit e llafazanët, po mutefejhikunët cilët janë?" Ai u përgjigj: "Mendjemëdhenjtë.”
[Sahih] - [Transmeton Tirmidhiu] - [Suneni i Tirmidhiut - 2018]

Shpjegimi

Profeti ﷺ në këtë hadith ka njoftuar se besimtarët më të dashur tek ai në këtë botë dhe më të afërmit me të në kuvend në Ditën e Gjykimit janë më të moralshmit. Po ashtu, ai ka sqaruar se më të urryerit tek ai në këtë botë dhe më të largëtit nga ai në kuvend në Ditën e Gjykimit janë ata me moralin më të keq, llomotitësit. Ata që flasin shumë dhe pa nevojë, duke devijuar nga e vërteta. Llafazanët, -ata që zgjerohen në të folur për t’u dukur elokuentë dhe për ta madhëruar fjalën e tyre, pa kujdes dhe pa përmbajtje dhe mutefejhikunët. Ata thanë: "E dimë cilët janë llomotitësit e llafazanët, po mutefejhikunët cilët janë?" Ai u përgjigj: “Janë mendjemëdhenjtë, të cilët i përqeshin të tjerët, e zgjerojnë të folurin dhe ‘hapin gojën’ me të.”

Mësime nga hadithi

1. Morali i mirë është ndër shkaqet për të fituar dashurinë e të Dërguarit të Allahut ﷺ dhe për të qenë afër tij Ditën e Gjykimit, ndërsa morali i keq ka efektin e kundërt.
2. Morali i mirë është ndër mjetet që njerëzit ta duan njëri-tjetrin, ndërsa morali i keq ka ndikimin e kundërt.
3. Inkurajimi për të përvetësuar moral të mirë dhe për të qenë modestë, si dhe tërheqja e vërejtjes se duhet shmangur nga ashpërsia dhe shtirja.
4. Paralajmërim nga të folurit me teprim, mendjemadhësi, mburrje dhe shtirje.