Pagpapanibago: Ang sinumang ikagagalak niya na iligtas siya ni Allāh mula sa hapis ng Araw ng Pagkabuhay ay magpaginhawa siya sa nagkakautang o mag-alis siya [ng utang] mula rito.

عن أبي قتادة رضي الله عنه قال: سمعت رسول الله صلى الله عليه وسلم يقول: «من سَرَّهُ أَن يُنَجِّيَه الله من كَرْبِ يوم القيامة، فَلْيُنَفِّسْ عن مُعْسِر أو يَضَعْ عنه».
[صحيح] - [رواه مسلم]

Ayon kay Abū Qatādah, malugod si Allāh sa kanya, na nagsabi: Narinig ko ang Sugo ni Allāh, pagpalain siya ni Allāh at pangalagaan, na nagsasabi: "Ang sinumang ikagagalak niya na iligtas siya ni Allāh mula sa hapis ng Araw ng Pagkabuhay ay magpaginhawa siya sa nagkakautang o mag-alis siya [ng utang] mula rito."
Tumpak. - Nagsalaysay nito si Imām Muslim.

Ang pagpapaliwanag

Ang kahulugan ng ḥadīth: "Ang sinumang ikagagalak niya..." ay nangangahulugang ikatutuwa niya at ikalulugod niya. Ang "na iligtas siya ni Allāh mula sa hapis ng Araw ng Pagkabuhay..." ay nangangahulugang iligtas siya ni Allāh sa mga pighati at mga pagsubok sa Araw ng Pagbangon. Ang "magpaginhawa siya sa nagkakautang..." ay nangangahulugang ipagpaliban niya ang pagsingil niya sa pautang pagsapit ng taning nito at magpaluwag siya ng taning hanggang sa makatagpo ito ng ipambabayad sa utang. Ang "o mag-alis siya [ng utang] mula rito..." ay nangangahulugang magpalampas siya ng pagkakautang nito sa kabuuan niyon o bahagi niyon. Nagsabi si Allāh (Qur'ān 2:280): "Kung may kagipitan [ang nagkautang] ay [magbigay ng] isang palugit hanggang sa kaluwagan; ngunit kung magkakawanggawa kayo ay mainam para sa inyo, kung nalalaman ninyo."