ഹദീസ്: നിങ്ങളിലൊരാൾ വുദൂഅ് നിർവ്വഹിക്കുകയും, തൻ്റെ രണ്ട് ഖുഫ്ഫകളും ധരിക്കുകയും ചെയ്താൽ -അവൻ ഉദ്ദേശിക്കുന്നെങ്കിൽ- അവ രണ്ടിനും മേൽ തടവുകയും, ശേഷം നിസ്കരിക്കുകയും ചെയ്യട്ടെ; ഖുഫ്ഫ രണ്ടും അവൻ ഊരേണ്ടതില്ല; ജനാബത്താണെങ്കിലൊഴികെ
عَنْ أَنَسٍ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«إِذَا تَوَضَّأَ أَحَدُكُمْ وَلَبِسَ خُفَّيْهِ فَلْيُصَلِّ فِيهِمَا، وَلْيَمْسَحْ عَلَيْهِمَا ثُمَّ لَا يَخْلَعْهُمَا إِنْ شَاءَ إِلَّا مِنْ جَنَابَةٍ».
[صحيح] - [رواه الدارقطني] - [سنن الدارقطني: 781]
المزيــد ...
അനസ് ബ്‌നു മാലിക് -رَضِيَ اللَّهُ عَنْهُ- നിവേദനം: നബി ﷺ പറഞ്ഞു:
"നിങ്ങളിലൊരാൾ വുദൂഅ് നിർവ്വഹിക്കുകയും, തൻ്റെ രണ്ട് ഖുഫ്ഫകളും ധരിക്കുകയും ചെയ്താൽ -അവൻ ഉദ്ദേശിക്കുന്നെങ്കിൽ- അവ രണ്ടിനും മേൽ തടവുകയും, ശേഷം നിസ്കരിക്കുകയും ചെയ്യട്ടെ; ഖുഫ്ഫ രണ്ടും അവൻ ഊരേണ്ടതില്ല; ജനാബത്താണെങ്കിലൊഴികെ."
[സ്വഹീഹ്] - [ദാറഖുത്നി ഉദ്ധരിച്ചത്] - [سنن الدارقطني - 781]
മുസ്‌ലിമായ ഒരു വ്യക്തി വുദൂഅ് ചെയ്തതിന് ശേഷം തൻ്റെ ഖുഫ്ഫ ധരിക്കുകയും, പിന്നീട് അദ്ദേഹത്തിൻ്റെ വുദൂഅ് മുറിയുകയും, വീണ്ടും വുദൂഅ് ചെയ്യാൻ ഉദ്ദേശിക്കുകയും ചെയ്താൽ -വേണമെങ്കിൽ- അദ്ദേഹത്തിന് തൻ്റെ രണ്ട് ഖുഫ്ഫകളുടെ മേൽ തടവിയാൽ മതിയാകും. ഈ ഖുഫ്ഫകൾ ധരിച്ചു കൊണ്ട് തന്നെ അദ്ദേഹത്തിന് നിസ്കാരം നിർവ്വഹിക്കാം. നിശ്ചിത സമയത്തേക്ക് ഈ വിധി അദ്ദേഹത്തിന് ബാധകമായിരിക്കും. എന്നാൽ വലിയ അശുദ്ധി ഉണ്ടാവുകയും ജനാബത്തിൽ നിന്ന് കുളിക്കേണ്ടി വരികയും ചെയ്താൽ അദ്ദേഹം നിർബന്ധമായും തൻ്റെ ഖുഫ്ഫ ഊരേണ്ടതുണ്ട്.
ഹദീഥിൻ്റെ പാഠങ്ങളിൽ നിന്ന്
- പൂർണ്ണമായ ശുദ്ധീകരണത്തിന് ശേഷം രണ്ട് ഖുഫ്ഫകളും ധരിച്ചവർക്ക് മാത്രമേ പിന്നീട് വുദൂഅ് ചെയ്യുമ്പോൾ അതിൻ്റെ മേൽ തടവാൻ അനുവാദമുള്ളൂ.
- നാട്ടിൽ തന്നെ കഴിയുന്നയാൾക്ക് ഒരു പകലും രാത്രിയും ഖുഫ്ഫയുടെ മേൽ തടവാൻ അനുവാദമുണ്ട്. യാത്രക്കാരന് മൂന്ന് പകലും രാത്രിയും തടവാം.
- ചെറിയ അശുദ്ധി സംഭവിച്ചാൽ മാത്രമേ ഖുഫ്ഫകളുടെ മേൽ തടവാൻ പാടുള്ളൂ. വലിയ അശുദ്ധിക്ക് ഈ ഇളവില്ല; വലിയ അശുദ്ധിയിൽ നിന്ന് കുളിക്കുമ്പോൾ ഖുഫ്ഫകൾ രണ്ടും ഊരുകയും, കാലുകൾ കഴുകുകയും ചെയ്യുക എന്നത് നിർബന്ധമാണ്.
- ഖുഫ്ഫകളും ചെരുപ്പുകളും ധരിച്ചു കൊണ്ട് നിസ്കരിക്കുന്നത് പ്രോത്സാഹിപ്പിക്കപ്പെട്ട കാര്യമാണ്; യഹൂദരോട് എതിരാവുക എന്ന ഉദ്ദേശ്യം അതിൻ്റെ പിന്നിലുണ്ട്. എന്നാൽ ഇങ്ങനെ നിസ്കരിക്കുമ്പോൾ ഖുഫ്ഫകൾ ശുദ്ധിയുള്ളതായിരിക്കണം, ഒപ്പം നിസ്കരിക്കുന്നവർക്ക് പ്രയാസം സൃഷ്ടിക്കുന്നതാകരുത്, കാർപെറ്റോ മറ്റോ വിരിച്ച മസ്ജിദുകൾ പോലുള്ള സ്ഥലങ്ങളിലാകരുത് എന്നിങ്ങനെയുള്ള കാര്യങ്ങൾ ശ്രദ്ധയിൽ വെക്കേണ്ടതുണ്ട്.
- രണ്ട് ഖുഫ്ഫകൾക്ക് മേൽ തടവുക എന്ന നിയമം നിശ്ചയിക്കപ്പെട്ടത് ഈ ഉമ്മത്തിനുള്ള എളുപ്പവും ലഘൂകരണവുമായിട്ടാണ്.
വിഭാഗങ്ങൾ
കൂടുതൽ
- ഹദീസ്: ഞാൻ നബി(സ)യോടൊപ്പം ഒരു യാത്രയിലായിരുന്നു, അങ്ങനെ ഞാൻ അവിടുത്തെ കാലുറകൾ അഴിക്കാൻ തുനിഞ്ഞു, അപ്പോൾ അവിടുന്ന് പറഞ്ഞു: അവ രണ്ടിനെയും വിട്ടേക്കുക, നിശ്ചയമായും ഞാൻ അവ രണ്ടും ധരിച്ചത് ശുദ്ധിയോടെയാണ്, അനന്തരം അവിടുന്ന് അവ രണ്ടിന്മേലും തടവി
- ഹദീസ്: ഒരിക്കൽ ഞാൻ നബി -ﷺ- യോടൊപ്പമായിരുന്നു. അങ്ങനെയിരിക്കെ അവിടുന്ന് ഒരു നാട്ടുകാരുടെ മാലിന്യം നിക്ഷേപിക്കുന്ന സ്ഥലത്തേക്ക് നീങ്ങിനിൽക്കുകയും, അവിടെ വെച്ച് നിന്നു കൊണ്ട് മൂത്രമൊഴിക്കുകയും ചെയ്തു