Ḥadīth: Kapag nagsagawa ng wuḍū’ ang isa sa inyo at nagsuot siya ng khuff niya, magdasal siya nang nakasuot nito at magpahid siya sa ibabaw nito, pagkatapos huwag siyang maghubad nito kung niloob niya, malibang nasa janābah."}

عَنْ أَنَسٍ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«إِذَا تَوَضَّأَ أَحَدُكُمْ وَلَبِسَ خُفَّيْهِ فَلْيُصَلِّ فِيهِمَا، وَلْيَمْسَحْ عَلَيْهِمَا ثُمَّ لَا يَخْلَعْهُمَا إِنْ شَاءَ إِلَّا مِنْ جَنَابَةٍ».
[صحيح] - [رواه الدارقطني] - [سنن الدارقطني: 781]

Ayon kay Anas (malugod si Allāh sa kanya): {Ang Sugo ni Allāh (pagpalain siya ni Allāh at batiin ng kapayapaan) ay nagsabi:
"Kapag nagsagawa ng wuḍū’ ang isa sa inyo at nagsuot siya ng khuff niya, magdasal siya nang nakasuot nito at magpahid siya sa ibabaw nito, pagkatapos huwag siyang maghubad nito kung niloob niya, malibang nasa janābah."}
[Tumpak] - [Nagsalaysay nito si Imām Ad-Dāraquṭnīy] - [Sunan Ad-Dāraquṭnīy - 781]

Ang Pagbibigay-linaw

Naglilinaw ang Propeta (basbasan siya ni Allāh at pangalagaan) na kapag nagsuot ang Muslim ng khuff niya matapos na nagsagawa siya ng wuḍū’, pagkatapos nawalang-bisa ito matapos niyon at nagnais siya na magsagawa ng wuḍū’, ukol sa kanya ang magpahid sa ibabaw nito kung nagnais siya niyon. Magdarasal siya nang nakasuot nito at huwag siyang mag-alis nito sa isang yugtong nalalaman; subalit kapag junub siya, kakailanganin sa kanya ang maghubad ng khuff at ang maligo.

Ang mga Katuturan ng Ḥadīth

1. Hindi pinapayagan ang pagpahid sa khuff malibang kapag isinuot ito matapos ng pagkakumpleto ng pagdadalisay.
2. Ang yugto ng pagpahid para sa residente ay hanggang sa isang araw at isang gabi at para sa manlalakbay ay hanggang sa tatlong araw kalakip ng mga gabi nito.
3. Ang pagpahid sa khuff ay natatangi sa maliit na ḥadath, hindi sa malaking ḥadath. Hinggil sa malaking ḥadath, hindi pinapayagan ang pagpahid dito; bagkus kailangan na maghubad ng khuff at maghugas ng mga paa.
4. Isinasakaibig-ibig ang pagsasagawa ng ṣalāh habang nakasuot ng sapatos, khuff, at tulad ng mga ito bilang pakikipagsalungatan sa mga Hudyo. Iyon ay kapag nasa ṭahārah at wala ritong perhuwisyo para sa mga tagapagsagawa ng ṣalāh o para sa masjid tulad ng mga masjid na nalatagan ng karpet sapagkat hindi magdarasal habang suot ito.
5. Ang pagpahid sa khuff ay may pagpapaginhawa at pagpapadali sa Kalipunang ito ng Islām.