Hadithi: “Askush të mos ndëshkohet me më shumë se dhjetë goditje me kamxhik, përveç kur kemi të bëjmë me ndonjë prej ndëshkimeve të përcaktuara nga Allahu.”

عَنْ أَبِي بُرْدَةَ الْأَنْصَارِيِّ رَضيَ اللهُ عنهُ أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«لَا يُجْلَدُ أَحَدٌ فَوْقَ عَشَرَةِ أَسْوَاطٍ إِلَّا فِي حَدٍّ مِنْ حُدُودِ اللهِ».
[صحيح] - [متفق عليه] - [صحيح مسلم: 1708]

Ebu Burde Ensariu (Allahu qoftë i kënaqur me të!) tregon se e ka dëgjuar të Dërguarin e Allahut ﷺ duke thënë:
“Askush të mos ndëshkohet me më shumë se dhjetë goditje me kamxhik, përveç kur kemi të bëjmë me ndonjë prej ndëshkimeve të përcaktuara nga Allahu.”
[Sahih] - [Muttefek alejhi] - [Sahihu i Muslimit - 1708]

Shpjegimi

Profeti ﷺ në këtë hadith ndaloi që dikush të goditet më shumë se dhjetë herë me kamxhik, përveç në rastet e mëkateve, për të cilat janë përcaktuar dënime. Kjo nuk përfshin dënimet për të cilat Ligjvënësi ka caktuar numër të veçantë goditjesh, ose ndëshkime të përcaktuara. Kuptimi këtu është se rrahja ndëshkuese, si p.sh. në edukimin e gruas apo të fëmijës, nuk duhet të kalojë dhjetë goditje.

Mësime nga hadithi

1. Kufijtë e caktuar nga Allahu i Lartësuar, për ato që Ai ka urdhëruar ose ndaluar, kanë dënime frenuese, të cilat ose janë të përcaktuara nga Ligjvënësi, ose lihen të vendosë udhëheqësi sipas asaj që ai e sheh të dobishme.
2. Ndëshkimi disiplinor duhet të jetë i lehtë, vetëm sa për të udhëzuar dhe frenuar, dhe nëse nevojitet, nuk duhet t'i kalojë dhjetë goditje. Megjithatë, është më e preferueshme që edukimi të bëhet pa rrahje, duke u mbështetur në këshillim, mësim, udhëzim dhe nxitje, sepse kjo mënyrë është më e pranueshme dhe kultivon butësi në mësimdhënie. Rrethanat ndryshojnë shumë në këtë aspekt, prandaj duhet zgjedhur ajo që është më e përshtatshme.