Hadithi: “Ai që e viziton një të sëmurë, të cilit ende nuk i ka ardhur exheli (momenti i vdekjes) dhe lutet për të shtatë herë: “Eselullahel adhim, rabel arshil adhimi en jeshfijeke - E lus Allahun e Madhëruar, Zotin e Arshit të Madh, të të shërojë!", Allahu do ta shërojë prej asaj sëmundje

عَنِ ابْنِ عَبَّاسٍ رضي الله عنهما عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ عَادَ مَرِيضًا، لَمْ يَحْضُرْ أَجَلُهُ فَقَالَ عِنْدَهُ سَبْعَ مِرَارٍ: أَسْأَلُ اللَّهَ الْعَظِيمَ رَبَّ الْعَرْشِ الْعَظِيمِ أَنْ يَشْفِيَكَ، إِلَّا عَافَاهُ اللَّهُ مِنْ ذَلِكَ الْمَرَضِ».
[صحيح] - [رواه أبو داود والترمذي وأحمد] - [سنن أبي داود: 3106]

Ibn Abasi (Allahu qoftë i kënaqur me të!) tregon se Profeti ﷺ ka thënë:
“Ai që e viziton një të sëmurë, të cilit ende nuk i ka ardhur exheli (momenti i vdekjes) dhe lutet për të shtatë herë: “Eselullahel adhim, rabel arshil adhimi en jeshfijeke - E lus Allahun e Madhëruar, Zotin e Arshit të Madh, të të shërojë!", Allahu do ta shërojë prej asaj sëmundje."
[Ky hadith është sahih] - [رواه أبو داود والترمذي وأحمد] - [Suneni i Ebu Davudit - 3106]

Shpjegimi

Profeti ﷺ në këtë hadith na ka treguar se nuk ka ndonjë musliman, që viziton një musliman tjetër në sëmundjen e tij, në të cilën ende nuk i ka ardhur koha e vdekjes, e pastaj vizitori lutet për të sëmurin duke thënë: “E lus Allahun e Madhërishëm", i Cili është i tillë në Veten e Tij, cilësitë dhe veprat e Tij, "Zotin e Arshit të Madh, që të të shërojë”, dhe e përsërit këtë shtatë herë, veçse Allahu e shëron nga ajo sëmundje.

Mësime nga hadithi

1. Pëlqehet që kjo lutje t'i thuhet të sëmurit dhe përsëritja e saj shtatë herë.
2. Realizimi i shërimit, për atë pranë të cilit thuhet kjo lutje, arrihet me lejen e Allahut të Lartësuar, nëse ajo thuhet me sinqeritet dhe devotshmëri.
3. Kjo lutje mund të thuhet në heshtje ose me zë, dhe të dyja janë të lejuara, por nëse e thotë me zë, që i sëmuri ta dëgjojë, kjo është më e përshtatshme dhe më e mirë, sepse kështu futet gëzimi te i sëmuri.