Hadithi: Me të vërtetë rukjet (yshtjet, që nuk përputhen me fenë), temimet (hajmalitë) dhe tiveleja (diçka që bëhej me pretendimin se sillte dashuri) janë shirk.”
عن عبد الله بن مسعود رضي الله عنه قال: سمعت رسول الله صلى الله عليه وسلم يقول: "إن الرقى والتمائم والتِّوَلَة شرك".
[صحيح] - [رواه أبو داود وابن ماجه وأحمد]
المزيــد ...
Abdullah ibn Mesudi (Allahu qoftë i kënaqur me të!) tregon: "E kam dëgjuar të Dërguarin e Allahut ﷺ duke thënë: "Me të vërtetë rukjet (yshtjet, që nuk përputhen me fenë), temimet (hajmalitë) dhe tiveleja (diçka që bëhej me pretendimin se sillte dashuri) janë shirk.”
Ky hadith është sahih. - E shënon Ibn Maxhe.
I Dërguari ﷺ tregon se përdorimi i këtyre gjërave për të larguar dëmin dhe për të sjellë dobi nga të tjerët përveç Allahut është shirk (idhujtari) që i bëhet Atij, sepse vetëm Allahu i Lartësuar ka fuqi të largojë të keqen dhe të sjellë të mira. Ky hadith e ka kuptimin se ky veprim është i ndaluar.
Mësime nga hadithi
- Inkurajimi për ta ruajtur besimin nga ajo që e cenon atë, edhe nëse përdoret nga shumë njerëz.
- Ndalimi i përdorimit të këtyre gjërave të përmendura në hadith.
- Shirku i përshkruar në hadith, a është shirku i vogël apo i madh? Themi: Është sipas asaj që njeriu e synon prej saj: nëse i përdor dhe beson se shkaku i dashurisë është Allahu, atëherë është shirk i vogël e, nëse beson se ato veprojnë e ndikojnë vetvetiu, atëherë është shirk i madh.
- Ndalimi i rukjeve dhe se ato janë shirk, përveç asaj që është legjitime (me Kuran dhe Sunet).